Mu muhango wo kwibuka, urubyiruko rwagiranye igihango gikomeye n’igihugu

CHIEF EDITOR
05/01/2014

Inama y’igihugu y’urubyiruko, ku bufatanye na Minisiteri y’urubyiruko n’ikoranabuhanga, bibutse urubyiruko rwazize jenoside yakorewe abatutsi, kuri uyu wa gatatu tariki ya 30 Mata 2014. Muri uyu muhango urubyiruko rwari ruhari rwagiranye igihango y’igihugu mu magambo yanditse.

Miss Rwanda 2014 acanira urumuri urundi rubyiruko

Uyu mugoroba wo kwibuka waranzwe n’ibiganiro, indirimbo za Chorale Jehovah Jil y’abanyeshuri bo muri ULK, unagaragaramo kandi umukino udasanzwe wakinywe n’umuhanzi Garasiyani, ugaragazaga amateka y’u Rwanda kuva ku mwaduko w’abazungu, kugeza uyu munsi aho igihugu kiri kwihuta mu iterambere.

Urubyiruko rwitabiriye uyu muhango rwagiranye igihango n’igihugu binyuze mu nyandiko yari yanditsweho amagambo agira ati:

“Njyewe ngiranye igihango n’igihugu cyanjye cy’u Rwanda ko; nzaharanira kunga ubumwe n’amahoro arambye, guharanira kwiteza imbere no guteza imbere u Rwanda. Mu minsi yo kubaho kwanjye niyemeje guhora nibuka kandi niyubaka, ndi umurinzi w’ibyiza intwari z’u Rwanda zatugejejeho.Nzakomeza kubaka u Rwanda nzarurage abazankomokaho ruzira umugayo.”

Mu ijambo ry’umunyamabanga uhoraho muri Ministeri y’urubyiruko Rose Mary Mbabazi yavuze ko iki ari igikorwa kibimburiye ukwezi k’urubyiruko kuzasozwa tariki ya 30/05/2014.

Rosemary Mbabazi yibukije urubyiruko ko ari inshingano yabo yihariye yo kwibuka bitewe n’amateka y’igihugu n’ingaruka ayo mateka agira ku gihugu.

Mme Mbabazi yasabye urubyiruko kwima amatwi ababashuka bifuza kubakoresha mu gusenya igihugu.

Dr Jean Damascene Ntawukuriryayo umuyobozi wa Sena y’u Rwanda wari umushyitsi mukuru yavuze ko ubu u Rwanda ari igihugu cyiza gitekanye ndetse n’abakirimo bafitemo umwanya wo kwibuka amateka yabo kugirango ababere ishingiro ryo kureba imbere habo.

Dr Ntawukuriryayo yasabye urubyiruko rw’u Rwanda kurangwa n’ubutwari rufatiye urugero ku rubyiruko rwabohoye igihugu.

Yagize ari “Urubyiruko mufite uruhare rwo kubaka nk’urubyiruko, natwe abababyara babakuriye, dufite inshingano yo kubaba hafi kugira ngo mutazatatira igihango mugiranye n’igihugu.”

Umuhuzabikorwa w'urubyiruko ku rwego rw'igihugu atanga ikaze muri uyu muhango wo kwibuka — Umuhuzabikorwa w’urubyiruko ku rwego rw’igihugu atanga ikaze muri uyu muhango wo kwibuka

Miss Rwanda 2014 na bagenzi be batanze ubutumwa bwamagana Jenoside

Aurore Mutesi Miss Rwanda 2012 atanga ubutumwa bwe

Miss Rwanda acanira abayobozi urumuri rw'icyizere — Miss Rwanda acanira abayobozi urumuri rw’icyizere

Urubyiruko rukurikiye ibiganiro byatangwaga n'abantu batandukanye — Urubyiruko rukurikiye ibiganiro byatangwaga n’abantu batandukanye

Urubyiruko rutandukanye rwari rwitabiriye uyu muhango rukurikiye impanuro bahabwaga

Chorale Chorale Jehovah Jil y'abanyeshuri ba ULK mu ndirimbo nziza zitanga icyizere cyo kuzahura n'abishwe mu ijuru — Chorale Chorale Jehovah Jil y’abanyeshuri ba ULK mu ndirimbo nziza zitanga icyizere cyo kuzahura n’abishwe mu ijuru

Umuhanzi Gratien mu mukino yise kuki yagaragaje amateka y'u Rwanda, unagaragaza ko u Rwanda rutaheranywe nayo — Umuhanzi Gratien mu mukino yise “Kuki” yagaragaje amateka y’u Rwanda, unagaragaza ko u Rwanda rutaheranywe n’ayo mateka mabi

Umushyitsi mukuru muri uyu muhango Dr Ntawukuriryayo J Damascene hamwe n'umunyamabanga nshingwabikorwa wa Komisiyo y'igihugu y'ubumwe n'ubwiyunge — Umushyitsi mukuru muri uyu muhango Dr Ntawukuriryayo J Damascene hamwe n’umunyamabanga nshingwabikorwa wa Komisiyo y’igihugu y’ubumwe n’ubwiyunge Dr Habyarimana

Umuyobozi w’Umujyi wa Kigali Fidel Ndayisaba yari muri uyu muhango

Umunyamabanga uhoraho muri Ministeri y’urubyiruko Rose Mary Mbabazi atanga ubutumwa bw'icyizere — Umunyamabanga uhoraho muri Ministeri y’urubyiruko Rose Mary Mbabazi atanga ubutumwa bw’icyizere

Jenoside yabaye ari urubyiruko, arerekana uburyo bitari byoroshye ariko atanga icyizere cy'ejo hazaza heza ku rubyiruko — Jenoside yabaye ari urubyiruko, arerekana uburyo bitari byoroshye ariko atanga icyizere cy’ejo hazaza heza ku rubyiruko

Apotre Masasu watanze ikiganiro ku urubyiruko rwa nyarwo igihugu gikeneye

Perezida wa sena yasinye nawe ku gihango urubyiruko rwagiranye n'igihugu — Umuyobozi wa Sena y’u Rwandayasinye nawe ku gihango urubyiruko rwagiranye n’igihugu

Amagambo agize igihango urubyiruko rwagiranye n'igihugu — Amagambo agize igihango urubyiruko rwagiranye n’igihugu

Perezida wa Sena mu ijambo rye ati'' rubyiruko mwirinde ababashuka babizeza ibitangaza ''. — Umuyobozi wa Sena mu ijambo rye ati” rubyiruko mwirinde ababashuka babizeza ibitangaza ”.

Photos/RM Ruti

Roger Marc Rutindukanamurego
ububiko.umusekehost.com

Share this: