Kalisa Mao na Hussein Sibomana bakuwe mu Amavubi

Aba bakinnyi bombi bakomoka mu gihugu cya Congo Kinshasa bavanywe mu ikipe y’igihugu Amavubi n’umutoza Micho Milutin kubera imyitwarire yabo.

Kuri uyu wa mbere ku myitozo iri kubera ku kibuga cya FERWAFA, Amavubi yitegura kujya muuri Tanzania mu mikino ya Cecafa, aba bakinnyi bombi ntabwo bari kugaragara mu myitozo y’iyi kipe y’igihugu.

Kalisa Mao (mu Rwanda) ariwe Kasongo Kabiona (muri Congo), yazize kuba nyuma yo gutsinda umukino w’ikipe ya Erithrea, amaze guhabwa 3000$ ya prime bari bemerewe, yarahise afata inzira akigira iwabo I Congo, bivugwa ko yagiye gushaka ikipe azakinira,  mu gihe abakinnyi bari basabwe kutajya kure kuko imyitozo yo kwitegura CECAFA y’amakipe y’ibihugu yahise itangira.

Naho Sibomana Hussein, umukinnyi wamenyekaniye mu ikipe ya Mukura imuvanye muri Congo, ubu akaba akinira Kiyovu Sport, we umutoza Micho Milutin yamwirukaniye kwanga gukinira Club ye ya Kiyovu Sport muri iyi Week end, umutoza Micho akaba avuga ko niba umukinnyi adafitiye ishyaka ikipe ye, atanarigirira ikipe y’igihugu.

Muri iyi week end ishize, Kiyovu Sport ikaba yaratsinzwe na AS Kigali igitego kimwe ku ubusa.

Bamwe mu bakinnyi bahise basimbuzwa aba ba Congoman babiri harimo abakinnyi nka Soter Kayumba (Etincelles FC) na Tumaine Ntamuhanga (Rayon Sport FC) n’abandi bakinnyi bari bahamagawe ubushize nka Michelle Rusheshangoga (Ferwafa academy), Gabriel Mugabo (Mukura VC),

Ikipe y’igihugu Amavubi ikaba izahaguruka kuri uyu wa gatatu yerekeza I Dar es Alaam mu mikino ya CECAFA y’ibihugu u Rwanda ruheruka kwegukana mu 1999.

Abakinnyi bahamagawe ni :

Abazamu

1. Jean Claude Ndoli (APR FC)
2. Jean Luc Ndayishimiye (APR FC)
3. Evariste Mutuyimana (Police FC)
4. Emery Mvuyekure (AS Kigali FC)

Myugariro

1. Eric Gasana (APR FC)
2. Emery Bayisenge (FERWAFA Academy)
3. Ismail Nshutiyamagara (APR FC)
4. Michelle Rusheshangoga (Ferwafa academy)
5. Albert Ngabo (APR FC)
6. Gabriel Mugabo (Mukura VC)
7. Frederic Ndaka (Police FC)

Mu kibuga hagati

1. Soter Kayumba (Etincelles FC)
2. Jean Baptiste Mugiraneza (APR FC)
3. Jean Claude Iranzi (APR FC)
4. Andrew Buteera (Proline FC)
5. Charles Tibingana Mwesigye (Proline FC)
6. Haruna Niyonzima (Yanga Africans)
7. Innocent Habyarimana (AS Kigali FC)
8. Tumaine Ntamuhanga (Rayon Sport FC)

Rutahizamu

1. Jerome Sina (Rayon Sports)
2. Olivier Karekezi (APR FC)
3. Meddy Kagere (Police FC)
4. Peter Kagabo (Police FC)
5. Bokota Labama Kamana (Rayon Sports FC)

Jean Paul Gashumba
UM– USEKE.COM