Imihanda dukora si imishinwa –Lin Xiao

Lin Xiao umwe mu bakozi ba societe ya China Road and Bridge Corp y’abashinwa ikora imihanda, aratangaza ko imihanda bari kubaka i Kigali ari imihanda yo kurwego rwo hejuru bamaze kubaka muri Nepal, Bahrein na Burma gusa.

Iyi mirimo yo gusana imihanda mu mujyi wa Kigali biteganyijwe ko izarangira mu kwezi kwa 6 uyu mwaka.

Mu Rwanda hagezweho invugo ivuga ngo iki kintu ni igishinwa, bashaka gusobanura ko kidakomeye babishingiye kuma telephone agendanwa n’ibindi bikoresho bya electronics biva mu bushinwa bavuga ko bidakomeye.

Nkuko twabitangari jwe na Lin Xiao yatubwiye ko iyi mihanda bari gukora ari imihanda y’agaciro cyane kuko ngo byibura ifite imyaka 30 ya garanti (Garantie) kandi ikaba ari imihanda ibiri igerekeranye urebye (two layers of tarmac), aseka Lin Xiao mu cyongereza gike yagize ati” imihanda dukora hano i Kigali ni imihanda ikomeye cyane, irahenze. Ntiwayigereranya n’ibikoersho bindi mugura mu Bushinwa kuri make (Second hand)”

Imirimo yo kubaka iyi mihanda ikaba itanga akazi ku bakozi bagera ku 2000, bamwe muri aba bakozi baganira n’umuseke.com bavuzeko gukorana n’abashinwa bitoroshye kuko uburyo bakora butamenyerewe hano mu Rwanda.

Benimana Bernard umwe muri aba bakozi twasanze bari kubaka umuhanda wa Kimihurura ugana ahitwa ku gishushu ati « aba bagabo(abashinwa) gukorana nabo ni danger ! urakora ugataha wananiwe cyane, ikindi kandi iyo bibaye ngombwa na nijoro akazi kaarakomeza , ariko ifaranga ryo umuntu araribona »

Hagati aho imirimo yo gusana iyi mihanda yo mu mujyi wa Kigali nirangira ngo hazakurikiraho iyubakwa ry’indi mihanda mu gihugu hagati ifite uburebure bwa Km 3700, nkuko byatangajwe na Ministre y’ibikorwa remezo. Iyi mirimo yo kubaka imihanda ngo yaba izatwara akayabo ka Miliyari 1.7 z’amadorali ($1.7 Billion dollars) ikazarangira mu 2013.

Umuseke.com