Kwibuka aba’sportifs’: … na Rutikanga yari ahari, ariko abakina Foot nta n’umwe

CHIEF EDITOR
06/03/2016

Ku mugoroba wo kuri uyu wa gatanu habaye urugendo n’umuhango wo kwibuka abahoze bari mu muryango mugari wa Sport mu Rwanda bazize Jenoside yakorewe Abatutsi herekanwa amafoto n’amazina yabo, abenshi ni abari abakinnyi b’umupira w’amaguru, gusa muri uyu muhango nta mukinnyi n’umwe w’umupira w’amaguru mu kiciro cya mbere mu Rwanda wari uhari, ndetse n’igitambaro cya FERWAFA cyari gifashwe n’abantu batazwi mu mupira. Minisitiri Uwacu yavuze ko kwibuka abasportifs bishwe ari inshingano y’abahari ubu.

Aba'sportifs' mu muhanda bagana kuri stade bari mu rugendo rwo kwibuka bagenzi babo bishwe muri Jenoside — Aba’sportifs’ mu muhanda bagana kuri stade bari mu rugendo rwo kwibuka bagenzi babo bishwe muri Jenoside

Batangiye basura urwibutso rwa Jenoside ku Gisozi, hakurikiraho urugendo rwo kwibuka rwavuye kuri Rond – Point ya Kimihurura, bajya kuri Petit stade i Remera.

Uru rugendo rwarimo amashyirahamwe y’imikino inyuranye mu Rwanda kugeza no ku makipe y’abakina rimwe na rimwe (amateurs), rwitabiriwe kandi n’abanyacyubahiro nka Ministiri Uwacu Julienne, umuyobozi wa komite Olempike Robert Bayigamba, abayobozi b’amashyirahamwe y’imikino itandukanye, abakinnyi, abatoza, n’abandi bakunzi b’imikino.

Bageze kuri Petit stade i Remera, abitabiriye uyu muhango beretswe amafoto n’amazina y’amagana y’aba ‘sportifs’ bazize Jenoside yakorewe abatutsi.

Muri uyu muhango, minisitiri wa Sport n’Umuco Uwacu Julienne yibukije aba sportifs ko kwibuka bagenzi babo bishwe, ari inshingano yabo.

“Ni igisebo gikomeye kuba igihugu cyacu cyarabayemo Jenoside, nyamara abantu benshi bariyitaga aba sportifs, kandi tuzi ko indangagaciro ya mbere iranga sports, ari urukundo. Gusa ni amateka yacu tugomba kuyemera. Kandi kwibuka bagenzi bacu bavukijwe ubuzima, tukabifata nk’inshingano, bikadufasha kurwanya ingengabitekerezo ya Jenoside mu mikino. Uruhare abo twibuka bagize mu iterambere rya sports, ni ingenzi, niyo mpamvu tutazahwema kubibuka” – Uwacu Julienne ufite imikino mu nshingano ze…

Muri uyu muhango ariko Football uko biba byitezwe kuko ariwo mukino ukundwa na benshi kandi wanatakaje abantu 54 (abakinnyi n’abatoza) bishwe muri Jenoside. Hari gusa Visi Perezida wa FERWAFA Vedaste Kayiranga na Perezida w’abafana ba Rayon Sports Claude Muhawenimana. Nta mukinnyi n’umwe w’umupira w’amaguru ku rwego rw’Amavubi cyangwa rw’amakipe y’ikiciro cya mbere wahabonetse. Ibintu byanenzwe na bamwe mu bayobozi mu magambo yabo.

Indi mikino myinshi yari ihagarariwe n’abayobozi, indi n’abakinnyi, cyangwa abakinnyi n’abayobozi bagiye baserukirwa.

Muri Jenoside yakorewe Abatutsi muri Football hishwe abakinnyi n’abatoza 54, Volleyball 44 na Basketball hicwa 29. Aba ni ababaruwe kugeza ubu.

Egide Nkuranga Visi perezida wa IBUKA yasabye aba sportifs gukomeza gukusanya amakuru n’amafoto y’aba sportifs bazize Jenoside kuko ngo hakiri n’abandi bataramenyekana.

Abakina Kung-Fu baserutse banambaye umwambaro wa sport yabo

Abari mu rugendo bageze ahitwa ku 'Gisiment' — Abari mu rugendo bageze ahitwa ku ‘Gisiment’

Bari barangajwe imbere n'abayobozi banyuranye — Bari barangajwe imbere n’abayobozi banyuranye

Uhereye iburyo: Umunyamabanga uhoraho muri MINISPOC Lt. Col. Patrice Rugambwa, Robert Bayigamba, Minisitiri J.Uwacu, Egide Nkuranga wa IBUKA na Vedaste Kayiranga Visi Perezida wa FERWAFA — Uhereye iburyo: Umunyamabanga uhoraho muri MINISPOC Lt. Col. Patrice Rugambwa, Robert Bayigamba, Minisitiri J.Uwacu, Egide Nkuranga wa IBUKA na Vedaste Kayiranga (wambaye umuhondo) Visi Perezida wa FERWAFA

Abari batwaye igitambaro cya FERWAFA si abakinnyi si n'abandi bantu bazwi muri FERWAFA — Abari batwaye igitambaro cya FERWAFA si abakinnyi si n’abandi bantu bazwi muri FERWAFA

Yewe n'abo mu mukino wa Chess bari bahari — Yewe n’abo mu mukino wa Chess bari bahari

Bageze muri stade, Minisitiri Uwacu na Robert Bayigamba uyobora impuzamashyirahamwe y'imikino olympique mu Rwanda — Bageze muri stade, Minisitiri Uwacu na Robert Bayigamba uyobora impuzamashyirahamwe y’imikino olympique mu Rwanda

Uwari ahagarariye ishyirahamwe ry'imikino ngororamubiri hamwe n'wari ahagarariye FERWAFA Vedaste Kayiranga — Uwari ahagarariye ishyirahamwe ry’imikino ngororamubiri hamwe n’wari ahagarariye FERWAFA Vedaste Kayiranga

Christian Gakwaya Perezida w'ishyirahamwe ry'ibyo gusiganwa n'imodoka — Christian Gakwaya Perezida w’ishyirahamwe ry’ibyo gusiganwa n’imodoka

Ingabo, nk'urwego rushyigikira cyane Sports, zari zihagarariwe muri uyu muhango — Ingabo, nk’urwego rushyigikira cyane Sports, zari zihagarariwe muri uyu muhango

Ikipe ya Handball ya Police y'u Rwanda yitabiriye cyane uyu muhango — Ikipe ya Handball ya Police y’u Rwanda yitabiriye cyane uyu muhango

Abakobwa bakina Cricket na bamwe mu bakinnyi b'abahungu na Perezida wa Cricket mu Rwanda bitabiriye iyi gahunda — Abakobwa bakina Cricket na bamwe mu bakinnyi b’abahungu na Perezida wa Cricket mu Rwanda bitabiriye iyi gahunda

Abakobwa b'ikipe ya IPRC Kigali y'abakobwa yaje mu mwambaro wayo — Abakobwa b’ikipe ya IPRC Kigali y’abakobwa yaje mu mwambaro wayo

Ishyirahamwe ryo gusiganwa ku magare ryari rihari

Jackson Mucyo Perezida w'ishyirahamwe rya Kung-Fu — Jackson Mucyo Perezida w’ishyirahamwe rya Kung-Fu

Mucyo (ibumoso) na Festus Bizimana Visi Perezida wa FERWACY

Egide Nkuranga wa IBUKA aganira na Minisitiri Uwacu

Claude Muhawenimana uyobora abafana ba Rayon Sports ni uwa kabiri wagaragaye mu muryango mugari wa Football muri uyu muhango

Bosco Nsabiyaremye na mugenzi we bo muri Rwanda Revenue bahagarariye amakipe y'iki kigo — Bosco Nsabiyaremye na mugenzi we bo muri Rwanda Revenue bahagarariye amakipe y’iki kigo

Dr James Vuningoma (iburyo) umuyobozi w'Inteko y'ururimi n'umuco — Dr James Vuningoma (iburyo) umuyobozi w’Inteko y’ururimi n’umuco yari ahari

Bafashe umunota wo kwibuka abasportifs muri rusange bishwe muri Jenoside yakorewe Abatutsi

Kubibuka ngo ni inshingano ya buri mu Sportif ngo ntibizongere

Urubyiruko runyuranye rwitabiriye uyu muhango, aha bari kwerekwa amafoto n'amazi ya bamwe mu bishwe — Urubyiruko runyuranye rwitabiriye uyu muhango, aha bari kwerekwa amafoto n’amazi ya bamwe mu bishwe

Evariste Kamugunga wahoze ari mu bayobozi ba Mukura VS

Hagati hicaye umutoza w'ikipe y'igihugu ya Basketball Moise Mutokambari — Hagati hicaye umutoza w’ikipe y’igihugu ya Basketball Moise Mutokambari

Urubyiruko rw'Aba'Sportifs' rwahawe ubutumwa bwo kwamagana ingengabitekerezo ya Jenoside — Urubyiruko rw’Aba’Sportifs’ rwahawe ubutumwa bwo kwamagana ingengabitekerezo ya Jenoside

Egide Nkuranga Visi Perezida wa IBUKA avuga ko abant bakwiye gukomeza gushaka andi mazina n'amafoto y'abasportifs bishwe muri Jenoside nabo bakajya bibukwa — Egide Nkuranga Visi Perezida wa IBUKA avuga ko abant bakwiye gukomeza gushaka andi mazina n’amafoto y’abasportifs bishwe muri Jenoside nabo bakajya bibukwa

ibumoso; umuhanzi Maria Yohana yari yitabiriye uyu munsi

Minisitiri Uwacu yavuze ko kwibuka ari inshingano kugira ngo ibyabaye bitazibagirana kandi ntibizongere

Bamwe mu bagize ikipe ya Week End Vision Basketball Club, ikipe ya Basketball ku rwego rwa 'amateur' nayo yaserutse muri uyu muhango wo kwibuka — Bamwe mu bagize ikipe ya Week-end Vision Basketball Club (ku bufatanye na Smart Broad band Ltd) ikipe ya Basketball ku rwego rwa ‘amateur’ nayo yaserutse muri uyu muhango wo kwibuka

Ndetse na Ferdinand Rutikanga (hagati) vugako yatangije Boxing mu Rwanda yari yazanye n'impanga ye muri uyu muhango wo kwibuka — Ndetse na Ferdinand Rutikanga (hagati) vugako yatangije Boxing mu Rwanda yari yazanye n’impanga ye muri uyu muhango wo kwibuka

Photos/Evode MUGUNGA/Umuseke

Roben NGABO
UM– USEKE.RW

5 Comments

JJM says:
06/03/2016 at 22:29

Mama shenge. Rutikanga yakanyujijeho da! Ndamwibuka kera avuye guterana ibipfunsi iyo mu bwatsi bwa Nyakubahwa Pombe. Kuri micro ya Nyakwigendera Viater Karinda, ubwo hari mu rubuga rw’imikino rwakundwaga na benshi mu Rwanda, yatangarije abanyarwanda bari bamuteze yombi ko we n’ikipe yari ayoboye bakubise abo bari bahanganye maze ngo abarebaga urwo rukino rw’amahoro bagereranya ibipfunzi bya Rutikanga Ferdinand na bagenzi be nk’imvura yagwaga i Bukoba! Genda mpongo urashaje.

Gatorano says:
06/04/2016 at 14:02

Ubwo harimpamvu babipinze. Ministre azabafungire robinet hogato.

Kayonde says:
06/04/2016 at 15:12

Ferdinand Rutikanga twaramukundaga cyane yaduserukiye ahesha ishema igihu cyamubyaye.

Nadine says:
06/04/2016 at 17:38

Yowe ga mama!rutikanga nimpanga ye disi.mbega abantu bashimishije

Safi says:
06/05/2016 at 08:50

Abashinzwe umuco muri ministeri muzabyigeho neza, imihango yo kwibuka ntimukayitumiremo abo idashishikaje. Ntacyo bitanga kuko kwibuka bya nyabyo biva ku mutima ukunda kandi ufitiye ubwuzu abishwe n’abarokotse. Ku bwanjye, no mu cyumweru cyo kwibuka cyo muri Mata, nta muturage n’umwe ukwiye guhatirwa kwitabira imihango igihe atabyiyumvamo cyangwa atabishaka. Aho kugabanya ingengabitekerezo Leta yifuza kurwanya, birazongera. Umushinyaguzi ugiye mu mihango yo kwibuka yakora iki kindi kitari ugushinyagura?

Comments are closed.

Share this:

5 Comments