Ndamutse ntwaye inda nabyakira uko bije -Allioni
Yitwa Buzindu Uwamwezi Aline, izina akoresha nk’umuhanzi ni Allioni, yavutse kuwa 22 Ugushingo 1992. Twaganiriye nawe tumubaza byinshi ku buzima bwe. Tugeze aho tumubaza icyo yavuga ku bakobwa batwara inda yadusubije ko abona ari accident no kutamenya gufata icyemezo, ariko anavuga ko we aramutse ayitwaye yabyakira uko bije.
Iki ni ikiganiro kirambuye yagiranye n’Umuseke.com
Umuseke.com: Allioni Muraho neza?
Allioni: Muraho nawe?
Umuseke.com: Ko wambaye neza uvuye hehe?
Allioni: Mvuye mu rugo.
Umuseke.com: Mu rugo ni hehe?
Allioni: Kibagabaga haruguru ya Mosque gatoya.
Umuseke.com: Ko ucyeye cyane iyi myenda wagiguriye hehe?
Allioni: Mu Rwanda
Umuseke.com: Ubu ihagaze agaciro kangana gute?
Allioni: Sinibuka neza.
Umuseke.com: Amaherena nayo umuntu avuze ko ari meza ntiyaba yibeshye, hari umuntu wayakuguriye cyangwaaaa?
Allioni: Oya ntawe nijyewe wayiguriye.
Umuseke.com: Iteka ryose imisatsi yawe iba isa ukuntu kwihariye biterwa n’iki?
Allioni: Niko nkunda gusokoza, numva aribyo bimpaye amahoro kandi ntabwo binjena kuko mfite umusatsi mugufi, mbese nta kibazo.
Umuseke.com: Reka tuguhe akanya witekereze ho ubundi utubwire agaciro k’ibi bintu wambaye byose hamwe uko kangana, ni ukuvuga amaherena, imyenda, isakoshi, telefoni, ibikomo n’izi nkweto nziza ndimo kukubona?
Allioni: Naba mbeshye rwose kuko maze igihe mbiguze!
Umuseke.com: Ubusanzwe ukunda kugurira hehe imyambaro?
Allioni: Ahantu hose.
Umuseke.com: Uhuye na bariya bazunguza mu mujyi wabagurira?
Allioni: Nshobora kuba ntagira amahirwe menshi yo guhura nabo ariko buriya mpuye nabo nkababonana ikintu nkunze nshobora kubagurira.
Umuseke.com: Ureshya gute, wambara urugero rungana iki mu nda?
Allioni: Eeeeh ntabwo nibuka. Ntabwo nzi igipimo cyanjye.
Umuseke.com: Ni igipimo cyo mu kirenge ntabwo ukizi?
Allioni: Mu kirenge nambara 40.
Umuseke.com: Hari ahantu nkubonye usohoka uri kumwe n’umuntu w’umuhungu, bimeze gute?
Alloini: Ni ibisanzwe
Umuseke.com: Ushatse kuvuga iki?
Allioni: Ni ibintu bisanzwe nyine, bimeze neza.
Umuseke.com: Ese ubundi ugira umusore w’incuti?
Allioni: Ngira inshuti nyinshi ariko sinzi……
Umuseke.com: Aha ndashaka kukubaza umusore mukundana kuburyo butakira nta jambo umubwiye cyangwa ngo arikubwire.
Allioni: Oya, njyewe ngira inshuti zisanzwe.
Umuseke.com: Bisanzwe gusa nta kindi?
Allioni: Yeeee nta kindi.
Umuseke.com: Ubwo bivuze ko umusore uwo ari we wese wagushaka yagira icyo avuga?
Allioni: Ok, ta musore mfite w’inshuti wihariye ariko ntabwo bivuze ko umuntu wese wanshaka yagira icyo avuga, wenda biterwa n’icyo umuntu yihaye cyangwa se wenda nuko ntawe ntari nabona… Simbizi ariko nta musore mfite w’inshuti yanjye.
Umuseke.com: Ariko uramuteganya?
Allioni: Nteganya ko igihe nikigera nzamubona.
Umuseke.com: Wumva igihe kizagera ryari?
Allioni: Igihe Imana yateguye buriya ntabwo nzakirenga.
Umuseke.com: Ku buryo wabiha imyaka ingahe?
Allioni: Simbizi birashoboka ko wenda byagera nijoro namubonye, cyangwa ejo, cyangwa nyuma y’imyaka itanu ntabwo mbizi neza.
Umuseke.com: Allioni Umusore wakunda ni uwaba ameze ate?
Alloini: Umusore wubaha Imana kuko nanjye nkunda Imana nkakunda gusenga, by’akarusho akubaba n’akazi nkora.
Umuseke.com: Wubaha Imana ukunda gusenga? Uheruka kujya mu rusengero ryari?
Allioni: Ku cyumweru.
Umuseke.com: Usengera hehe?
Allioni: Muri ADEPR
Umuseke.com: Uri umu ADEPR n’iyo misatsi yawe?
Allioni: Nta kibazo barabyemera.
Umuseke.com: Burya aba ADEPR bemera ibintu nk’ibyo bya maquillage?
Alionni: Eeeeh ntabwo ndi Umukristo wa cyane ariko ndasenga.
Umuseke.com: Wavutse wisanga muri ADEPR?
Allioni: Nakuze mama wanjye ari umu ADEPR.
Umuseke.com: Reka noneho tujye mu myigire yawe, Allioni yize hehe?
Allioni: Ntangira primaire nayize Saint Joseph, secondaire nyiga la Colombiere aho nize Bio-Chimie-Maths, narangije muri 2011.
Umuseke.com: Bivuze ko wakabaye uri muri Kaminuza?
Allioni: Yeee, nakabaye ndi muri kaminuza, ariko sindatangira gusa nzatangira uyu mwaka.
Umuseke.com: Ariko ngira ngo abagomba kwiga uyu mwaka baratangiye?
Allioni: Nari ndimo kuruhuka, wa mwaka baduha wo kwicara. Nagira ngo nshyire ubwenge ku gihe ninjire mfite ingufu.
Umuseke.com: Aho ntiwaba waragize amanota make cyane cyangwa waratsinzwe?
Allioni: Oya ntabwo ari icyo kibazo. Nashakaga kujya kwiga, kandi nashakaga kwiga mbaje kureba ahantu musique yanjye igeze ku buryo natandira kwiga mbasha kubangikanya musique n’amasomo, mbese maze gufata umurongo neza.
Umuseke.com: Ukiri muri secondaire wakundaga iki, ubuzima bwari bwifashe gute?
Allioni: Nakunda musique cyane, ariko nkanakunda n’ubuganga cyane.
Umuseke.com: Wumvaga uzaba muganga?
Allioni: Yego numvaga nzaba muganga.
Umuseke.com: Inzozi se zari zashira?
Allioni: Oya ntabwo zirashira, wenda biracyashoboka amahirwe ndacyayafite.
Umuseke.com: Nyemerera tujye ku muziki wawe, mbaza nti ni ikihe kintu gikomeye wumva umaze kugeraho mu muziki wawe?
Allioni: Ikintu maze kugeraho gikomeye ni connaisance no kwiga kubana n’abantu.
Umuseke.com: Ni iyihe ndirimbo yawe ukunda cyane?
Allioni: Indirimbo zanjye zose nahanze ndazikunda numva zinanjyamo, ariko iyo nkunda cyane ni Umucakara.
Umuseke.com: Ugize gutya ukabyuka ugasanga wabaye umuhungu wakora iki?
Allioni: Byaterwa n’ubushobozi, nakifuza gukora byinshi ariko ubushobozi bukampa icyo nkwiye gukora.
Umuseke.com: Uhawe amahirwe ngo ugire ikintu wihinduraho, ni iki wakihinduraho byihuse?
Allioni: Ntacyo. Nishimira uko meza kandi mbishimira n’Imana.
Umuseke.com: Ni ikihe kintu cy’ibanze kikuranga?
Allioni: Nkunda guseka cyane.
Umuseke.com: Ni ikihe kintu wanga kurusha ibindi?
Allioni: Nanga kubagamira umuntu.
Umuseke.com: Ni ibihe bintu bitatu byiza wiyiziho?
Allioni: Nkunda abantu, nkunda gusenga…. ndumva ari ibyo.
Umuseke.com: Naho ni izihe defauts eshatu wiyiziho?
Allioni: Nshobora kuba ndi umuntu urakara vuba.
Umuseke.com: Aka kanya turimo kuganira baguhamagaye bakakubwira ngo icyumba cyawe kirahiye, ngwino wiruka ukuremo ikintu kimwe, wakuramo iki bwa mbere?
Allioni: Byangora gutoranya kuko mfitemo byinshi nkunda ariko ari ugukuramo kimwe nakuramo Bibiliya.
Umuseke.com: Nibwiraga ko wenda wakuramo umwenda uhenze, none reka nkubaze nti umwenda uhenze utunze wawuguze amafaranga angahe?
Allioni: Byangora ntabwo mbyibuka neza.
Umuseke.com: Baragufashe barakubwiye bati tugiye kukujyana ku kirwa cya kure, ahantu uzatinda cyane ariko uhawe amahirwe yo gufata ikintu kimwe mu byo utunze ngo ucyitwaze, wahitamo iki?
Allioni: Nafata Bibiliya
Umuseke.com: Kubera iki?
Allioni: Kubera ko akenshi iyo mbabaye cyangwa nihebye, nkunda gusoma ijambo ry’Imana kandi nkabona igisubizo cy’ikintu nashakaga.
Umuseke.com: Nyemera ngusubize mu bwana bwawe, ni ikihe kintu gisekeje wakoze uri umwana wumva utazigera wibagirwa?
Allioni: Ikintu nibuka kijya kinsetsa cyane ni uburyo hari igihe mama yigeze kujya mu ruzinduko ari papa wenyine uri mu rugo nkamusaba kurarana nawe akemera.
Umuseke.com: Ni ikihe kintu gishobora gutuma urara udasinziriye?
Allioni: Igihe ntekereje ko hari ikintu nagombaga gukora ntakoze.
Umuseke.com: Ni iki gishobora kukuzanira ibyishimo wari ufite agahinda?
Allioni: Iyi nsomye Bibiliya ngira umunezero.
Umuseke.com: Bishoboka wahitamo gupfa gute?
Allioni: Ahaaa! Simbizi gusa ikintu nakifuza nuko napfa intego zanjye zose narazigezeho.
Umuseke.com: Hari imfu nyinshi nk’impanuka, urw’ikirago, kurohama, gushya, kuraswa n’izindi nyinshi, uhisemo wahitamo iki?
Allioni: Umuntu wese upfuye apfa ababaye kandi atabyishimiye ntabwo nakifuza urupfu narimwe nabona bingwirira.
Umuseke.com: Ni ikihe kintu cyakubabaje mu buzima bwawe?
Allioni: Nababajwe na Jenoside yakorewe Abatutsi mu Rwanda mu mwaka w’1994.
Umuseke.com: Naho icyagushimishije kurusha ibindi?
Allioni: Hari urungano rwanjye rudafite ababyeyi, ariko iyo nirebye nkabona ngana ntya mfite ababyeyi banjye bombi biranshimisha cyane.
Umuseke.com: Uvuze urungano rwawe mpita ntekereza kukubaza icyo wavuga ku bakobwa bagenzi bawe batwara inda batabiteganyije, ubifata gute wowe?
Allioni: Sinavuga ngo ni uburangare bw’umukobwa, ariko mbifata nk’aho ari accident no kutamenya gufata icyemezo mu buzima bwawe?
Umuseke.com: Uramutse utwaye inda wabyakira gute?
Allioni: Sinaba arijye wa mbere, sina arijye wanyuma, nabyakira uko bije. Gusa hari icyo nakora kugira ngo ntatwara inda?
Umuseke.com: Kagire inkuru rero, wabigenza ute?
Allioni: Nakirinda cyane?
Umuseke.com: Wakirinda ute?
Allioni: Nakirinda kugwa mu bishuko nk’ibyo ngibyo.
Umuseke.com: Niba mbyumvise neza ushatse kuvuga ko utararyama n’umusore?
Allioni: Aho nta gisubizo ndibuguhe!
Umuseke.com: Icyo gisubizo kiranyuze nk’umunyamakuru. Reka ahubwo nkwibarize umuntu ufata nk’icyitegererezo mu buzima bwawe?
Allioni: Ababyeyi banjye.
Umuseke.com: Ninde muntu ufata nk’intwari mu buzima bwawe?
Allioni: Patrice Lumbumba
Umuseke.com: Ni uwuhe muhanzi ukunda mu Rwanda?
Allioni: Bose ndabakunda cyane kuko nzi imvune zabo ariko nakuze niyumvamo Cecile Kayirebwa cyane.
Umuseke.com: Uramutse ubaye Minisitiri w’Umuco na Siporo ni iki wahindura muri muzika y’u Rwanda?
Allioni: Ntacyo. Gusa navuga ko abahanzi bakwiye kwibanda kuri live kurusha playback.
Umuseke.com: Uramutse utari umuhanzi ni iki kindi wakora?
Allioni: Naba umuganga!
Umuseke.com: Twaganiriye byinshi nibagirwa kukubaza ikintu ukunda kurya, cyaba ari iki?
Allioni: Nkunda ifiriti cyane.
Umuseke.com: Naho icyo kunywa?
Allioni: Amazi kenshi.
Umuseke.com: Tuganana ku musozo, ni iyihe migambi iremereye ufite mu buzima buri imbere?
Allioni: Ni ukumenyekanisha musique yanjye buri Munyarwanda wese akayiyumvamo, ariko hari n’ibindi bitewe n’uko ubuzima bugenda bumera.
Umuseke.com: Aka kanya turimo kuvugana urumva umeze gute?
Allioni: Ndumva nishimye.
Umuseke.com: Wavuga iki kuri iyi interview tugiranye?
Allioni: Ahaaa! Ifite amagambo akomeye, ariko irashimishije cyane.
Umuseke.com: Wakisobanura?
Allioni: Nshatse kuvuga ko bigoye kuyisubiza ariko nanone irashimishije ku muntu w’umuhanzi.
Umuseke.com: Ni ikihe kibazo cyakuzonze cyane?
Allioni: Kumbaza ngo kubona umukobwa watwaye inda mbifata gute?
Umuseke.com: Murakoze.
Allioni: Murakoze namwe.
Plaisir MUZOGEYE
UM– USEKE.COM
English
0 Comment
Courage nkunze ukuntu usubiza kdi ubwenge bwose buri muri icyo gitabo ukunda Imana igufashe
Man ndemeye kabisa iyi interview ninziza cyane peee irashimishije gusa uyu mwana ndamukunze uwamugira umugore wanjye
Yewe Mushiki wanjye, ntabwo nguciriye urubanza ariko niba koko ukunda gusoma bible nk’uko wabivuze, ndabona byakabaye bikugaragaraho ariko ujye usenga cyane Imana ijambo riyirimo abe ariryo riyobora ubuzima bwawe, we gusa n’ab’iyisi. Imana izagushoboze
Akon, ko ubanza umukunze urwo injangwe ikunda imbeba?
Any way uyu mwana azigusubiza neza cyane numunyabwenge. Ariko ajye agerageza guhuza Gusenga kwe nimyambarire kuko bisa naho bitandukanye.
Wapi, na we ubwe ntazi aho ari n’impamvu ahari. I totally disagree with you. Keretse niba akuruta mu myaka, ukaba ubona ko yasubije neza.
@Chaz ubwo urabona azi gusubiza, ubwo ndumva imyaka muyinganya , so,, sinemeranwa nawe. boamubaze ngo;
Umuseke.com: Ubu ihagaze agaciro kangana gute?
Allioni: Sinibuka neza.
ubwose urumva ubwengebwe bushingiyehe butibuka, ngo yifuza kuba umuganga? ko se atibuka urumva atajya abaga abantu akibagirw aicyo yakurikizaho, gusa aracyari muto azamenya ahari.
Ni byiza ubwo ukunda gusoma Bible ariko ntugasome bimwe gusa bijyanye nyine n’ibiguhumuriza wababaye nk’uko wabivuze!Noneho uyu munsi niba wongera kubona akanya usome no muri 1 John 2:15-17 birakwerekako uretse kuba uri umwana mu mubiri ariko mu bugingo nturavuka!Gusa Imana iguhumure amaso y’Umwuka uvuke bwa kabiri kandi ukure umenye ukuri nako kuzakubatura si non…….!
Imana izakuyobore mubyo ukora byose, kandi uzakomeze uyubahe, ntukayitezukeho.
Muzehe we ubivuze ukuri rwose namufasha no mubuhanzi bwe kuko njye ndabona asobanutse muri byose kwambara,gusenga, mumutwe ariko kubera ntakiba imana itabyemeye nubwo twamenyana gusa ntacyo.
ADPR ???????
Uyu mwana ni umunyabwenge kandi azagera kuri byinshi. Ariko ba Joe na Chaz b’aba contre succes ngo yambara nabi? yambaye se ubusa? ibyo ni ubujiji bubuzuye. Gusenga ntibivuga kwicupiza. Courage Petite fille. jye najyaga nkumva ariko mbaye umu fan wawe. Nkunda abantu bafite imbaraga z’umutwe.
None se umuntu babaza ngo ibyo yambara biva he? Na we ati ‘ahantu hose’! Bati bigura angahe? Ati ‘simbyibuka’! Urumva ibyo bisubizo hari aho bitaniye n’iby’umwana wiga muri primaire? Wapi kabisa, nta bitekerezo bifatika afite, arajagaraye. Ubuganga bwe rero simbubona. Heureusement ko ari inzozi nyine.
ikirenge ni ubwato.
Allion arambeshya sha ntiwaba umu adeper ufite imisatsi imezekuriya gusa hse is beoutiful with a good atyle.
ah bon. Allioni!!!! Umuhanzi??? Cg umuririmbyi???
Okay, on s’en fout gusa asubiza nk’abapoliticiens ariko igisubizo cyumvikana.
Afite ibisubizo bose bahuriraho. Simbikunda kuko interview nk’iyi iba igamije kwerekana VRAIE PERSONNALITE y’abantu ariko zose zirangira zisa. Umenya barabifashe mu mutwe. Mwumvise itaniye he n’iya Rucagu? Bose barasenga, bose bakunda bible(wasanga nta n’iyo batunze),bose bababajwe na genocide, bose blabla bla bla bla…
Hari ikibazo gihari mubantu bitwa abanyamakuru muri iki gihugu, bose bagira ibibazo bimwe babaza abahanzi, nko kubaza umuhanzi ngo ukora iki? ngo wiga hehe? Ese ntago ubuhanzi ariakazi? cg nkokubwira umuntu uti cyangwa waratsinzwe niyo mpamvu utakiga, ese ubwo uba ushatse kuvuga iki? niba atari ugusesereza, ubu wakwakira umuhanzi nka Rihana cg Beyonce ukamubaza ibyo bibazo bya mafuti??? mukwiriye amahugurwa namwe kabisa,
UMVA man ahubwose abobahanzi uvuga ngo Rihhana$Beyonce, ngo umunyamakuru wu M– USEKE yahura nabo akababaza ibibazo nkabyo, ahubwose ubahe? nibura ujya ukurikirana ibiganiro ba Rihhana na ba Beyonce bajyirana na banyamakuru biwabo? cg ahari wumva yuko kuba batuye kumugabane Ubona yuko ukomeye niyo bababajije babaza ibijyanye nuko wumva bakomeyemo? Umva mujyenzi ujye usoma ibitabo wumve na Radio, Beyonce we ubwe icyimwe mucyinyamakuru cyiwabo jyiheruste kumubaza uburyo ateramo akabariro we numugabo we JY-Z, ubuse urujyenekereza mumuco waco haricyibazo cyububwa cyirenze icyo? ushobore kuba utazi icyo itangazamakuru rigezwehi ukoriba rishobora gukora mubuzima bwaburimunsi, reka nguhe nkurujyero ruto Itangaza makuru ni nkumuganga wandikira umuti umurwaye nyuma yuko abanje kumukoraho igenzura rihagije rishyira mukumukorera isuzuma bityo bikarangira uwahawe umuti uhuye nibizubizo byavuye musuzuma muganga yagukoreye, ujya kwamuganga bakakubwira ngo asama, cg se humekera hejuru cg se ambura umwenda wohasi cg hejuru bijyanye naho ubabara, bikarangira bagutumye umusarane, nyuma yibyobyose harigihe birangira muganga akubwira yuko musuzuma wakorewe ntaburwayi bagusanzemo, nonese wibwirayuko ABABAHANZI utababajije kubibazo buricyaricyocyose mubibazo byugarije umu ryango nya Rwanda ngo twumve nibisubizo babitangaho wibwirayuko twaherahe tubiyumvamo nkabantu baba babasha kuvuga rikumvikana? nuko rero jyerageza ujijuke kko ahubwo jye uyumunyamakuru na mubonyemo ubuhanga byicyinyuranyo cyibibazo jyansanga kuzindi mbuga byabajijwe abahanzi.
Ngushimiye ku bisobanuro byawe nubwo nta hame mbibonyemo. uravuze uti uwo munyamakuru wamubonyemo ubuhanga bwinshi, ntango nigeze nshidikanya ko ari umuhanga habe nagato. Gusa njye natanze urugero nko kuba abanyamakuru hafi yabose bakunda kubaza abahanzi akazi kabo cg aho biga, nkaho ubuhanzi atari akazi, cg nkaho umuhanzi wese agomba kuba ari muri kaminuza runaka, ibyo nibyo nge nagizeho critique,,,
wangu buriya USA itandukanye n’ RDA ni yo mpamvu ibabazo wabaza uyu mwana atari byo wabaza be&JZ. None bamubaze ngo yasihoye album zingahe? Ngaho na we tubwire ibyo batamubajije byari ngombwa!
niwibereho mwana wa maman!
ni wibereho mwana wa mama!
ni wibereho mwana wa maman!
Uyu muhanzi mu bigaragara yanze kwishyira hanze bati “nturaryamana n’umusore?”ati ntacyo nagutangariza. Ndi umuadeper (ibikomo n’imisatsi imeze nk’inshinge ntibabyemera)ikigaragara si umuhanga mugusubiza ahubwo yigana abahanga uko basubiza !niyo mpamvu hari ibyo bamubajije akinyuramo ati simbyibuka neza…nturaryam…numusore ati ntacyo nagutang ariza yarangije kwishinja…ngo arashaka kuba umuganga reka aramenye! umuntu utibuka ntiyaba umuganga yamara abarwayi abica.niyikomereze music wenda kubera akunda gusenga azatere intambwe ajye muri choir naho ubundi aracyari hasi mu ntekerezo ze!mwifurije amahirwe ariko sinamugira umugore!nta stabilite afite arahuzagurika!aho mbeshye mumbeshyuze!!
Uyu mwana yabeshye ibyo avuga bitandukanye n’uko ari,uko nzi ADEPR nuko mubona,ashobora kuba yiyobora ariko umwuka wera ntumuyobora.
Ibyo kuba ari muri ADEPR ni babandi binjira saa ine,ntashobora kwegera igaburo ryera peeeeeeeeeee natwe twayibayemo cyangwa tuyirimo.
ndemeranya nuwavuze ngo yongere abyarwe ubwa kabiri.
Muvuze ibyo guterwa inda mutuma nibuka umwana wumukobwa bayiteye akaba yafashe icydmezo cyo kwivutsa ubuzimaakoresheje umuti wa(kiyoda) ubu tukaba twaraye tumushinguye ibyo byabereye mu karere ka nyamata umurenge wa ririma akagari ka karera,thx u.
Niba ariko byagenze birababaje kuko uwo mwana yarimbutse kandi yashoboraga kwemera ingaruka z’ibyaha bye agasaba Imana imbabazi akihana ikamubabarira none ubwo yiciriyeho iteka!Ababyeyi be bihangane!Ariko rero akarere ka Nyamata ntigahari hari aka Bugesera!
Jya ushimira DJUMA rata!! ariko byazaba byiza ugiye gukorera igitaramo INZEGA! Impamvu urayizi!! Naho ibyo kuryamana n’umusore iyo uyu munyamakuru akubaza niba waba wibuka warabikoze ufite imyaka ingahe cg umaze kubikora na bangahe!!! gusa wamushubije bien!!!
kuki batamubajije ko yaba yibuka his ex boyfriend name nibyo byari kuba byo!!!
cg bakamubaza bati Dushyizeho igihembo ku waduha amakuru ku muhungu winshuti ye yabifata ate ? buriya niho wakwibonera udusubizo duteye amatsiko cg se ukamubaza niba nta muhungu arabwira ko akunda ?
kuba yavuze ko atibuka amafranga ntabwo ari ubwenge buke ahubwo singombwa naho murimwe ntawe umurusha ubwenge ndabarahiye
Akon ufite igitekerezo cya kigabo. ujye ukorera imbere
Ariko uyu munyamakuru yari yabuze ibindi bibazo bizima afite yabaza? ngo watimo gupha gute?…seriously??? go back to school man
Umunyamakuru rwose ibibazo yabajije uyu mwana ndabona bijyanye n’imyaka ye. None se mwagirango amujyane muri POLITIKI cyangwa MU BUKUNGU.
Ikindi nyamara ndabana gusenga abikunda, abiha kumucira urubanza sinzi aho umubihera. Imyambarire kubana bubu ntaho ihuriye no gukora ibyaha. Erega nta n’ubwo yambaye nabi bya cyane, kandi muzirikana ko yiyumvamo kuba umuhanzi. Nanga abambara AMAHENURE, COLLANT, N’AMAKABUTURA MAGUFI CYANE. None se ko mbona abamama ndetse bakuze bambara ibintu bigaragaza hejuru hose?
Ahubwo aririmba indirimbo zihe? z’Imana cyangwa z’isi?
Yagerageje gusubiza ariko nyine abihuze n’imyambarire, icyo nakunze mu bisubizo nanjye cyanyishe kandi ntapfa gusubiza, ni uko yarokora Bible inzu irimo gushya. ako kantu kanyishe rwose. Niba mugani yari yagiye yarasomye iya Rucagu yiteguye kujya agaragaza ko asenga cyane, ariko bimubere uko yabivuze. Tumwifurije gusa n’uko yasubije kandi Imana imufashe.
sha uranshimishije cyaneeeee kbsa uzavamo umugore mwiza ukomereze aho gukunda imana nibyiza cyane biruta byose
impamvu yasubije kenshi ko atabyibuka ndakekako yanzeko hari ababifata nko kwirata cg se kugira abo akomeretsa ariko azakizwe neza abe umurokore wacyane turakwakiriye muri adepr uze wige igice kubatizwa
keep it up alliona,urumuhanga kabisa
Ikiganiro nikiza gikoze neza kbs,mukomereze aho.
Cyore!ariko se nibarize abakobwa bagitwara inda,nukuryoherwa,nubujiji n’iki koko muri iki kinyejana hari ugikorera aho?murababaje!ko nshimye inda muzihuburamo nubwo zibahitana,na SIDA mujya muyikuramo mwagabanyije ubushyuhe sha ko ibyiza biri imbere!?nzaba mbarirwa!
barazitwara ahubwo nuko batazitindana. Gukorera aho??? Wagirango nturabikora! Bakoresha iki se ko batazi kubikora cg kubitanga??? Babitanga nabi bigatuma abasore babikora nk’ababyibye, basahuranwa,batanguranwa, bagakoreraho.
Abakobwa benshi ntibazi icyo bashaka.
Uyu mwana ni umuhanga yasubije neza,ntacyo namunenga,ntago ntekereza yibagiwe amafranga yaguze ibyo yambaye na phone,aramutse abivuze byateza izindi mpaka,bamwe bati”arabeshya”abandi bati”ni umuwirasi”n’ibindi byinshi,abanyuarwanda turaziranye ntitugasebanye,nimba asenga nibyiza nabikomeze bizamurinda byinshikandi bizamufasha byinshi,kuryamana n’abahungu abyemeye cg akabihakana yaba yishyize ahabona kandi si byiza,ariko kuba ari umuhanzikazi bimuha ibyago byo kuryamana n’abahungu(mbona yararyamanye nabo),sinamurenganya nkeka ko biba biterwa nabo aba yahuye nabo mu kazi ke,komeza utere imbere ariko w’itwara nk’umunyarwandakazi wa nyawe atari ukwitwara nk’umuhanzi.
nakunze iyo babajije Sina Gerard. Ku kintu cyamushimishije cyane bwa mbere ngo ”ni umunsi yatwaye imodoka bwa mbere”, ahoharimo ukuri, nta sentiment cg kubeshya. Abandi bose basubiza bimwe, ngo ni abana, mariage…kandi wenda mu mutima bicuza impamvu babikoze.
Niba utanze interview nk’iriya vugisha ukuri cg uyihorere.
Iyo se iyo amuvuga ntibizwi ko ali lil pac mubarezi
rwose bagutunguye mwanawe bazajye babateguza batazajya babasebya mubantu ibazera ngo ntwaye inda nabyakira uko bije nyine arko kubazitwara nukudafata icyemezo mubuzima ubwose ibyo bihuriyehe kpoko uziko wagirango uragahinja diiiiiiiiiiiiii
kano kana karyoha kuburiri.
Uyu mwana ni umuhanga kandi arasobanutse
Uwo mwana ndamushaka!tel yanjye niba ayishaka ambwire.
Aka kana ni cyeza cyane,gafite n’ubwenge uwakampa nagafata nk’agasaro.
Comments are closed.