Kidumu Kibido i Kigali muri JAZZ JUNCTION abo yataramiye ntibishwe n’irungu

Jazz Junction ni igitaramo kiba buri wa gatanu wa nyuma w’ukwezi, gitumirwamwo abahanzi baturutse mu bihugu byo hanze y’u Rwanda, kuri iyi nshuro Kidumu Kibido Kibuganizo ni we wataramiye abakitabiriye.

Uyu muhanzi yaje kurebwa n’abatari bake, dore ko ari umwe mu bakunzwe haba mu rubyiruko n’abakuze. Abantu wabonaga ko bamwishimiye kuko yaririmbanaga na bo basubiramo indirimbo ze zagiye zikundwa.

Yaririmbye indirimbo zirimwo izizwi na benshi mu Rwanda nka ‘Mapenzi’, ‘Amosozi y’Urukundo’, ‘Intimba y’Urukundo’, ‘Birakaze’.

Kidumu yashimiye Abanyarwanda bongera kumwereka urukundo bakaza kwishimana na we.

Usibye Kidumu, itsinda Beauty for ashes, bateganya kumurika album yabo ya mbere na bo baririmbiye imbaga y’abantu bari aho banatumira umuhanzi Adrien Misigaro wari umaze kugera i Kigali kuza agasuhuza abari aho.

Nyuma haririmbye itsinda ririsubiramo indirimbo z’abandi bahanzi ryitwa ‘Neptunez Band’.

Amafoto@MUGUNGA/UM– USEKE

Evode MUGUNGA
UM– USEKE.RW