Guverineri w’Intara y’Amajyepfo ni umufana wa Arsenal

Nyuma y’inama y’umutekano w’intara y’amajyepfo, kuri uyu wa Kane ku mugoroba kuri Sitade ya Kaminuza nkuru y’u Rwanda habereye umukino wahuzaga ikipe yatoranyijwe mu bakozi b’intara n’abayobozi b’imirenge igize intara n’uturere mu ntara y’amajyepho.

Uyu mukino usanzwe uba buri nyuma y’inama y’umutekano wari wiatabiriwe na Guverineri w’Intara y’Amajyepfo Munyantwali Alphonse na Afande Mubaraka Muganga ukuriye ingabo zikorera mu ntara y’amajyepho.

Nyuma y’uyu mukino warangiye ikipe ya Guverineri na Gen. Mubaraka itsinze iy’abakuriye imirenge yo mu majyepfo 5-4, umuseke.com wagerageje kuganira n’aba bakinnyi b’imena bakiniraga Intara batubwira byinshi ku birebana n’uriya mukino n’imikino mu Rwanda no hanze muri rusange.

Guveriniri Munyantwali Alphonse yatubwiyeko imikino ihuza abantu bagasabana ari na rwo rwego bakinaga.Yatubwiyeko mu Rwanda afana amakipe yo mu Ntara y’amajyepfo Mukura, Amagaju na Nyanza.

Guverineri Munyantwali Alphonse yagize ati : « Dasazanye ibitego.Siporo ni nziza ku buzima bw’umuntu tugomba gukangurira abo tuyobora ku yikunda. Intara nta mafaranga yihariye igenera guha amakipe ayirimo, ariko tuzayaba inyuma dushishikarize abo tuyobora kuyafasha. »

Guverineri kandi ngo uretse no mu Rwanda, ajya atera akajisho ku mikino ya shampiyona y’Ubwongereza English Premier Ligue akaba afana Arsenal (the Gunners).

Naho afande Mubalaka ngo akunda imikino mu Rwanda cyane, hanze nta kipe afana yo.

« Ndi Perezida wa mbere wungirije w’APR FC, ubwo ninayo mfana ariko n’amakipe y’aho nshungira umutekano ndayafana. Hanze ntakipe ngira nkunda ndi Umunyarwanda cyane ! »

Uyu mukino ukaba wabayemo agashya aho umusifuzi yemeje igitego cya Guverineri kitageze mu izamu, akaba yasifuye ko umzamu yahindukiye n’ubwo umupira utarenze umurongo w’izamu agahita yemeza igitego.

Uyu mukino Uwabaye nyuma y’inama y’umutekano y’intara y’amajyepfo, aho muri iyi nama aba bayobozi bari bamaze gufata ingamba zo gukaza umutekano muri iyi Ntara cyane ko hamaze iminsi havugwa ubwicanyi cyane cyane mu karere ka Gisagara.

Muri uyu mukino Guverineri Munyantwari na Gen. Mubaraka bakaba beretse abafana ko bigeze kuba abahanga dore ko bose batsinze ibitego muri 5-4 batsinze aba gitifu b’imirenge.

Photos Ange Eric

Ange Eric HATANGIMANA
Umuseke.com