Olympics: Mu kwiruka Marathon Mukasakindi yabaye uwa 126
Mukasakindi yabashije kurangiza 42Km za Marathon ari uwa 126
Kuri iki cyumweru ubwo habaga gusiganwa 42Km mu bagore umunyarwandakazi MUKASAKINDI CLAUDETTE yasoje ku mwanya wa 126 akoresheje amasaha 3, iminota 5 n’amasegonda 57 (3h05’57’’).
Ni isiganwa ryatangiwe n’abakinnyi 157 hasoza 133.
Uwa mbere yabaye Sumgong Jemima Jelugat wo muri Kenya wakoresheje 2h24’04’’ atwara umudari wa zahabu, uwa kabiri aba Kirwa Eunice Jepkirui wo muri Bahrein wakoresheje 2h24’13’’ atwara umudari wa feza; uwa gatatu aba Dibaba Mare wo muri Ethiopie wakoresheje 2h24’30’’ atwara umudari wa bronze.
Yari inshuro ya kabiri Mukasakindi Claudette imikino ya Jeux Olympiques, bwa mbere hari mu 2012 i Londres mu Bwongereza aho yirutse 42Km mu masaha 2 iminota 51 n’amasegonda 7 (2h51’07’’), naho ibihe byiza yakoresheje kugeza ubu ni amasaha 2, iminota 40 n’amasegonda 18 (2H40’18’’).
Abanyarwanda babiri nibo basigaje gukina, Uwiragiye Ambroise mu gusiganwa Marathon mu bagabo na Byukusenge Nathan mu gusiganwa ku magare “mountain bike /vélo tout terrain”; bombi amarushanwa yabo ateganyijwe ku cyumweru taliki 21.08.2016 ari nabwo hazasozwa imikino olempike ibera i Rio muri Bresil.
Uko ibihugu bihagaze kugeza ubu mu gutwara imidari:
UM– USEKE.RW
English
4 Comments
Ariko tubeho nta nikintu du fabrica iwacu tunanirwe no kwiruka koko… mpise niruka ubutaha nzajyayo.
Tembo rwose uryamishije hasi ????????????????
Imikino yaratwihishe pe! Kubona nta munyarwanda n’umwe urabona umudari mu mikino olympique!
ariko iyi shusho mudushyiriyeho ni ukuyibazaho byinshi: ko mbona ari wenyine nta n’umukurikiye kandi akaba atirutse wenyine bisobanuye iki? aha abandi yari yabasize cyangwa yari uwa nyuma? Ese kuvuga ngo yabaye uwa 126 basiganwaga ari bangahe?
Comments are closed.