Kipson Atuhaire yasinye imyaka ibiri muri Musanze FC

Amakuru agera k’Umuseke avuye muri Musanze FC aremeza ko rutahizamu Kipson Atuhaire wari umukinnyi wa Police FC amaze gusinya, kuri uyu wa kabiri, imyaka ibiri nk’umukinnyi wa Musanze FC.

Kipson wigeze no guhamagarwa mu ikipe y’igihugu Amavubi, umwaka ushize ari mu bakinnyi bahuye n’ibibazo by’ubwenegihugu yamburwa gukina nk’umunyarwanda.

Uyu musore wabaye mu ikipe ya APR FC nyuma akajya muri Police FC iyi kipe yamutije Musanze ubwo Phase Aller ya shmpionat ishize yari irangiye, Police yizeye ko ibibazo by’ibyangombwa nibikemuka akemererwa gukina nk’umunyarwanda izamugarura.

Ibi ntibyashobotse yagumye mu ikipe ya Musanze akina nk’umunyamahanga, kuri uyu wa kabiri akaba yabasinyiye amasezerano y’imyaka ibiri nk’umukinnyi wabo, nubwo ubuyobozi bw’iyi kipe butaraboneka ngo bwemeze aya makuru kugeza ubu.

Jean Paul NKURUNZIZA
UM– USEKE.RW