Nigeria: Boko Haram noneho yashimuse abagore 20

Biravugwa ko ari umutwe wa Boko Haram washimuse abagore 20 hafi y’aho batwariye abakobwa 200 mu majyaruguru ya Nigeria.

Aba bagore ngo batwawe mu modoka yo mu bwoko bwa bisi nto batunzwe intwaro batwarwa ahantu hatazwi bavanywe muri Leta ya Borno nk’uko uwabibonye yabibwiye BBC.

Igisirikare cya Nigeria ntacyo kiratangaza kuri ibi n’ubwo aba bagore ngo batwawe mu mpera z’icyumweru gishize.

Igisirikare cya Nigeria kirashinjwa intege nke mu guhangana na Boko Haram mu majyaruguru ya Nigeria.

Leta nyinshi mu majyaruguru n’uburasirazuba bwa Nigeria zashyizwe mu bihe bidasanzwe, gusa muri izo Leta igisirikare n’inzego za Leta ngo ntabwo zihafite ububasha kuko ngo hari n’ahamanitse amabendera y’iyi mitwe yitwaje intwaro.

Abantu ibihumbi n’ibihumbi bamze kwicwa kuva mu 2009 Boko Haram itangira kwivumbagatanya mu majyaruguru ya Nigeria.

Abagore bashimuswe bavanywe hafi y’aho abakobwa barenga 200 bavanywe mu ntangiriro z’ukwezi kwa kane, hafi y’umupaka wayo na Cameroun, ubu amezi abiri arashize nta kanunu kabo.

Nubwo habayeho igitutu kuri Boko Haram gikozwe n’abatuye isi benshi na Leza z’unze ubumwe za Amerika n’ubwongereza bakemera ubufasha bwa gisirikare mu gushaka abo bakobwa, n’ubu ntabwo birakorwa.

Ubwo aba bagore ngo bashimutwaga batatu muri bon go bagerageje kwirwanaho biba iby’ubusa.

ububiko.umusekehost.com