Mutokambari yizeye kuzakura tike ya AFROBASKET muri Zone V

Moise Mutokambari umutoza w’ikipe y’igihugu ya Basketball, mbere y’uko berekeza i Kampala yabwiye Umuseke ko ahagurukanye ikizere cyo kwitwara neza mu marushanwa ya ya Zone V akaba yahavana ticket yo gukina imikino nyafrika ya Afrobasket.

Kuri uyu wa 19 Nzeri Mutokambari yatangaje ko bagiye kureba uko baza mu makipe abiri ya mbere mu makipe bazahatana i Kampala.

Ati “Kandi biranashoboka ko igikombe twagitwara”

Irushanwa ry’akarere ka gatanu rizabera muri Uganda, rizitabirwa n’ibihugu icyenda birimo  igihangange mu karere Misiri, u Rwanda, Ethiopia, Kenya, Tanzania, Soudan y’Epfo, Somalia, Burundi na Uganda

Umutoza Mutokambari arajyana abakinnyi 12, barimo abasore batatu babigize umwuga. Iyi kipe y’u Rwanda irahaguruka ku kibuga cy’indege i Kigali saa 20h00 z’umugoroba.

Abakinnyi 12  b’ikipe y’igihugu bagiye mu irushanwa rya Zone V i Kampala ni:

1- BARAME ABOUBAKAR ALLY (CSK BBC)

2- CAMERON BRADLEY CURTIS (Southbend – USA)

3- KABANGE KAMI (City Oilers – Ugda)

4- GASANA KENNETH HERBERT (Al Wakrah – Qatar)

5- MUGABE ARISTIDE (ESPOIR BBC)

6- KUBWIMANA KAZINGUFU ALI (Kigali BC)

7- KAREKEZI RURANGIRWA PASCAL (ESPOIR BBC)

8- HAKIZIMANA LIONEL (ESPOIR BBC)

9- MUNYANDAMUTSA N. SUNNY (APR BBC)

10- SHYAKA OLIVIER (ESPOIR BBC)

11- KAJE ELIE (ESPOIR BBC)

12- HAGUMINTWALI STEVEN (IPRC – Kigali BBC)

Umutoza Mukuru: MUTOKAMBALI MOISE

Umwungiriza: BUHAKE ALBERT

Paul Nkurunziza
UM– USEKE.RW