Digiqole ad

Ibiro by’Umuseke byatewe n’abajura

Ibiro by’Umuseke byatewe n’abajura

Bishe urugi nijoro biba imashini na camera byaraye mu biro

Mu ijoro ryo kuri iki cyumweru rishyira kuwa mbere tariki 04 Gicurasi, abajura bishe urugi rw’imbere rw’ibiro bikoreramo UM– USEKE IT Ltd biri mu murenge wa Kanombe, Akagali ka Kabeza mu mudugudu wa Giporoso ya mbere, binjiramo biba ibikoresho bitandukanye by’akazi.

Bishe urugi nijoro biba imashini na camera byaraye mu biro
Bishe urugi nijoro biba imashini na camera byaraye mu biro

Aba bajura batarafatwa kugeza ubu, bibye imashini eshatu za laptop (za Hewlett Packard) n’imwe ya Desktop, batwaye kandi Camera Photo ebyiri (Canon EOS T3i na Nikon D610 na lens yayo ya 55-300mm) bimwe mu bikoresho byari byaraye kuri office.

Ibi bikoresho byari biri mu byumba bibiri bitandukanyijwe n’umuryango, nawo bawufunguye binjiramo bibamo Camera imwe nshya (Nikon D610 na lens yayo 55-300mm).

Kugeza ubu iperereza ku gushakisha aba bajura rirakomeje.

Bimwe mu bikoresho byibwe nka mudasobwa zariho ‘documents’ zigaragazamo inkuru z’abanyamakuru b’Umuseke.rw ku buryo uwayigura yabibona ku buryo bworoshye.

Machine ya Desktop yibwe yatunganyirizwagaho za Cartoon, byoroshye kugaragarira uyifunguye ko ari iyibwe Umuseke.rw kubera Cartoon ziriho ukiyifungura.

Ibikoresho byibwe UM– USEKE IT Ltd birabarirwa agaciro (k’ikigereranyo) ka miliyoni eshatu z’amafaranga y’u Rwanda.

Inyubako Umuseke.rw ukoreramo isanzwe igira abayicungira umutekano.

UM– USEKE.RW

21 Comments

  • summer breeze says:
    05/04/2015 at 15:33

    Yalla website imwe itunganye mu rwanda kweri website dukunda umuseke.rw!ni agahinda pe pe.nimwihangane nziko muri bubibone kandi natwe abakunzi banyu turakomeza kubasengera.InchAllah

  • Munyarwanda says:
    05/04/2015 at 15:42

    Ubwose birashoboka yuko UM– USEKE.RW yabaho ibitse info zingana zitya itagira uburinzi buriho n’imbunda !!!!

    Byaba ari erreur ikomeye !!

    • Karera says:
      05/04/2015 at 17:14

      @Munyarwanda, umutekano urinzwe n’imbunda nyuma y’imyaka irenga 20 tuvuye mu ntambara njyewe ntabwo nywemera. none se abanyarwanda bose tuzabarindisha imbunda nkuko burigihe abantu hose habaye imihango mu ntara usanga abasilikari aribo buzuye mumyanya yicyubahiro.Ibi tubiheruka muri 73-75.Demokarasi isesuye idaheza bamwe niyo ihumutekano abantu bose ubuziraherezo..

  • Rwanyabugigira says:
    05/04/2015 at 18:19

    Ibi bintu bisa n’ibirimo akagambane.

  • MBABAZI says:
    05/04/2015 at 18:22

    muri kuranga ibyibwe? umutekano n’abajura bari hanze aha ntacyo bivuze, imbunda se hari aho zitari?

  • Ziglas says:
    05/04/2015 at 19:25

    Mwihangane, twifanije namwe muri izo ngorane!

  • Uwimana sonia says:
    05/04/2015 at 19:56

    Pole sana kbsa. Abarinda iyo bureau se bari bagiye he? bakurikiranwe nabo wasanga babigizemo uruhare. Mwihangane Police yacu irabibona tu

  • Futuring says:
    05/04/2015 at 20:40

    Ehhh ni grave, iyo camera bibye irahenze sana, mfite camera photo
    Nikon D5100 + 18-55 mm VR + macro lens, mumpaye agatubutse kabisa nayibagurishaho iracyari new nyikoresha gake cyane ngiye muri vacances.

  • kamasa says:
    05/04/2015 at 22:46

    mushake ndavuga Police abo bajura bagiye kutubuza kwisomera no gusura inyandiko zumuseke.pole sana.

  • summer breeze says:
    05/04/2015 at 23:10

    Yalla nia agahinda.mwihangane wangu turabasengera kandi amaherezo muzabibona,inchAllah

  • Gatsinzi says:
    05/05/2015 at 01:04

    Inyubako y’Umuseke isanzwe ifite abarinzi bayirindira umutekano!!Ko mutatubwiye aho bari bari?Umutekano wacu urinzwe n’imbunda gusa nawo intera impungenge!!!Njye iyo mbona ahantu hose hari abasirikari ndahahamuka!Tukavuga ngo dufite umutekano!wagirango duhora mu ntambara!ni umutekano w’iterabwoba gusa!

    • lily says:
      05/05/2015 at 07:00

      none se Gatsinzi we, umutekano wemera ni urinzwe n’iki? Wabonye igihugu uryama ugasinzira ukanagona ntabwo uzi ikiguzi cyo kugira umutekano ndabona utanazi ingorane zo kutawugira. Mfite amatsiko yo kumenya imyaka ufite.

  • Munyarwanda says:
    05/05/2015 at 02:56

    Abavuga demokarasi ko nta mbura ikwiye kurindishwa aho hantu nu kwibeshya !!!!

    Zenguruka isi uhitemo aho wemera hafite demokarasi uzasanga ibikorwa bikomeye birindishwa imbunda + imbwa + camera + (kutagerwa nu bonetse wese)
    Haba iburayi america asie hose niko bimera kuko bo bazi agaciro ko kubura umutekano !!!!

    Ikigo nk’ UM– USEKE.RW kibitse amakuru nkaya baduha buri gihe bivuze yuko ari ikigo gikomeye kuwo mutungo uwari we wese agiciye urwaho byagira ingaruka mbi !!!
    Nti bakwiye kujenjeka mu ku kirinda.

  • mutunzi blaise says:
    05/05/2015 at 05:31

    pole sana!!!!!!

  • edmond says:
    05/05/2015 at 06:03

    Munshake mbahe Automatic alarm system kuri make cyane hahandi winjira munzu ufite code waba utayifite ukavugirizwa induru idahagarara

  • umusomyi sarah says:
    05/05/2015 at 07:41

    Ndababaye kuba umuseke wibwe appareils kuko baduha amakuru ariko amafoto asobanutse.

  • Shauriyako says:
    05/05/2015 at 08:01

    Pole kabisa najye ngiye kubafasha kabashakisha

  • Endividi says:
    05/05/2015 at 09:12

    MWIHANGANE.

  • Gutabaza says:
    05/05/2015 at 09:55

    Mwaramutse, Ikibazo cy’ubujura kimaze gufata intera iteye ubwoba, abajura bamaze kubona ko nta bihano bikarishye none nitwe victims.
    Urugero Ku kimironko ,cell: Kibagabaga hamaze kwibwa ingo zirenze 6 mu kwezi kumwe.Abashinzwe irondo umuntu yibaza icyo bakora, aliko turasaba na Police y’U Rwanda ko yasubizaho ibihano bikarishye nkuko byagenze muri 2003 aho abajura baraswaga hanyuma umutekano ukagaruka naho ubundi…

  • Jean Pierre Muhire says:
    05/05/2015 at 19:51

    @marcel. Ihangane bro. icyo ugomba kuba uzakiba nubwo byagenze gutyo.
    mwihangane kdi twifatanije mukababaro.
    Twizereko igipolisi cyacu twizera kigaragaza izo nyangabirama

  • Nate says:
    05/06/2015 at 05:08

    Noneho umenya izo mashini arizo zari zarafashe website y’umuseke! Yari yaranze gukora none zagiye irafunguka!!!!

Comments are closed.

© Since 2011, Umuseke. All rights reserved

en_USEnglish
en_USEnglish