Justin Bieber yarangije amashuri yisumbuye ngo ashimishe nyina

Uyu muhanzi ukiri muto nubwo afite za miliyoni z’amadorari mu mabanki ariko avuga ko yakora buri kimwe ngo aneze nyina. Akaba ariyo mpamvu yagannye ishuri.

Nubwo amashuri yarangije atayatezeho kuzamutunga, ahubwo kuba yakora agashya muri muzika ye, uyu musore arangije yatangaje ko yabikoreye nyina.

Yagize ati: “ Narangije amashuri yisumbuye. Natsinze ikizamini! Byari bikomeye kwiga kuko bisaba gukora buri munsi”

Ku myaka 18, uyu muhungu yarahiriwe bitangaje, kugeza ubu agiye mu zabukuru ubu (ahagaritse ibyo akora) ayo yizigamiye yamubeshaho igihe cyose asigaje kubaho.

Gusa ku busabe bwa nyina, wenyine afite, Pattie Mallette, Justin yakoze ibishoboka ngo arangize ibyo yamusabye nubwo kuri we atabikeneye mu buzima bwe.

Bieber yongeyeho ati: “Ishuri ni ikintu rwose mama yashakaga ko nkora, bityo rero nagombaga kubimukorera”

Ati: “ Cyakora ubuzima bw’ishuri bwatumye mbona indi shusho y’ubuzima. Kw’ishuri urandika kandi ugasoma cyane, kandi ibi bintu si ibyanjye rwose. Nkunda kuba nibereye aho gusa!”

Uyu musore wari warahagaritse amashuri ye agatangira muzika, ibyo yigaga n’ishuri ryamuhaye iyo serivisi ntabwo bitangazwa, gusa bivugwa ko yigaga mu buryo bwatumaga aticara mu ishuri nk’abandi ndetse akiga mu gihe yabaga akomeza no gukora muzika ye.

Uyu musore ukunda n’undi muririmbyikazi benda kungana Serena Gomez yabwiye Daily Telegraph dukesha iyi nkuru ko ubu agiye gukina film azakina ari umukinnyi wa basketball.

Plaisir Muzogeye
UM– USEKE.COM