Miss World 2016 ni Stephanie Del Valle, Jolly Mutesi yaviriyemo aho
Nyampinga w’isi wa 2016 amaze kumenyakana mu birori byaberaga i Washington DC uwatsinze abandi ni uwitwa Stephanie Del Valle wo muri wo muri Puerto Rico Miss. Jolly Mutesi wari uhagarariye u Rwanda ku nshuro ya mbere rwitabira iri rushanwa yagarutse amara masa kuko atabonetse mu bitwaye neza.
Abakobwa bagera ku 117 bavuye mu bihugu bitandukanye ku isi bamaze ibyumweru hafi bitatu bahatanira kuba “Miss World 2016”, irushanwa rikuru kurusha ayandi y’ubwiza ku isi ritegurwa n’Abongereza kuva mu 1951. Iyi yari inshuro ya 66 riri kuba.
Usibye Stephanie Del Valle wabaye Miss World 2016, igisonga cya mbere cyabaye Yaritza Reyes wo muri Dominican Republic igisonga cya kabiri kiba Natasha Mannuela wo muri Indonesia ababakurikiye ni;
4. Evelyn Thungu (Kenya)
5. Catriona Gray (Philippines
6. Lenty Frans (Belgique)
7. Beatrice Fontoura (Brazil)
8. Jing Kong (Chine)
9. Hyun Wang (S.Korea)
10. Bayartsetseg Altangerel ( Mongolia)
11. Audra Mari (United States)
Jolly Mutesi ntiyabashije gutsinda andi marushanwa mato mato aba mu gihe baba bari kwitegura uyu mugoroba wo kumenya Miss World.
Abagiye bayatsinda ni Natalia Short wo mu birwa bya Cook watsinze agace ka Siporo, Jing Kong wo mu Bushinwa warushije abandi ibyo kwiyerekana mu ntambuko (model), Bayartsetseg Altangerel wo muri Mongolia warushije abandi kwerekana impano ye, Catriona Gray wo muri Philippines we yarishije abandi gukundwa cyane ku mbuga nkoranyambaga.
Aba bane byahise binabaha itike yo guhatana muri 20 ba mbere batowemo Miss World.
U Rwanda nibwo bwa mbere rwari ruhagarariwe muri iri rushanwa rikomeye kurusha indi abiri akomeye cyane y’ubwiza ku isi (Miss Universe na Miss Earth).
Stephanie Del Valle watsinze yambitswe ikamba na Mireia Lalaguna wo muri Espagne wari Miss World 2015. Gusa umunyafrica waje ku mwanya wa hafi ni Evelyn Thungu wabaye uwa kane.
Jolly Mutesi ni Miss Rwanda 2015, akaba ari we wa mbere uhagarariye igihugu muri iri rushanwa. Biteganyijwe ko uzamusimbura azatorwa mu ntangiriro z’umwaka utaha.
Photo Instagram
UM– USEKE.RW
English
12 Comments
Nubundi erega sinzi ukuntu yabaye miss rwanda, ubundi twese twari tuziko miss ari kwizera peace ako sinzi ukungu byagenze ngo abe uwo kbx narumiwe peace aramurenze kure.
Sakwe! Sakwe! “Ubundi wajyaga mu Bajiji uri Umujiji?” Umuntu uzashobora kwica neza iki gisakuzo, akagihuza n’ibi by’aba Miss bishamadukirwa n’abakobwa bacu ubundi bakagombye kuba bashamadukira iby’iwacu n’umuco wacu gakondo wa Kinyarwanda, azanyoherereze Adress n’amazina ye nzamwoherereza 50$ Canadien!!
Umwishywa mu isusa!
Utwo tudorara twawe tugumane ntabwo uyamurusha! Niba unayafite hari imfubyi nyinshi zikenewe gufashwa ba arizo ufasha gabanya ibigambo
”Umugina mu rufunzo cg isekuru mu bahima”
Adress yanjye ni Karongi
Tel:0732070131/whatapp
nice
Aba bazungu bazatwoza ubwonko kugeza ryari? Miss World ntabaho, kuko criteres z’ubwiza zitandukanye hirya no hino ku isi. Wa mugani ngo wa Rusake yavuze ko umugore ari uzi kuraha, nyirahuku ikavuga ko ari ufite ijigo, igikeri cyemeza ko ari ufite amaga. Taille mannequin bashaka ko iba urugero rw’ubwiza, abenshi kuyigumana bibasaba kwiyicisha inzara no gufata imiti ibananura. Nababwira iki? NIbahatane. UBwiza bwa mbere buba ku mutima. Abacuruza imibiri yabo, n’iyo byaba mu marushanwa y’ubwiza, jye ntibakampeho.
Next time mugutora Miss Rwanda nagira inama abashinzwe gutegura iri rushanwa kujya bifashisha aba-judges mpazamahanga bamenyereye ibigenderwaho ngo umuntu yitwe Miss, bakongeramo wenda nuwino mu Rwanda umwe, bityo bizadufasha kujya tubona uduhagararira neza muri Miss World, kuko abakobwa beza kandi babahanga mungeri zose turabafite.
Ibi byo gutora ngo ba “MISS” rwose u Rwanda rushatse rwabivamo ndetse n’imihango yo gutora Miss Rwanda yakagombye guhagarikwa kuko ntacyo yungura abanyarwanda. Ahubwo ituma turushaho kwiha rubanda, twangiza umuco wacu, tukanabiba imbuto mbi mu rubyiruko-kobwa rwo mu Rwanda.
@Jordi, ubanza uba mu mahanga utazi ibibera mu gotora abo ba Miss mu Rwanda.
Hakoreshwa uburyo bw’ikoranabuhanga rigezweho mu Rwanda ryitwa Itekinika. Umwiza w’umuhanga udafite Kibamba umuvuganira ntiyatorwa. Ubaririze neza umenye uko uwo witwa Miss Jyoli yatowe.. cg uzarebe Vidéo yitorwa rye. Yagiye imbere bataramuhamagara!!! None nawe ngo aba international judges…
Urya witwa Peace niwe wagombaga gutorwa.
Ubundi mu gutora MISS hagenderwa ni ku buhanga,….! ni gute watora MISS uvuga ururimi rumwe mpuzamahanga, byibuze yakagombye kuba avuga ebyiri dukoresha hano iwacu! i.e. ENGLISH & FRENCH. Sinon ibyo twaba turimo twaba dukina. Ikindi bagashaka aba judges international cg abacu nabo bakabikorera amahugurwa, apana gufata umuntu ngo ni uko akunda kugaragara muri entertainment ukamugira judges! tuzamera nka ya ma equipes yacu aba aya mbere mu rwanda aliko akaba atari burenge i Kanombe ngo agire icyo acyura, kandi abica bigacika KGL! buriya niyo mpamvu nemera cyclism kabisa, bariya bana bagaragaza ko ari international.
Anyway Miss Jolly courage kabisa, wenda nubona indi occasion uzigaragaza ko hari icyo ushoboye.
Naze yibere Miss à domicile!!!
Comments are closed.