Itorero ry'Abanyarwanda biga mu mahanga ryafunguwe i Gako

CHIEF EDITOR
07/30/2013

Bugesera – Abanyeshuri bagera kuri 276 biga mu mashuri yo hanze y’igihugu cyabo cy’u Rwanda nibo bateraniye mu itorero mu kigo cya gisirikare i Gako, aha bahahererwa amasomo mboneragihugu, amateka, n’icyerekezo igihugu cyabo kirimo. Ryafunguwe kuri uyu wa 30 Nyakanga n’abayobozi batandukanye.

Aba ni bamwe mu banyeshuri biga mu mahanga bari mu itorero i Gako

Iri torero ryatangiye kuwa 28 Nyakanga, aba banyeshuri bazamara ibyumweru bibiri bahugurirwa kwitwara neza mu mahanga aho biga, gukunda igihugu cyabo, n’ibindi.

Umuhango wo gufungura iri torero witabiriwe na Ministre w’Urubyiruko n’ikoranabuhanga, Umugaba mukuru w’ingabo z’igihugu, Umuyobozi mukuru wa Police y’u Rwanda, Umuyobozi w’Itorero ry’igihugu, Intumwa ya Ministeri y’Ububanyi n’amahanga ndetse n’abayobozi batandukanye ku rwego rw’Akarere.

Gakwaya Joana umunyeshuri wiga muri Canada, avuga ko nyuma y’Iminsi ibiri gusa bamaze i Gako amaze kwiga byinshi.

Ati “Nibaza ko nyuma y’ibyumweru bibiri tuzamara nzaba maze kwiga ibintu byinshi ngereranyije n’ibyo mbonye muri iyi minsi ibiri gusa, nzaba mfite byinshi byo kwigisha bagenzi banjye batari aha bari muri Canada.”

Atangiza iri torero kumugaragaro Rucagu Boniface umukuru w’Itorero ry’igihugu yasabye aba banyeshuri gukunda mbere na mbere igihugu cyabo.

Ati “ Muza hano ngo muhabwe indangagaciro z’igihugu cyanyu, nimujya ku ishuri mujye muhora muzirikana igihugu cyanyu kiri mu nzira y’iterambere n’ubumwe bw’abagituye.”

Ministre w’Urubyiruko Nsengimana Jean Philbert we yagize ati “ Mbere yo kubabwira ibindi njye ndiheraho, nanjye nabaye mu ngando ndi osi morale, byatumye menyekana cyane kugeza no muri Kaminuza i Butare aho nayoboye abandi muri faculté yose niga muwa mbere.

Kubabwira ibyanjye sicyo cyanzanye ahubwo ndababwira ko buri buzima munyuzemo bugira etapes kandi mugomba kuzitwaramo neza.

Ndabasaba kugira intego n’icyerekezo kuko nibyo bigira umuntu umugabo ndetse akaba yagirira igihugu cye umumaro nirwo rufunguzo.”

Aba banyeshuri biga mu mahanga bateraniye i Gako bagizwe n’abakobwa 72 n’abahungu 204, abayobozi bose bafashe umwanya wo kubaganiriza bagiye babashishikariza gukunda igihugu cyabo, kurangwa n’ubumwe ndetse no kwifuriza ibyiza abagituye.

Aba banyeshuri bavuga ko aho biga mu mahanga bavuga ko aho mu mahanga bahabona amakuru mabi ku gihugu cyabo, ariko bashimishwa n’iyo bageze mu Rwanda bagasanga ibyo babwirwa ari ibinyoma.

Abanyeshuri biga mu mahanga bari mu ngando i Gako

Aha bari kuri morale munzu mberabyombi bategereje abayobozi

Umuyobozi w’itorerory’igihugu Rucagu Boniface na Ministre Nsengimana w’urubyiruko bari abashyitsi bakuru

Mu gihe cy’Indirimbo yubahiriza igihugu aba ni Gen P Nyamvumba na IGP E Gasana

Abanyeshuri bose hamwe bagera kuri 276 biga ku migabane hafi yose y’Isi bari i Gako

Abanyeshuri baratozwa indangagaciro z’igihugu cyabo

Hon Jean Philbert Nsengimana yabasabye kugira intego ku buzima bwabo

Hon Rucagu Boniface yabasabye kubaka u Rwanda rw'ubumwe — Hon Rucagu Boniface yabasabye kubaka u Rwanda rw’ubumwe

Afande Safari yababwiye ku biranga umunyarwanda nyawe

Aha Ministre yababwiraga ati "nari osi morale ukomeye cyane" — Aha Ministre yababwiraga ati “nari osi morale ukomeye cyane”

Aba banyeshuri bishimanye cyane na Ministre w'urubyiruko bamusaba kwifotozanya nawe — Aba banyeshuri bishimanye cyane na Ministre w’urubyiruko bamusaba kwifotozanya nawe

Minister yabasizemo urwenya asiga baseka, bamwe bifuzaga ko bagumana

Abayobozi b'inzego za gisirikare n'iza gisivile bari basuye aba banyeshuri — Abayobozi b’inzego za gisirikare n’iza gisivile bari basuye aba banyeshuri

Mugisha David wiga muri Uganda aravuga ibyo ategereje muri izi ngando

Gakwaya Joana wiga muri Canada avuga ko amaze kubona byinshi mu minsi ibiri gusa

Photos/P Muzogeye

Plaisir MUZOGEYE
UM– USEKE.RW

0 Comment

nkoronko says:
07/30/2013 at 17:34

Impundu ziri hafi kuvuga

sogea says:
07/30/2013 at 18:13

nizereko bakoze na introduction,nigitamaduni,rwose abobana burwada ntibazapfube.

bernard says:
07/30/2013 at 20:24

MURAKAZA NEZA IWANYU BANA B’URWANDA, EREGA IZO MBARAGA ZANYUN ZIRZCYENEWE MUKUBAKA URWABABYAYE. MURABEREWE GUSA BISHOBOTSE MWANAGUMA MURI IYO UNIFORM KABISA. NYAGASANI ABARINDE

Kazungu says:
07/30/2013 at 20:38

Ubwo bisigaye bivugwa reka nivugire. Ntamuhutu wiga mu mahanga mba mbaroga?
- Jado says:
  07/31/2013 at 08:27
  
  Ahubwo urarwaye bakuvuze, ibyo ubivuze uhereye kuki? Imitekerereze nk’iyo ufite ntikwiye uyu munsi. Abanyarwanda dukwiye kurenga ingengabitekerezo nk’izi. Jye nzi benshi bigayo. Ujye ujya kuvuga ibintu ubanze utekereze neza.
  - igweja says:
    07/31/2013 at 09:28
    
    abahutu ubireberahe urwanda ruracyafite ikibazo ku bantu nkamwe
  - Dan says:
    07/31/2013 at 10:02
    
    wowe utameze nka Kazungu se wabimenye ute ko hari abahutu bigamo?mwese mukwiye kujya mu bitaro bimwe,gusa wenda uburwayi bwanyu ntibungana ariko mwese murarwaye n’ubwo ubyikuraho.
    - kimenyi says:
      07/31/2013 at 15:48
      
      ngo abasazi babiri barahuye umwe ati ariko warasaze undi nawe ati ndabona warasaze kundusha! aba nabo ni uko bombi bararwaye kandi kimwe!
  - Popp says:
    07/31/2013 at 14:59
    
    Cyakoze wowe ukwiye Iwawa ingando nta n’icyo zakumarira na gato
- kasimu says:
  07/31/2013 at 09:51
  
  ufite ikibazo gikomeye kabisa,nabo barahiga kandi nabahungiyeyo barahari ahubwo wakwibaza uti kuki bo bataza nkabandi nik batinya?uzabatubarize ndabona ubababaye.

IMBWA says:
07/30/2013 at 21:33

ESE BIYANDIKISHIRIZA HEHE ! CYANGWA NAHO HABA IKIMENYANE NIBAJYE BABITANGAZA
NABANDI BABIMENYE INGANDO NTAWE ITAZIKENEYE
- igweja says:
  07/31/2013 at 09:24
  
  uri imbwa koko amatangazo za radion zaravuze ziraruha niba utarabyumvise se kubera ubu nanga bwawe ubwo warengenye nde?uzaze ubutaha
  - Popp says:
    07/31/2013 at 14:58
    
    Wowe umwise imbwa ubwo umurushije iki? Kuba atarabashije kubimenya bitewe wenda no kutumva radio bigatuma agira uko atekereza kudafututse ntibyaguhaga uburenganzira bwo kumutuka. Usebeje gusa ababyeyi bakubyaye!
    - igweja says:
      08/01/2013 at 09:57
      
      simututse rwose kuko niwe wiyise imbwa ubwo niko yitwa kuko imbwa niyo yohereje iyo comment izina niryo muntu nicyo nashatse kuvuga

mubyeyi marie says:
07/31/2013 at 00:59

turabishimiye barakaza neza murwababyaye nibite kumaso atangwa kuko nibanze kdi twabasaba kuba tembereza ahashoboka mu Rwanda bakagenda badutangira ubuhamya koharicyo tumaze guhindura myuma yamarorerwa yatubayeho ngoho nimukomereza murakarama

Markos says:
07/31/2013 at 08:18

Jye nayobewe niba ari abanyeshuri cg ari abasilikali? cg ni abanyeshuri b’abasilikali.
- igweja says:
  07/31/2013 at 09:26
  
  nabanyeshuri bambaye imyenda ya gisirikare kuko bakoreye amahugurwa mukigo cya gisirikare

john says:
07/31/2013 at 08:24

wowe Kazungu ukeneye kujya I Ndera.

Kamo says:
07/31/2013 at 08:30

Nibyiza ko urubyiruko rusobanurirwa amateka, aha igihugu kigeze naho cyerekeza.
- ndayizeye ibrahi says:
  07/31/2013 at 15:48
  
  aho kurubwira amateka murarubeshya. amateka y’urwanda ubu ni ibinyoma n’amahimbano.

uwera alice says:
07/31/2013 at 09:04

Ministre Philbert yabeshye!Ntabwo yayoboye faculté ahubwo yabaye umunyeshuri uhagarariye abandi muri faculté.Kuko umuyobozi wa faculté yitwa Doyen(Dean) kandi aba ari umwarimu
- Dan says:
  07/31/2013 at 10:03
  
  Nta bwo abeshya kuko buri faculty igira umunyeshuri uyihagarariye ari we bitaga REPREFAC (REPRESENTANT DE LA FACULTE) wowe rero UWERA bigaragara ko utigeze wiga i Butare jya uvuga ibyo uzi,ikindi wenda atababwiye ni uko yabaye president wa AGEUNR,umuryango uhuza abanyeshuri ba kaminuza nkuru y’u Rwanda.ubwo rero rekera aho.
  - uwera alice says:
    07/31/2013 at 11:28
    
    Dan simbeshya ahubwo usubiyemo ibyo navuze.Nanjye navuzeko yabaye REPREFAC:umunyeshuri uhagarariye abandi ntabwo yayoboye faculté kuko umuyobozi wa faculté aba ari doyen kandi doyen aba ari umwarimu
    - Salus says:
      07/31/2013 at 17:08
      
      @Uwera, ko mbona uzi gutsimbarara kumakosa yawe, ubwo nahandi nuko ubigenza! Bagukosoye ariko ukomeza gukururana utemera. Minister ntabeshya kandi yatuyoboye neza va mumagambo! Salus
      - Scarius says:
        08/01/2013 at 08:05
        
        Ibyo Uwera avuze nukuri!!hari Umunyeshuri uhagarira abandi muri Faculty, hama hakabaho n’Umuyobozi wa Faculty ariwe Dean!! so what was the Minister? was he a Dean or a Reprefac kind of?
        Mujye mumenya gutandukanya ibintu dont argue like profanes!
        Thanks.

rujepa says:
07/31/2013 at 09:18

Nibyiza iyi gahunda ariko bajye natwe batumenyesha gahunda ntitwayimenye kandi twiga muri RDC -Kinshasa,BKvu muzatumenyeshe ubutaha natwe tuze murakoze
- meme says:
  07/31/2013 at 14:33
  
  Mwebwe ntabwo mwiga mu mahanga, ahubwo mwiga muri Rwanda B abiga aho uvuze

Anderson says:
07/31/2013 at 09:19

Ebana aba ntago bagomba gupfuba kabisa!

Dan says:
07/31/2013 at 09:58

Nta bwo abeshya kuko buri faculty igira umunyeshuri uyihagarariye ari we bitaga REPREFAC (REPRESENTANT DE LA FACULTE) wowe rero UWERA bigaragara ko utigeze wiga i Butare jya uvuga ibyo uzi,ikindi wenda atababwiye ni uko yabaye president wa AGEUNR,umuryango uhuza abanyeshuri ba kaminuza nkuru y’u Rwanda.ubwo rero rekera aho.

Asyka says:
07/31/2013 at 10:04

Ariko se hakurikizwa iki ku bazaza mu ngando…ni abahagarariye abandi.Ko nzi benshi bataje…kuki bigirwa ubwiru…cg haba hari abagomba kuyitabira n’abandi bitareba…cg biterwa n’ubushobozi. Byagakwiye ko bose bayitabira uretse uwagira impamvu nk’uburwayi cg amasomo.
- Popp says:
  07/31/2013 at 15:02
  
  Ntimugakuririze ibintu, iyi ngando nta bwiru bubamo, batanga amatangazo, mukiyandikisha, mugatanga ibyangombwa, nta kindi na kimwe gisabwa.
- Surtan says:
  07/31/2013 at 19:09
  
  None se urabona atari indobanure, kuki mubaza ubusa?
  - igweja says:
    08/01/2013 at 10:03
    
    indobanure nukuvuga iki?uri aho zirikubera sengo umenye ko barobanuwe cg uri mubaba selecting ga ahhhhhhhhhhhhhhmuzasya mvome nimushigisha mbi,,,,,,,,,,,,,,,,,,,,,,,,,,,,,,,,niyirukire

kagwa says:
07/31/2013 at 10:54

yebaba wee Rucago arabeshya itorero ni igisoda kweli ibi bimaze ikibakwigishi

Barahurura says:
07/31/2013 at 11:00

Aba nibo bazashilira ku rugamba ejobundi. Sinkunda guhurura. Umuntu wize agira critically mind, aba nibabandi bakurikira. Ahantu hose babayo. Gitangaze ni igitekerezo cyanjye. Murakoze

serumondo says:
07/31/2013 at 16:22

Komera RUCA !!! Ubaye INDASHYIKIRWA da !!!
Tengamara cyane rwose. Ariko kuvuga n’ugataruka, uziko ntarinzi yuko uzi gusubiza abanyamakuru !!! Reka narumiwe pe !! Bana n’IMANA.

dany says:
07/31/2013 at 17:42

jye ndabona aba bana babapfusha ubusa ubu se koko introduction yarakozwe ?????? baraviringita kweli ?????? i remember byari byiza kubwacu

comment. says:
07/31/2013 at 19:56

Genda RUCAGU wambara neza!!! Ariko uzatubwire aho ugulira. Nah’ubundi mu BUTORE uri INDASHYIKIRWA. Komera cane.

Urukwavu says:
07/31/2013 at 20:00

Uyu ministre w’urubyiruko nanjye aranshimishije cyane.

Soulman says:
07/31/2013 at 21:25

brainwashing and propaganda

IFUKU says:
07/31/2013 at 23:55

Ariko RUKWAVU wasetsa!! Reka nkwihorere njye nsigaranye macye cyane mukanwa.
Ubuse ifoto niyo wakunze cyangwa n’indirimbo abyina. Ariko nanjye nemera ko uyu mugabo yambara neza cyane kandi akaba umuhanga.
Imana imurinde.

IKORANABUHANGA says:
08/01/2013 at 00:05

Maze iminsi njya kuri iyi website “UM– USEKE”, ariko nasanze ikoze neza rwose. Ntabwo ari nka “IGIHE” inyonyomba. Yenda muzarebe neza niba scripts zanyu zikora neza, naho ibindi ni byiza cyane rwose. MUKOMERE CYANE.

lulu says:
08/01/2013 at 13:43

umva ntimukavange ibintu kujya muri ziriya ngando nubushake bwaburiwese ubwo abo bavugako ari indobanure ndabananiye ndanabanenze murakoze

Comments are closed.

Share this:

0 Comment