Miss Rwanda yerekeje muri Congo Brazaville

Mutesi Kayibanda Aurore ufite ikamba ryo kuba Nyampinga w’u Rwanda kuri uyu wa Gatandatu yerekeje mu gihugu cya Congo Brazaville aherekejwe na Patrick Muhire (Inkanda House) umenyerewe mu kwambika abantu.

Festival Panafricain de musique yatangiye kuri uyu wa 13 kugeza 20/07/2013 ikaba igiye kuba ku nshuro yayo ya cyenda buri gihe ibera i Brazaville.

Miss Rwanda na Patrick Muhire bahagurutse saa munani z’umugoroba kuri uyu wa gatandatu tariki ya 13/07/2013.

Mu mwaka wa 2009 nibwo u Rwanda ruheruka koheraza umu Miss muri FESPAM icyo gihe hakaba haragiyeyo Sandra wari Miss UNR.

Insanganyamatsiko y’uyu mwaka wa 2013 ikaba igira iti mu magambo y’igifaransa “Les musiques africaines, vecteur d’authenticité et facteur d’émergence”.

Muhire Patrick akaba ari umwe mu bateguye bakanishyira mu gikorwa Kigali Fashion week yabaye mu Ukuboza umwaka ushize.

Uyu musore azwiho kuba ariwe wambitse abakobwa batonyijwemo Miss East Africa Rwanda, Prise Size Fashion icyo gihe yambika abakobwa babyibushye, yambika abakobwa kandi batoranyijwemo aba Miss muri za Kaminuza harimo UNR, KIST, KHI, SFB, RTUC, UNILAK, ISAIE Busogo na Mutara Polytechnique.

Patrick KANYAMIBWA
UM– USEKE.RW