Kabul: Abakozi 10 b’urukiko bishwe mu gitero cy’ubwiyahuzi
Umutwe-wAbataliban-ukunze-gukora-ibitero-byo-guturutsa-imodoka-nibisasu
Mu rukerera rwo kuri uyu wa gatatu tariki 25 Gicurasi 2016, Umutalibani yaturukije igisasu agamije guhitana abakozi bose bakora mu rukiko rwisumbuye, ariko hapfamo abagera ku 10 abandi bane barakomereka.
ABC News dukesha iyi nkuru, ivuga ko icyihebe cyaturikije iki gisasu ubwo cyagendaga mu ruvunge rw’abantu bajyaga mu kazi nk’uko bisanzwe.
Najib Danish, umuvugizi muri Minisiteri y’umutekano w’imbere mu gihugu, yavuze ko iki kihebe cyari cyagambiriye guhitana buri mukozi wese w’urukiko wari muri iyo modoka mu rwego rwo kwereka Leta ko nta bushobozi ifite bwo guhagarika Abatalibani.
Ubu bwicanyi, bivugwa ko kandi byaba ari uguhorera umukuru w’Abataribani, Mullah Akhtar Mansour, wishwe n’ Abanyamerika kuri uyu wa Gatandatu.
Hari hashize igihe kingana n’ukwezi mu murwa mukuru wa Afghanistan, Kabul hatumvikana umubare w’abantu bishwe, nyuma y’urupfu rw’abantu 64 baguye mu gitero cy’ubwiyahuzi tariki 19 Mata 2016.
Joselyne UWASE
UM– USEKE.RW
English