Kenya: Abakerarugendo 2 bapfiriye mu mpanuka abandi 18 barakomereka

Ba mukerarugendo babiri bakomoka mu gihugu cya Austaralia bapfiriye mu mpanuka ya bus mu nkengero z’umurwa mukuru Nairobi, abandi 18 bakomeretse bikomeye bajyanwa kwa muganga.

Amakuru yatangajwe kuri uyu wa mbere n’ishyirahamwe, Intrepid Travel, ry’ubukerarugendo avuga ko bus yari ibatwaye yaguye mu mugezi bitewe n’imwe mu mapine yayo yaturitse ku cyumweru ku mugoroba ku muhanda uzamuka mu mujyi wa Nairobi.

Abantu 25, barimo abakerarugendo 22, n’abakozi batatu b’Abanyakenya ni bo bari muri iyo modoka.

Umukozi wa Intrepid Travel watangaje iyi nkuru yagize ati “Ku bw’amahirwe make byatangajwe ko abakerarugendo babiri bo muri Australia bapyuye.”

Uyu akaba yanemeje ko abandi 18 bajyanywe mu bitaro kugira ngo bavurwe ibikomere.

Ibitangazamakuru muri Kenya byanditse ko muri iyo modoka harimo n’abakerarugendo bakomoka muri Amerika no mu Bwongereza.

Leta y’igihugu cya Australia yatangaje ko urwego rwa Amabsade yarwo rwatanze ubufasha ku miryango y’abo bakerarugendo.

Jeuneafrique

UM– USEKE.RW