Jackson Kalimba na Gabiro bahishiye byinshi abanyarwanda

Abahanzi Jackson Kalimba na Gabiro bamenyekanye cyane mu marushanwa ya Tusker Project Fame, baratangaza ko bari muri studio batunganya indirimbo nyinshi bizera ko zizashimisha Abanyarwanda.

Ubwo bari mu kiganiro Contact Live gihita kuri Contact fm, Kalimba na Gabiro bavuze ko usanga akenshi abantu bibaza impamvu badasohora ibihangano bitandukanye, ariko ngo ubu abakunzi babo bashonje bahishiwe kuko bombi bari muri studio bakora indirimbo nyinshi.

Nyuma ya “Number one” na “Kubera iki?” zakunzwe n’abantu benshi, Jackson Kalimba avuga ko n’ubwo akomeje gukora ndetse yitegura no gusohora indirimbo nyinshi ariko afite impungenge ku imenyekanisha ryazo(promotion).

Ku kibazo cy’uko atazi kuvuga neza ikinyarwanda kandi ashaka kumenyekana mu baturage bavuga ikinyarwanda, yavuze biterwa n’uko nta gihe kinini aramara akoresha ikinyarwanda ariko ngo arimo gushyiramo imbara kugira ngo akimenye.

Naho mugenziwe Gabiro ngo arimo gushyira ingufu mu gukora ibihangano bifite, ireme n’ubutumwa.

Aba basore bombi kandi basaba ko Abanyarwanda bajya batera inkunga abahanzi babo kandi n’abanyamakuru nabo bakabaha promotion.

Jackson Kalimba yamenyekanye cyane muri Tusker Project Fame season 5 naho mugenziwe Gabiro Gilbert amenyekanira muya 4.

Gentil star
UM– USEKE.RW