Libya: Indege itwaye abaganga n’abarwayi yasandaye

Indege ya gisirikare ya Libya yari itwaye abaganga n’abarwayi yakoreye impanuka muri Tunisia irasandara maze amantu 11 bari bayirimo bahasiga ubuzima nk’uko byatangajwe none kuwa 21 Gashyantare.

Iyi ndege yo mu bwoko bwa Antonov yahanutse mu kirere yitura hasi ahitwa Gromblia mu birometero 40 mu majyepfo y’umurwa mukuru Tunis wa Tunisia.

Yari itwaye abaganga batatu, abarwayi babiri n’abantu batandatu barimo abayikoraho nk’uko umwe mu batabazi yabibwiye BBC.

Abarwayi benshi muri Libya iki gihe ngo bagana kwivuza muri Tunisia.

Biravugwa ko guhanuka kw’iyi ndege kwaba kwatewe n’ikibazo cya moteri yayo.

Indege yose nyuma yo kwisenura hasi ngo yafashwe n’inkongi ihinduka umuyonga. Abatabazi bageze aho yaguye babashoje kuvanamo imirambo yashiririye gusa.

ububiko.umusekehost.com