Kenya: ‘Al Shabab’ yishe abantu 12 ibasanze muri ‘Guest House’
Mandera ni ahantu muri Kenya hakunze kwibasirwa n’aba Al Shabab bava hakurya muri Somalia
Ubwicanyi bwibasiye abatari Abasilamu bwahitanye abantu 12 mu nzu y’icumbi (Guest House) mu gace ka Mandera mu majyaruguru ya Kenya hafi ya Somalia. Ubu bwicanyi bwabaye mu gicuku cyo kuri uyu wa kabiri bivugwa ko bwakozwe na Al Shabab.
Umuyobozi wa Police mu gace ka Mandera yabwiye Al Jazeera ko abarwanyi ba Al Shabab bo muri Somalia aribo bakeka ko bagabye iki gitero kuri Bisharo Guest House.
Ngo barashe ku bantu benshi ndetse baturitsa ibisasu kugira ngo binjire muri iyi Guest House.
Police n’ingabo batabaye babashe kurokora bamwe mu bari bataricwa bari muri iyi nzu y’icumbi. Police ubu ngo iri guhiga uwaba yakoze ubu bwicanyi kuko bacitse.
Al Shabab ihora yigamba kwihimura kuri Kenya kuko ngo yoherejeyo ingabo zo kuyirwanya kuva mu 2011.
Ibitero nk’ibi Al Shabab ikunze kubikora muri Kenya hafi y’umupaka na Somalia. Igitero gikomeye yakoze kuri Kenya ni icyo kuri iguriro rya Westgate mu 2013
Mu Ugushyingo 2014 nabwo Al Shabab yashimuse imodoka ya Bus yica abantu 28 batari abasilamu bari bayirimo, mu Ukuboza 2014 nabwo Al Shabab yateye muri Kenya yica abakozi 36 bakora mu kirombe.
Mu ntangiriro z’uku kwezi abantu batandatu bishwe na Al Shabab bari mu nyubako icumbikira abantu aha mu gace ka Mandela.
UM– USEKE.RW
English
3 Comments
Idini ry’ikinyoma rigaragarira Ku mbuto zaryo(Matayo 7:15-20;1 Yohana 3:10-12).Bimaze iki kwirirwa bavuga iby’Imana imitima yabo yuzuye ubugome,amaboko yabo yuzuye amaraso kandi Imana y’ukuri ari Urukundo,imbababazi,impuhwe,gutinda kurakara,amahoro…(Kuva 34:6),abantu batigana Imana baba bakorera umwanzi wayo mukuru ari we Satani(Yohana 8:44) bishuka ngo barakorera Imana.
Ntabwo ari idini ry’ikinyoma ni abarikurikira bahitamo ibinyoma. Niba warize amateka ntacyo aba bayislamu barimo gukora abakristu batakoze. Bible na Quran zose zifite ama verses abagizi ba neza n’abagizi ba nabi bashobora gukoresha bashimangira ibikorwa byabo. Ingero ni nyinshi uhereye mu rwanda ukajya mu irimbagurwa ry’ aba Jews, aba Native Americans icuruza ry’ubucakara bw’ abanyafrika, conquests na colonization zaba izakozwe n’abanyaburayi cg abarabu. Bose bazaga bitwaje bibiliya cg amakorowani. Ikibazo si idini ikibazo ni abantu.
ariko se kenya yo aho kugirango ihore yicisha abaturage bayo, yavanyeyo abasilikare maze abaturage bakabona amahoro, kenya nticyennye, kuki yunva ko abantu bayo bahora bicwa na biriya byihebe?President tukuziho ubwenge, vanayo abawe abandi babone amahoro, urabona abantu bamaze kuzira ubusa?
Comments are closed.