Jay Polly yabanje guseka Platini wafanaga Real Madrid

Bamwe mu bahanzi bo mu Rwanda baraye bagaragaye kuri stade nto i Remera baje kureba umukino wa nyuma w’igikombe cya UEFA cy’amakipe yabaye aya mbere i Burayi, Jay Polly wafanaga Atletico Madrid byaje kumugendekera nabi nyuma yo kwishima kuri Platini wari inyuma ya Real Madrid ubwo Atletico yari yatsinze ikishyurwa ku munota wa nyuma.

Kuri stade nto i Remera aherekaniwe uyu mukino hagaragaye abahanzi bagize itsinda rya Active, Bruce Melodie, Young Grace, Jay Polly, Platini (Dream boys), Senderi International Hit, Amag the Black ndetse na Tino wo mu itsinda rya TBB.

Platini wari inyuma y’ikipe ya Real Madrid naho abahanzi barimo Senderi, Jay Polly na MC Tino  bakaba ku ruhande rwa Atletico Madrid.

Byari bikomereye umuhanzi Platini na bamwe muri bagenzi be kugeza ku munota wa 90 Atletico yabatsinze kimwe ku busa, gusa baje kunezerwa ubwo Gareth Bale yishyuraga igitego habura amasegonda macye ndetse Sergio Ramos, Marcelo na Ronaldo bakungikanyamo ibindi bitego bishimangira intsinzi ya Real

Muri miliyari zirindwi z’abatuye isi, ikigereranyo cy’abantu bagera kuri miliyoni 150 baraye barebye uyu mukino ku mateleviziyo Live uri kuba nk’uko byatangajwe na SB Nation.

Photos/Plaisir MUZOGEYE

Plaisir MUZOGEYE
ububiko.umusekehost.com