Janet Jackson w’imyaka 50 yabyaye umwana wa mbere

Janet Jackson wamamaye muri muzika nka musaza we Michael, we n’umugabo we Wissam Al Mana bibarutse imfura yabo. Ni umuhungu bise Eissa Al Mana. Janet yamubyaye kuri uyu wa kabiri ku myaka 50 y’amavuko afite ubu.

Umuvugizi wabo yabwiye People Magazine ko Janet ameze neza ari kuruhuka.

Mu kwa cumi umwaka ushize nibwo Janet yatangaje ko atwite, byatangaje abantu benshi kubera imyaka ye, cyane cyane abo mu mico inyuranye no muri Amerika.

Uyu mugore ngo yahawe ubufasha bukomeye n’abaganga kugira ngo abyare neza.

Musaza we mukuru Jermaine yatangaje ko yizeye ko mushiki we azaba umubyeyi mwiza.

Ati “ubusanzwe ni umuntu ukomeye kandi ugira amahame agenderaho. Ndizera ko azarera umuhungu we neza.”

Kuva mu 1984 Janet yashyingiranywe n’abagabo babiri bagatanduakana, Al Mana umucuruzi wo muri Qatar ni uwa gatatu bashyingiranywe mu 2012. Abo babanye mbere ntibabyaranye.

Janet niwe muhererezi mu bana 12 bava inda imwe nawe bakomoka muri Leta ya Indiana. Mu bavandimwe be 10 baracyariho babiri nibo bapfuye; Michael Jackson na Brandon Jackson.

UM– USEKE.RW