Ibaruwa ya CAF imaze kwemeza bidasubirwa ko Rayon ikomeje

Ibaruwa yo kuri uyu wa 17 Werurwe isinyweho n’umunyamabanga mukuru w’impuzamashyirahamwe y’umupira w’amaguru muri Africa (CAF) Hicham Al Amrani iravuga ko amakipe ya Rayon Sports na El Masry yo mu Misiri zikomeje mu marushanwa Nyafrica kuko zagombaga gukina n’amakipe yo muri Mali.

Iyi baruwa iravuga ko CAF yamenyeshejwe na FIFA ko yahagaritse ibikorwa by’umupira w’amaguru muri Mali bityo n’amakipe yaho atemerewe gukina amarushanwa mpuzamahanga.

Iyi baruwa niyo ikipe ya Once Createurs yari iri i Kigali yari itegereje ngo ibone gusubira iwayo yemeye neza ibyabaye ku mupira w’amaguru w’iwabo.

CAF yamenyesheje ko amakipe ya Rayon Sports (yari gukina na Once Createurs) na El Masry (yari gukina na Djoliba FC yo muri Mali) akomeje mu kiciro gikurikiraho cy’amarushanwa nyafrica bakinaga.

Roben NGABO
UM– USEKE.RW