Messi!! Ku nshuro ya gatatu yikurikiranya yatwaye Ballon d'Or

Lionel Messi, niwe wahawe igihembo cya FIFA Ballon d’Or cy’umukinnyi mwiza, mu mihango yaberaga i Zurich.

Ku mwanya wa kabiri haje Christiano Ronaldo wa Real Madrid hakurikiraho Xavi Hernandez wa FC Barcelona.

Mbere yo guhembwa kwa Messi, umutoza wa Manchester United Sir Alex Ferguson n’uwa Barcelona Pep Guardiola nabo bagenewe ibihembo.

Ferguson w’imyaka 70, yahembewe kwitanga mu mupira w’amaguru (Services au Football) igihembo yahawe na President wa FIFA Sepp Blatter.

Blatter yagize ati: “ Umupira mwiza ni umusaruro n’intsinzi kandi ntamuntu kuri ibi umurusha” “ yahawe icyubahiro cya knighthood n’umwamikazi w’ubwongereza kubera ibyo yakoreye umupira w’amaguru, natwe reka tubimushimire”

Ferguson mu ijambo rye yavuze ko mu butoza bwe yagize amahirwe menshi yo kugira abakinnyi beza, ariko by’umwihariko bumva icyerekezo cye ngo akaba ariyo mpamvu bituma ikipe ya Manchester igira umwihariko.

Pep Guardiola we yatorewe kuba umutoza w’umwaka wa 2011, ni nyuma yo gutwara ibikombe bitanu uriya mwaka, birimo icya Champions ligue, icya Espagne n’icy’Isi gihuza amakipe.

Guardiola yakurikiwe na Jose Mourinho na Ferguson.

Umutoza mwiza mu bagore yabaye Norio Sasaki, umuyapanikazi wagejeje ikipe ye ku mukino wanyuma w’igikombe cy’Isi cy’abagore mu 2011.

Neymar, umunya Brazil w’ikipe ya Santos, yahawe igihembo bita  FIFA Puskas award, gihabwa umukinnyi watsinze igitego cyiza mu mwaka.

Uko abakinnyi bakurikiranye muri FIFA Ballon d’Or Award:

1) Lionel Messi (Argentina, Barcelona) 47.88%
2) Cristiano Ronaldo (Portugal, Real Madrid) 21.60%
3) Xavi (Spain, Barcelona) 9.23%4) Andres Iniesta (Spain, Barcelona) 6.01%

5) Wayne Rooney (England, Man
chester United) 2.31%
6) Luis Suarez (Uruguay, Liverpool) 1.48%
7) Diego Forlan (Uruguay, Internazionale) 1.43%
8) Samuel Eto’o (Cameroon, Anzhi) 1.34%
9) Iker Casillas (Spain, Real Madrid) 1.29%
10) Neymar (Brazil, Santos) 1.12%

Abatoza b’umwaka wa 2011:
1) Pep Guardiola (Barcelona) 41.92%
2) Sir Alex Ferguson (Manchester United) 15.61%
3) Jose Mourinho (Real Madrid) 12.43%

Abakinnyi 11 beza ba 2011( FIFA/FIFPro World XI):

Iker Casillas (Spain, Real Madrid)
Dani Alves (Brazil, Barcelona)
Gerard Pique (Spain, Barcelona)
Sergio Ramos (Spain, Real Madrid)
Nemanja Vidic (Serbia, Manchester United)
Andres Iniesta (Spain, Barcelona)
Xabi Alonso (Spain, Real Madrid)
Xavi (Spain, Barcelona)
Lionel Messi (Argentina, Barcelona)
Cristiano Ronaldo (Portugal, Real Madrid)
Wayne Rooney (England, Manchester United)

Umukinnyi w’umugore w’umwaka n’abamukurikiye:

1) Homare Sawa (Japan) 28.51%
2) Marta (Brazil) 17.28%
3) Abby Wambach (USA) 13.26%

Photos: AP, GettyImage

UM– USEKE.COM