Military Games: RDF yatsinze UPDF ya Uganda muri Basketball

CHIEF EDITOR
08/12/2016

Ikipe ihagarariye ingabo z’u Rwanda mu mikino ya gisirikare iri kubera mu Rwanda imaze gutsinda ihagarariye ingabo za Uganda amanota 67 kuri 63 mu mukino wa Basketball waberaga kuri stade Amahoro i Remera kuri uyu mugoroba.

Sammy Hagumintwari wazamutse ngo atsinde niwe witwaye neza muri uyu mukino

Wari umukino w’ishyaka ryinshi cyane n’imbaraga, UPDF niyo yagiye iyobora umukino mu duce dutatu, ikipe y’ingabo z’u Rwanda yakinnye cyane mu gace ka ka nyuma ari naho yaboneye intsinzi irusha gusa Uganda amanota ane.

Wari umukino ukomeye kuko warinze urangira nta kipe yizeye intsinzi.

Sammy Hagumintwali ku ruhande rw’u Rwanda niwe witwaye neza cyane kuko yatsinze amanota 21 ndetse aranigaragaza mu kugarira no gukorerwaho amakosa.

Uyu ni umukino wa kabiri iyi kipe ya RDF itsinze nyuma y’uko uwa mbere muri Basketball yatsinze iy’ingabo za Tanzania mu mukino wari ugoye cyane nawo wabaye kuwa kabiri w’iki cyumweru.

Muri Basketball hasigaye umukino u Rwanda ruzakina na Kenya. Uganda igakina na Tanzania. Nyuma barebe iyabaye iya mbere.

Abasore ba Uganda bitwaye neza muri uyu mukino ndetse bagerageza kuwuyobora

Umukino bagerageje kuwuyobora kenshi mu manota

Ariko abasore b'u Rwanda bababa hafi, aha uyu musore w'u Rwanda witwa Niyonkuru (13) arakora block nziza kuwa Uganda wari ugiye gutsinda — Ariko abasore b’u Rwanda bababa hafi, aha uyu musore w’u Rwanda witwa Niyonkuru (13) arakora block nziza kuwa Uganda wari ugiye gutsinda

Aha hejuru hari hicaye abakinnyi ba APR FC nabo bari gukina iyi mikino ya gisirikare

Byageze aho abasore ba RDF bashyikira aba UPDF baranganya umukino urushaho gushyuha

Aristide Mugabe aragerageza gucenga uyu wa Uganda

Ali Kazingufu nawe aragerageza gucenga Jonnah Otim

John uri gutoza ikipe ya RDF ntabwo yari azi neza uko biri burangire

Gusa babifashijwemo n'abafana uyu mukino baje kuwutsinda — Gusa babifashijwemo n’abafana uyu mukino baje kuwutsinda

Bawutsinze bigoye cyane ubu bazakurikizaho Kenya ku cyumweru

Byari ibyishimo kuri aba bakinnyi n'umutoza wabo — Byari ibyishimo kuri aba bakinnyi n’umutoza wabo

Abakinnyi ba APR FC nabo baje barishimana

Aha mu byishimo baratambuka gisoda kuko bari gukina nk'abasirikare — Aha mu byishimo baratambuka gisoda kuko bari gukina nk’abasirikare

Evode MUGUNGA
UM– USEKE.RW

Share this: