Ubushinwa- Umwuzure wahitanye 105, abagera ku 115 baburirwa irengero

Kuri uyu wa mbere mu ntara enye imyuzure yibasiye igice cy’Amajyaruguru y’Iburasirazuba bw’igihugu cy’Ubushinwa, yahitanye abantu 105 naho 115 baburirwa irengero nk’uko byatangajwe n’abayobozi mu Bushinwa. Iyi mibare ishobora guhinduka.

Intara ya Liaoning na Guangdong ni zo zibasiwe bikabije n’uyu mwuzure, ababarirwa muri 54 ku isaha ya saa tatu za mugigtondo bari bamaze guhitanwa na wo.

Imvura ziri guteza  umwuzure zatangiye kugwa bikomeye mu gace k’amajyaruguru y’igihugu cy’Ubushinwa  mu minsi mike ishize.

Ku wa gatatu w’icyumweru dusoje ahitwa Jilin na Heilongjiang abantu 15 bahitanywe n’umwuzure.

Iyi myuzure imaze guteza igihombo cy’ubutaka mu Bushinwa bungana na ha 256 000, ikindi  agace gakomeje kwibasirwa n’umwuzure ni agace gakorerwamo cyane imirimo ijyanye ubuhinzi.

Imyuzure mu Bushinwa imaze kwangiza ibikorwa bifite agaciro ka miliyali 17 z’ama yuans,  z’amadolari ($ 2 500 000 000) nkuko bitangazwa n’ibiro ntaramakuru bya Xinua.

Martin NIYONKURU
UM– USEKE.RW