Malawi nayo yasanze Amavubi mu rugo irayatsinda

14/08/2013 – Mu mukino wa gicuti hagati ya Malawi n’u Rwanda urangiye mu kanya kuri Stade ya Kigali i Nyamirambo, abakunzi b’Amavubi na ruhago batashye bitotombera ko gukina neza kw’Amavubi bitabashimishije kuko gutsinda iba ariyo ntego yo gukina. Ni nyuma y’uko Malawi yari imaze gutsinda 1 – 0.

Tuyisenge aragerageza gufunga umupira imbere ya myugariro wa The Flames ya Malawi

Amavubi yatangiranye ishyaka, ahererekanya neza cyane birangira uko. Yakoze uburyo bwinshi bwo gutera mu izamu, ba rutahizamu basigaranye n’umuzamu wa Malawi bonyine inshuro zigera kuri eshatu ariko guteramo ashwi.

Igice cya mbere cyakinwe n’impande zombi mu mupira uryoheye ijisho cyane cyane ku basore b’Amavubi bahererekanyaga neza cyane.

Ariko ibyari byiza byavuyemo urujijo ubwo rutahizamu Sebanani Emmanuel bita Crespo yaje gufasha bagenzi be kugarira kuri ‘coup franc’ ya Malawi maze aho gukiza umupira n’umutwe akawuteresha akaboko, umusifuzi ntiyazuyaza yari Penaliti yinjijwe neza umuzamu Mutuyimana Evariste ajya mu rundi ruhande.

Igice cya mbere cyarangiye gutyo Amavubi agikina neza. Mu gice cya kabiri byabaye ibindi bindi, Amavubi yihariye umupira ahererekanya neza akanagera imbere y’izamu kenshi.

Bayoboywe na Haruna Niyonzima, aba bahungu b’Umutoza Nshimiyimana bahanahanye neza cyane. Amaraso mashya yagiyemo ya Niyonshuti Ghad na Innocent Habyarimana ni abakinnyi berekanye ko ari ba Semababa (wingers) beza cyane.

Amavubi yabanjemo: Mutuyimana (18), Bayisenge (5), Twagizimana (6), Mugabo Gabriel(4), Rusheshangoga (2), Sibomana(3), Niyonzima (8),  Mushimiyimana Mohamed(16), Sebanani (17), Tuyisenge (19),Mwiseneza (7)

Habonetse uburyo bwo gutsinda bukozwe neza cyane ariko ba rutahizamu Sebanani, Tuyisenge, Gasozera na Jimmy Mbaraga ntawabashije guteramo iminota 90 irarangira.

Abafana basohotse bishimiye umukino mwiza aba bahungu b’abanyarwanda batera ariko bijujutira ko batera neza ariko badatera mu izamu.

Umwe mu bafana ubona akuze ngo witwa Bigango yabwiye Umuseke ati «  Njye simbabaye cyane, narebye umupira cyane mu myaka yashize, ubu nibura abahungu bacu, ni abana b’abanyarwanda gusa, ubu ntibiri gukunda ariko umupira bakina urashimishije, igisigaye ni ukubatoza guteramo. U Rwanda rwataye igihe kinini cyane rukinisha abanyamahanga kandi nabwo byari byaranze. »

Tom Saintfiet utoza iyi kipe yo kwa Kamuzu Banda wamenyekanye cyane mu mateka ya Malawi yavuze ko yahuye ikipe nziza n’ubwo ayitsinze.

Tom Saintfiet ati «  Ndemera ko ikipe nakinnye nayo ikomeye kuko yakinnye football kurusha iyanjye, ariko mu mupira utsinze niwe ubarwa. Ni byiza nanjye nabibonye ko abasore bandishije guhererekanya neza. »

Abafana b’Amavubi bandi bo bamanutse i Nyamirambo bitotomba cyane dore ko ngo badaherutse intsinzi mu rugo ku Amavubi, binubiye cyane ba rutahizamu badatsinda n’umutoza wabo Eric Nshimiyimana ngo ugomba guhindura byinshi cyane cyane mu kureba mu izamu.

Eric Nshimiyimana mu kiganiro n’abanyamakuru nyuma y’umukino avuga ko bagiye gukomeza gukarishya ubusatirizi bigisha bibanda ku buryo bwo gutera mu izamu.

Yibutsa ariko ko yakinnye adafite ba rutahizamu be Kagere Meddy uri mu igeragezwa South Africa na Ndahinduka Michel uri kumwe na APR FC muri Kenya mu marushanwa y’amakipe y’ingabo.

Nshimiyimana yavuze ko iyi kipe bari gutegura ari ahanini izakina imikino ya CHAN ya 2016 izabera mu Rwanda.

Ikipe ya The Flames ya Malawi

Haruna niwe ukina hanze warimo wari uyoboye na bagenzi be

Abari bahagarariye amashyirahamwe y’imikino y’amakipe y’ibihugu yahuye

Tom Saintfiet, wahoze utoza Haruna Niyonzima muri Yanga, ubu aratoza Malawi

Nshimiyimana n’abo bakorana

Amavubi yatangiranye ishyaka ryinshi, Tuyisenge aragerageza aha gucika myugariro

Abafana ntabwo bari benshi kuri uyu mukino wa gicuti wabaye mu masaha y’akazi

Abari bahari wabonaga bafite inyota y’intsinzi

Ntagungira uyobora FERWAFA na Mitali Ministre w’imikino

Abasore ba Malawi nabo bagerageje kugumana umupira

Tuyisenge aragerageza gucenga myugariro wa Malawi

Umuyobozi wa Rayon Sports Murenzi Abdallah yagaragaye kuri stade areba abasore ba Rayon mu Amavubi

Haruna wari uyoboye ahandi hagati mu kibuga yagaragaje ubuhanga bwe

Emery Bayisenge na rutahizamu Peter Wadabwa barika ngo batanguranwe umupira

Wadabwa yawumutsanze aragerageza kumucenga

Yamukoze agacenga keza

maze amunyuraho atera ‘centré’

Aha abasore ba Malawi ni mu gice cya mbere bishimira igitego cya mugenzi wabo Atusai Nyondo

Umufana Rwarutabura yari yazanye igare yujuje ibihuru

Mugenzi we hano arafana ariko yacitse intege kubera Amavubi adatera mu izamu

Nyuma y’umukino, Amavubi mu masengesho nk’ibisanzwe

The Flames yo mu myitozo ngororamubiri nyuma y’umukino

Tom Saintfiet yemeje ko yakinnye n’ikipe yamurushije gutera agapira ariko bitabarwa ibyo

Didier Gomes wa Rayon Sports yari yaje kureba uko bimeze

 Photos/P Muzogeye& Nsengiyumva JD Inzaghi

JD Nsengiyumva Inzaghi
UM– USEKE.RW