Mu ibanga umugabo yafataga amashusho agura indaya akayagurisha

Umugabo w’imyaka 43 mu Buyapani yafashwe na Police kubera icyaha cyo gukwirakwiza amashusho adakwiriye kuri Internet agamije inyungu ndetse atabisabiye uburenganzira indaya yabaga yaguze akazifata amashusho mu ibanga akora icyo yaziguriye.

Police mu mujyi wa Tokyo ivuga ko uyu mugabo Masanobu Onoyama yatumizaga indaya muri kompanyi izigurisha maze akazifata amashusho mu buryo bw’ibanga.

Iperereza rivuga ko Onoyama yafashe za videos zigera kuri 19 zigaragaza aba yabaga yaguze bari kumuha servisi maze amashusho akayashyira kuri Internet.

Aya mashusho ngo yayafataga yiba nta burenganzira yabisabiye abaje kumuha serivisi yasabye.

Ngo yakoreshaga telephone zigezweho, isaha yo ku kaboko cyangwa camera yahishe ku birahure ngo afate ayo mashusho ari mubyo yaguze.

Ubwo yabazwaga na Police Onoyama yavuze ko yakoraga ibi agamije nawe kugira inyungu avana ku isoko yabaga yagiyeho.

Mu gihe cy’imyaka ibiri ishize uyu mugabo yashyize kuri Internet Video nk’izi zigera kuri 78. Muri iki gihe aya mashusho yarebwe inshuro 5 700 bimwinjiriza miliyoni 3,5 z’ama Yen (miliyoni zirenga 20 z’amanyarwanda).

UM– USEKE.RW