Onyeaka A. umunyaNigeria wari uri muri Rayon ari kuvugana na Mukura

Rutahizamu ukomoka muri Nigeria Onyeaka Augustin umaze iminsi asa n’uri mu igeragezwa muri Rayon Sports ndetse uherutse kuyitsindira igitego muri 1/4 cy’irushanwa Agaciro Development Fund ubu biravugwa ko amahirwe menshi nuko yasinyira ikipe ya Mukura Victory Sports.

Okoko Godfroid utoza Mukura VS yabwiye Umuseke ko bakeneye amaraso mashya mu busatirizi.

Ati “Sinakubwira niba ari Onyeaka cyangwa undi. Turacyashakisha, dukeneye rutahizamu.”

Onyeaka Chukwudi Augustin w’imyaka 23 amakuru agera k’Umuseke aravuga ko ikipe ya Mukura iri kumvikana nawe ngo abe yaza kuyikinamo  kuko atarabasha kumvikana na Rayon Sports yari yaje ajemo.

Uyu yaje mu Rwanda avuye muri Mukdahan City yo mu kiciro cya mbere muri Thailand. yabanje guca muri KCCA yo muri Uganda ariko ntibyamuhira, niko gufata inzira imwerekeza mu Rwanda, yaje ari kumwe na bagenzi be; Emeka Ibeh, na Emeka Orji.

UM– USEKE.RW