Oslo: Anders Breivik wishe abantu 69 yatewe urukweto mu rukiko

Umuvandimwe w’umwe mu bishwe na Anders Behring Breivik yamuteye urukweto hagati mu rubanza rwaberaga mu murwa mukuru wa Norvege Oslo.

“Wishe umuvandimwe wanjye! Jya mukuzimu!” niko yamuteye urukweto asakuza.

Uru rukweto Breivik ntirwamufashe ahubwo rwafashe umwunganira mu mategeko.

Breivik, 33, yemera ko yishe abishaka abantu 66 ku kirwa cya Utoeya tariki 22 Nyakanga 2011, ariko avuga ko byose atari wabiteye.

Kumutera urukweto kuri uyu wa gatanu mu rukiko byazamuye urusaku rw’ibyishimo mu bantu bari mu cyumba cy’urubanza.

Umwe wumvikanye yishimira iki gikorwa yateye hejuru ati: “Bravo!”

Uwateye ruriya rukweto ntiyabashije kumenyekana kuko yahise asohorwa n’abashinzwe umutekano mu rubanza.

Anders Breivik nawe ntiyacecetse kuko yahindukiye akavuga ati: “ Niba hari ushaka kuntera ikintu ajye abikora ninjira cyangwa nsohoka ariko kandi adateye umwunganizi wanjye”.

Gutera umuntu urukweto bifatwa nko kwerekana urwango no gutuka umuntu mu bihugu byinshi ku Isi, byagaragaye cyane ubwo mu 2008 umunyamakuru yateye urukweto President George W Bush ubwo yahaga ikiganiro abanyamakuru i Baghdad.

Mu rubanza rwa Anders Breivik, abo yiciye ababo usanga bari mu marira iyo bumva uko avuga uko yishe abana n’abavandimwe babo.

Uru rubanza ruzamara ibindi byumweru bigera kuri bitanu.

Source: BBC

Daddy Sadiki RUBANGURA
UM– USEKE.COM