Isabukuru y’imyaka 6 ya COGA Style, Rafiki mu myiteguro

Umuhanzi uri mu bambere batangije injyana ya Coga Style Rafiki Mazimpaka yatangarije UM– USEKE.COM ko ari gutegura isabuku y’imyaka 6 y’iyi njyana igikunzwe nubu, izabera ku gicumbi cyayo i Musanze.

Rafiki avuga ko biteganyijwe ko iyi sabukuru izabera kuri Stade ya Musanze tariki 6/11 uyu mwaka.

Mu bahanzi yatangaje ko bazaza kumufasha harimo Jay Polly na Miss Jojo ndetse n’abandi. Iyi concert ikazaba ari Live, ni ubwambere bizaba bibereye kuri stade ya Musanze.

Rafiki ubu ari gukora zimwe muri amashusho (video) z’indirimbo zo kuri Album ye yambere, abazaba bahari bakazabasha kwigurira iyi Album, izaba ifite n’amashusho y’indirimbo ziriho.

Rafiki yisanga cyane mu karere ka Musanze, aha benshi bemeza ko ahafite abafana batagira ingano. Byagaragaye cyane mu gihe cya Primus Guma Guma Superstar igihe yari igeze i Musanze.

Plaisir Muzogeye
UM– USEKE.COM