Hermans Muvunyi agiye gusiganwa muri shampionat y’isi muri Qatar
Hermans Muvunyi ubu uri mu bakinnyi bahesha ishema igihugu cye
Tariki 21 kugeza 31 Ukwakira 2015 i Doha muri Qatar hagiye gutangira shampiyona y’isi yo gusiganwa ku maguru “IPC Athletics World Championships 2015”. Hermans Muvunyi na Jean Claude Ndacyayisenga bazahagararira u Rwanda.
Hermans Muvunyi amaze kuba umuntu uzwi cyane mu mikino mu Rwanda kuko mu kwezi gushize yongeye kwegukana umudari wa zahabu mu gusiganwa 400m mu mukino ya All Africa Games muri Congo Brazzaville mu kiciro cy’abafite ubumuga.
Mu 2013 i Lyon mu Bufaransa nibwo Hermans aheruka kwitabira imikino y’isi nk’iyi, iki gihe yahegukanye umudari wa zahabu ari nabwo yatangiye kurushaho kumenyakana.
Muvunyi, umusore wo ku Kamonyi w’imyaka 27 aziruka 400m na 1500m aha i Doha naho mugenzi we J.Claude Ndayisenga asiganwa muri 400m gusa.
UM– USEKE.RW
English