Impamvu 10 zatuma ukwiye kugabanya kurya inyama zitukura

Ubushakashatsi buherutse gukorwa na National Cancer Institute muri werurwe 2016, bugaragaza ko ku Isi abantu barenga ½ mu myaka 10 ishize barwaye umutima na Cancer bitewe no kurya inyama zitukura. Byatangajwe na Dr Rashmi Sinha wari uyoboye iri tsinda ry’ abashakashatsi.

Bitewe n’uko amatungo asigaye akingirwa, akavuzwa, akarya ibiryo mvaruganda ndetse agahora hamwe, amaraso ntatembere bituma yuzurwa n’imbuto z’indwara nyinshi cyane.

Impamvu z’ingenzi ubushakashatsi bwagaragaje zikwiye gutuma uhagarika cyangwa ukagabanya cyane inshuro urya inyama by’umwihariko zitukura.

*Inyama nyinshi zishobora gutera gukomera kw’imitsi bitewe n’ikinyabutabire kiba mu nyama cyitwa ‘Carnitine’ maze bigateza ibibazo by’indwara z’umutima.

*Inyama zishobora gutera umubyibuho w’ikirenga bitewe n’urugimbu (ibinure byinshi).

*Uwamenyereye kurya inyama zishobora kumutera kubura appetite agahora azirarikiye.

*Inyama zidahiye neza cyangwa zidapimye, zishobora guteza ibibazo umubiri, harimo kurwara indwara ziba zifitwe n’amatungo, urugero nko mu nyama z’ingurube habamo ‘nematode’.

*Kuri bamwe bakunda kwitegereza amatungo abagwa, bishobora kubaviramo kubura impuhwe muri bo.

*Inyama nyinshi zitera kororoka kwa ‘bacteria’ ziba mu gifu bikaba byongera amahirwe yo kukirwara.

*Zituma umubiri utakaza amazi menshi mu igogora.

* Inyama zishobora kumara icyumweru mu mara, bikaba byayateza ikibazo.

*Zongera amahirwe yo kurwara diabetes (type 2 diabetes).

*Zitera cancer na zimwe mu ndwara z’ubwonko nka Alzheimer.

Guhagarika kurya inyama si icyemezo cyo guhubukira utaratoranya icyo kuzisimbura, kuko nubwo zifite ingaruka mbi ku mubiri zirimo intungamubiri nka iron, zinc, phosphorus, vitamin B12 na proteins nyinshi.

Ariko, soya n’ibiyikomokaho, ubunyobwa, ibishyimbo, amashaza, ingano, ibigori, amasaka, avoka, epinari, ibijumba na carrots ibi byose birimo intungamubiri nk’izishobora kuboneka mu nyama zitukura.

MAHIRWE Patrick
UM– USEKE.RW