Inter Milan yabonye umutoza mushya

Claudio Ranieri wigeze gutoza Chelsa na AS Roma niwe wagizwe umutoza mushya wa Inter Milan nyuma yo kwirukanwa kwa Gian Piero Gasperini wirukanwe kuwa gatatu mu gitondo.

Ku masezerano azamugeza mu 2013, yashinzwe kongera kugarurira ikizere abafana ba Inter nyuma yo gutsindwa n’amakipe makeba nka AC Milan na Trabzonspor (yabatsinze muri Champions Ligue) ndetse n’ikipe iherutse kuyitsinda ejo bundi ya Novara izamutse uyu mwaka.

Claudio Ranieri yaherukaga akazi mu kwezi kwa kabiri uyu mwaka, nibwo yirukanwe n’ikipe ya AS Roma kubera umusaruro muke.

Ranieri watoje na Juventus de Turin, aheruka gutwara igikombe mu 1996 (Italian Cup) atoza Fiorentina ndetse n’ikindi yatwaye mu 1999 atoza Valence muri Espagne mbere yo kujya muri Atletico Madrid.

Amakipe Claudio Ranieri yatoje

•             1987-1988 Campania Puteolana

•             1988-1991 Cagliari

•             1991-1993 Napoli

•             1993-1997 Fiorentina

•             1997-1999 Valencia

•             1999-2000 Atletico Madrid

•             2000-2004 Chelsea

•             2004-2005 Valencia

•             2007 Parma

•             2007-2009 Juventus

•             2009-2011 Roma

•             2011 Inter

Jean Paul Gashumba
UM– USEKE.COM