Muri SFB abantu baho ni cool – Kamishi

Ku mugoroba wo kuwa 19 Mata ubwo mu ishuri ry’amabanki n’icungamutungo rya SFB bashyiragaho abayobozi b’abanyeshuri, bari batumiye umuhanzi Kamishi ngo aze kubasusurutsa.

Uyu muhanzi w’injyana ya Afro Beat akaba nyuma yo kubaririmbira yaravuze ko yashimishijwe cyane n’abanyeshuri n’abayobozi bo muri iri shuri rikuru kubera uburyo bakunda muzika ye.

Kamishi avuga ko abanyeshuri bo muri iri shuri bamugaragarije ko bakunda muzika ye mu nshuro ebyiri yagiye kuri ‘Scene’ kuri uriya munsi, ndetse n’izindi nshuro yaje muri SFB dore ko atari ubwa mbere yari aje kuririmbira muri SFB.

Bwa mbere ajya kuri ‘scene’ akaba yarasekeje abari aho, ubwo yibwiraga uwari ayoboye ibirori (MC) wavugaga mu cyongereza ati:” I speak English too” maze bose baraseka.

Kamishi muri SFB yabaririmbiye indirimbo ze nka; “Imitoma” na “Warambeshye” ziri kuri album ye yise UMUGABIRWA. Yongeye kugaruka kuri scene aririmba “Iifirimbi ya nyuma”  izasohoka kuri album ye ya kabiri MUDAKUMIRWA  n’iyakunzwe cyane “Aho ruzingiye”.

Kamichi akaba yaratangarije UM– USEKE.COM  ko  yishimiye  kubona  ariwe watumiwe muri  icyo gikorwa yise concert ati  “nishimiye kuba natumiwe muri iyi concert yo ku wa gatatu, mperuka hano batora Natacha (miss SFB), kandi nabwo hari hahiye, igihe cyose natumirwa muri SFB  nagaruka kuko abantu bahano bari cool”.

Kamishi uyu mwaka akaba aherutse  gutangaza ko  yifuza gutwara igihembo cya Salax Best album of the year  2012 na alum ye MUDAKUMIRWA  ateganya gushyira hanzemu mpera z’umwaka, ni nyuma y’uko yegukanye ibihembo bibiri bya Salax best Afro beat na best video (warambeshye).

Plaisir Muzogeye
UM– USEKE.COM