Abagororwa 7 baguye mu mpanuka i Karongi (IVUGURUYE)
Abaturage mu butabazi begura imodoka yari itwaye abanyururu yaje gufatwa n’inkongi
Ahagana saa yine za mugitondo kuri uyu wa kane ku muhanda wa Karongi – Muhanga ugeze mu murenge wa Bwishyura mu kagari ka Kayenzi imodoka ya Toyota Coaster irimo abagenzi igonganye n’imodoka y’urwego rushinzwe abagororwa itwaye abagororwa, abagororwa barindwi nibo bahise bahasiga ubuzima abandi benshi barakomereka kuko iyi modoka y’abagororwa yahise ishya.
Iyi mpanuka yabereye ku murambi uri ahitwa kwa Biracika, izi modoka zagonganye bikomeye iy’abagororwa ihita ifatwa n’inkongi. Aabapfuye bose ni abagororwa bari mu modoka ya RCS, bapfuye ahanini bazize ubushye.
Imodoka ya Daihatsu ifite plaque GR 047C yari itwaye abagororwa 11 berekeza i Karongi kuburana yagonganye na Toyota Coaster ifite plaque RAB 699U yerekezaga i Kigali, abantu babiri muri Coaster nibo bakomeretse.
Iyi modoka ya Coaster yerekezaga i Kigali ni iya kompanyi itwara abagenzi yitwa Capital Express. Indi modoka itwara abagenzi ikaba kandi iherutse kugonga abantu babiri kuri uyu muhanda bitaba Imana aha kwa Biracika.
Muri uyu muhanda urimo amakorosi menshi n’udusozi iyo ugeze aha kwa Biracika ho hari umurambi w’ikorosi rito, iyo imodoka zihageze inyinshi ngo ziravuduka bikomeye, ari nayo ntandaro y’impanuka zikunze kuhabera.
Spt Emmanuel Hitayezu Umuvugizi wa Police mu Ntara y’Iburengerazuba yabwiye Umuseke ko iyi mpanuka yatewe n’imododoka ya Coaster yavuye mu mukono wayo.
Spt Hitayezu avuga ko abakomeretse bahise bajyanwa mu bitaro bya Kibuye, gusa nyuma gato hoherezwa indege ya gisirikare yahise izana abarembye ku bitaro bya gisirikare by’u Rwanda i Kanombe.
Uyu muvugizi wa Police yongeye kwibutsa abakoresha umuhanda kubahiriza amategeko y’umuhanda.
Sylvain NGOBOKA
UM– USEKE.RW/Karongi
English
34 Comments
Yooo Imana ibakire abaguye muriyo mpanuka kd ikomeze ifashe inkomere zibashe gukira twihanganishije imiryango ibuze babo mukomeze mudukurikirane ibyiyompanuka
Imodoka zitwara abagororwa ziriruka, nazo bazigize ndakumirwa kandi ziba zitwaye abantu nubwo baba bari mu bihano cg bategereje ubutabera. Police yite kuri icyo kintu. Murakoze
Ariko se kanakuze dativa wowe,imodoka z’abagororwa wumvise ariyo yari mu makosa??cg icyo gitekerezo ukimaranye iminsi?jyutanga igitekerezo kijyanye nibivugwa plz!!!!!!!!!!!!!!!!
rip
Nyagasani abakire mu be kandi natwe abasigaye duhore dukiranuka kuko tutazi umunsi n igihe tuzatungurirwa. R.I.P
So sad… Imana ibahe iruhuko ridashira.
Agence ya Gusenga abashoferi bagabanye nabo kwirukanka ( Umuvuduko urenze) kuko aricyo bazwiho
Oya vuga ngo abashoferi batwara abantu ntibabahe agaciroooooooo
wasanga ari Jamari wongeye gukora impanuka kdi doreko kwabiracika wazaduhitana
Amakuru yatambutse ubwo impanuka yari imaze kuba , yavuze ko abo bagororwa bari bafunze amapingu bityo ntibari kubona uko bava mumodoka . Ikindi ni uko harimo n’ aba Surveillants babarinze mugukiza amagara bishoboka ko batayemo imbunda zabo noneho umuriro uhuye n’ amasasu atangira guturika bitera ubwoba abari hafi aho. Abatabaye rero baje amasasu arekeye aho. Ababuze ababo mwihangane kandi nyabuneka mujye mwitondera uriya muhanda kubera amakorosi menshi kandi afite ubuhaname.
Umwana uri bupfe nubwo wamuha Nido ntibimubuza gupfa,,,So si ikibazo cyumuvuduko ahubwo ni umunsi wari wageze….Ababuze ababo Mwihangane…..
ntakundi bihangane
Ntakindi numuvuduko wabo bashoferi ba capital, lmana ibakire mubayo.
iyi mphanuka irababaje rwose capital bihangane kuko nibo batubotse kuva .
Birababaje pe!ikarongi namakorosi yaho rwose musabe abachouffeur bajye bitonda.capital ukuntu twayizeraga koko ibyo itangiye nibiki??gusa Imana ihe iruhuko ridashira abo banyakwigendera.
Ariko aba chauffeurs bo mu rwanda bararozwe?ibibbintu birakabije no no and no.kandi nta mu chauffeur ujya upfa ra?banza ariyo mpanvu batikosora.nibabashakire ibihano bikarishye naho ibyo kubafunga umunsi umwe ubundi bagataha wapi rwose.igihugu kidakubita imbwa cyorora imisega.rip ku bagororwa
ariko aya makuru wanditse wayabwiwe cyangwa wahigereye ? kuko iby’uvuga bihabanye cyane n’ibyabaye . wowe iyo ubona imirambo yahiye kuriya ngo bazize ubushyuhe?non non .muge mubanza musesengure inkuru mugiye kugeza kubantu .
ahubwo wowe jya ubanza urebe neza mbere yo gupinga abandi!ariya ni amapine arimo gushya ntabwo ari umuntu plzz!jya ubanza urebe neza!
Wowe Celestin jya ubanza usome ureke guhubuka unenga kandi ari imisomere yawe.Umunyamakuru yanditse UBUSHYE ntabwo ari ubushyuhe!
Bite kandi ko Impanuka zongeye kwegura umusaya, twri btumaze kugira agahenge. Abo banyarwanda Imana ibakire mubwami bwayo.
za kizimyamwoto za polisi se zirihe?
Imana ibakire mu bayo!
Wigira uwacyane ufite ubumuga bwo kudasoma neza! banditse ko bazize ubushye si ubushyuhe, mbere yo gutokora mugenzi wawe jya ubanza…
Ariko muri bano bantu bazanye ibiti kuki ntawatekereje kuzana amazi ngo amene ku modoka igihe abandi bari bari kurwana nayo? Ese nta muntu washoboraga gutanga amabwiriza yibyo bagomba gukora mbere yuko bahagera?
Ndabona iyo babona ubutabazi bwihuse bari kuba bakuweho iyi modoka itarafatwa n’inkongii y’umuriro.
Ndashimira aba baturage bazanye ibiti, ariko aba banyemodoka bari inyuma, iyo bazana imigozi bari gutabara aba bagwiriwe n’imodoka batarakongoka, cyane ko mbona imodoka yahiye abaturage bo bamaze kuhageza ibiti>
Birababaje kubona umuntu ashya ataka umubona nta kindi wakora.
Ndasaba ko Police yahabwa uburyo buhagije bwo gutabara kdi ku gihe, kuko aha hantu ni hafi yo mu mujyi rwose.
Ikindi, umuvuduko nk’uyu ubirindura abantu nugabanuke rwose.
Ababuze ababo b’abatabaye ariko bikaba iby’ubusa abantu bakabapfira mu maso nimwihangane.
Umuco wo gusangizabantu amapingu bari mukinyabiziga Police na RCS bagomba kuwucikaho ntbwo abantu babaye amatungo.
ABASHOFORI BAGOMBA KUGIRE UBUMENYI GEOGRAPHIC BUHAGIJE B’URWANDA. URWANDA RWUZUYE IMISOZI GUSA…..
nihaze hatangwa inyigisho (seminars) kubatwara imodoka namamoto
Oh.Be Patient I Karongi Twabuze Abangana Batyo? Mu Mujyi Se Ntakizimyamwoto Ihari Kuburyo Abantu Bapfira Hafi Aho Ntabutabazi? Gusa Imana Ibasuke Amazi Kururimi Maze Ibacyure Mwisukuriro.!
Njyewe ndabona amapingu yabigizemo uruhare bakabura uko birwanaho nonese ko nta murinzi waguyemo kdi barikumwe?CG bavuze wakomeretse bo bahise bitabara!
Ubundi se kuki hitwa kwa Biracika? So ntakwanga akwita nabi! niba bishoboka iryo zina rigahinduka wenda nta yandi mahano nk’aya yakongera kuhabera! Imana ihumurize abasigaye.
Iyo company ngo ni CAPITAL IKWIYE GUSIGARA IFASHA IMIRYANGO Y’ABAHITANYWE N’IMPANUKA.
Abashoferi b’ iki gihe batwarana ubwiyemezi bamwe umenya baba banyweye ibiyobyabwenge leta irasabwa kubahagurukira si non ubuzima bwacu buzashira
Yeah ugomba gusigara ibafasha rwose iyo capital.njye urupfu aba banyakwigendera bapfuye rwose rwarandenze,ndetse nabuze amahoro kubera kureba kuriya kuntu imodoka yashyaga harimo abanyarwanda.
Comments are closed.