i Brazaville Miss Rwanda yarushije abandi aba Miss FESPAM

Mutesi Aurore kuri uyu wa 17 Nyakanga niwe wegukanye ikambwa rya Miss FESPAM mu iserukiramuco rya Muzika riri kubera i Brazaville muri Congo.

Mutesi usanzwe ari Miss Rwanda yahize abandi bakobwa bari baserukiye ibihugu byo muri Africa yo hagati n’amajyepfo bahataniraga iri kamba.

Iri serukiramuco rya muzika ririmo abahanzi bakomeye nka P. Square, Brick&lace, Fally Ipupa, Werrason, Yvonne Chaka Chaka, JB Mpiana, Nahawa Doumbia n’abandi niryo ryanatowemo Miss FESPAM.

Amakuru Intore Masamba wajyanye na Miss Rwanda yatangarije Inyarwanda.com aravuga ko abanyarwanda baba i Brazaville bitabiriye iri rushanwa bari mu byishimo byinshi byo kuba Mutesi Aurore yari amaze guhiga abandi.

Mutesi Aurore abaye ambasaderi w’iserukiramuco mpuzamahanga rya FESPAM(Festival Panafricain de la Musique) mu gihe cy’imyaka ibiri.

Joel RUTAGANDA
UM– USEKE.RW