Ingabo za Ouattara zarasanye ubwazo

Ingabo zishyigikiye Alassane Ouattara zarasaniye mu mujyi wa Abidjan hagati yazo ubwazo kuri uyu munsi.

Ngo byabaye hagati y’ingabo zidasanzwe zitigaragaza (Invisible Commandos) zishyigikiye Ouattara ziri mu mujyi wa Abidjan ndetse n’izindi ngabo zisanzwe zimurwanira kubera ko bataziranye.

Uku kurasana ngo kwamaze iminota igera kuri 30 kwatewe n’uko ngo izi ngabo za Ouattara zari zifite ibirindiro mu majyaruguru ya Cote d’Ivoire zaje mu majyepfo mu mujyi wa Abidjan zikaba rero ngo zitaziranye n’abacommandos baba barinjiye mu bashyigikiye Ouattara baje nyum a.

Izi ngabo zidasanzwe (Invisible Commandos) ziyobowe n’uwitwa Ibrahim Coulibaly wahoze arinda umutekano wa Alassane Ouattara akiri ministre w’intebe, ubwo ingabo za Ouattara zinjiraga muri Abidjan ngo Abacommandos Coulibary yari ayoboye bahise biyunga kuri Ouattara.

BBC dukesha iyi nkuru ivuga ko muri Cote D’ivoire ubuzima butangiye gusubirana, amashuri n’amabanki (Banks) ngo bizatangira gukora mu cyumweru gitaha.

Umuryango w’Africa y’unze ubumwe (AU) nawe wavuzeko wasubije Cote D’ivoire ubunyamuryango ndetse ukuraho n’ibihano yari yarafatiwe mu gihe cya Laurent Gbagbo.

Uku kurasana ariko ngo kwaba kagaragaza kutumvikana no guhangana (gupingana) hagati y’ingabo zarwananye na Ouattara kuva mbere n’izinjiye nyuma zahoze ku ruhande rwa Gbagbo,  zose ubu zishyigikiye Alassana Dramane Ouattara.

Solange Umurerwa

Umuseke.com