Digiqole ad

Papa mushya utowe yiswe FRANCIS

Aho bari biherereye muri shapeli abakaridinali 115 bamaze gutora Papa mushya, uwo ni Cardinal Jorge Bergoglio wafashe izina rya Francis, watowe ku mogoroba wo kuri uyu wa 13 Werurwe, biranzwe n’umwotsi bita ko wera uherekezwa n’inzogera ziranga mu rusisiro rw’umujyi muto wa Vaticani i Roma mu Ubutaliyani.

Cardinal Jorge Mario Bergoglio niwe Papa mushya uzamenyekana cyane nka Francis I aha yavugaga ijambo rya mbere
Cardinal Jorge Mario Bergoglio niwe Papa mushya uzamenyekana cyane nka Francis aha yavugaga ijambo rya mbere

Cardinal Jean Louis Tauran niwe wasohotse imbere y’imbaga ku rubuga rwa Mutagatifu Petero i Vatican atangaza ko Papa watowe yitwa Francis .

Ijambo rya mbere avuga Cardinal Jean Louis Tauran yagize ati “ Habemus Papam” mu kilatini bivuga ngo “ Dufite Papa”.

Papa yigiye imbere, avuga ijambo rya mbere nka Papa mushya mu kiratini ati “Urbi et orbi,” (ku bari mu mujyi no ku Isi). Andi magambo yayavuze mu gitaliyani avuga ameze nk’uvuga igisipanyoli (ururimi rwe)

Ati ” Murakoze kunyakira.

Ndabanza gusabira umuyobozi wacu Emeritus B16, ko Imana imuha umugisha.

Ndabasaba ikintu kimwe, mbere y’uko umushumba aha umugisha abantu, ndabasaba ko mubanza mukamuha umugisha.”

Amaze kuvuga atyo habayeho gucece no gusenga by’akanya gato.

Umwotsi wacumbutse hejuru ya shapeli barimo
Umwotsi wacumbutse hejuru ya shapeli Sistine batoreragamo

Maze arakomeza ati “ Murakoze ku bw’ikaze mumpaye. Tuzabonane ejo mu misa. Ijoro ryiza muruhuke neza.”

Imbaga y’Abataliyani n’abandi baturutse mu bihugu by’uburayi bari buzuye ku kibuga cya Mutagatifu Petero i Vatican bategereje ko abari mu mwiherero babereka Papa mushya no kumuha ikaze.

Papa mushya ni uwa 266 mu mateka y’imyaka 2000 ya Kiliziya, atowe nyuma y’iminsi ibiri abacardinali biherereye batora. Uwatowe yagombaga kugeza nibura ku majwi 77 kuri 115 y’abari bateraniye mu mwiherero.

Abayoboke ba Kiliziya gatorika basaga miliyari imwe irenga bari bategerezanyije amatsiko inkuru ya Papa mushya wa Kiliziya Gatolika.

Imbaga y'abantu ku rubuga rwa St Pierre ruhobora kwakira abantu 100 000 mu byishimo bya Papa mushya
Imbaga y’abantu ku rubuga rwa St Pierre ruhobora kwakira abantu 100 000 mu byishimo bya Papa mushya

Francis akomeye ku mahame ya cyera

Jorge Mario Bergoglio w’imyaka 76, yari Archbishop i Buenos Aires, ari naho yavukiye, kuva mu 1998, yagizwe cardinali na Papa Jean Paul II mu 2001.

Uyu musaza yahamagariye abakilisitu yari ayoboye kwamagana ibijyanye no gukuramo inda ndetse no kwica umuntu uri mu bubabare (euthanasie).

Ntabwo yigeze yemeranya na Leta ya Argentine ubwo mu 2010 yazanaga itegeko ryo kwemerera kubana abahuje ibitsina. We ahamyako nubwo abantu baryamana bahuje ibitsina bakwiye kubahwa nk’abandi bantu ariko kwemeza ko bashyingirwa ari ukunyuranya n’umugambi w’Imana.

Ibi yabipfuye cyane na President Cristina de Kirchner wa Argentine wavuze ko Kiliziya yavuze nk’aho ari iyo mu gihe cy’imyaka ibihumbi ishize.

Uyu musaza ntakozwa ibyo gushyingirwa kw’abihaye Imana nka kimwe mu bibazo bivugwa ko azahangana nabyo mu bo azayobora barimo ababyifuza, ndetse n’ababikora rwihishwa.

Ni iinzobere muri filozofiya na tewolojiya, ariko kandi yize cyane ubutabire. Mu buzima bwe bivugwa ko aciye bugufi cyane, nta modoka ye yiharite agira ndetse ngo mujyi wa Buenos Aires iyo ntakihutirwa atega bisi kimwe n’abandi. Uyu musaza kandi ngo yanze kuba munzu y’agatangaza yari agenewe nka Archibishop wa Argentine ahitamo kwigumira mu nzu isanzwe yabagamo ari musenyeri usanzwe.

Aha umugisha abari bamutegereje/photo Gettyimages
Aha umugisha abari bamutegereje/photo Gettyimages

Wari uzi ko?

Mu 2005 Cardinal Jorge Bergoglio niwe wari waguye mu ntege Cardinal Joseph Ratzinger ubwo yatorerwaga kuba Papa akitwa Benoit XVI. National Catholic Reporter ikinyamakuru gicukumbura kuri Kiliziya Gatolika kivuga ko ku nshuro ya gatatu Cardinal Bergoglio yagize amajwi 40 akaza ku mwanya wa kabiri inyuma ya Ratzinger.

Ibyishimo ku bakilisitu bari bakoranye
Ibyishimo ku bakilisitu bari bakoranye
Ku rubuga rwa Mutagatifu Petero bari bategereje inkuru iva mu kadirishya kari hirya
Ku rubuga rwa Mutagatifu Petero bari bategereje inkuru iva mu kadirishya gatukura

Agashya!

Dennis Rpdman wamenyakanye cyane muri NBA basketball yo muri Amerika, yafotowe kare i Roma ngo yaje i Vatican gushyigikira ko hatorwa Papa w'umwirabura/photo AP
Dennis Rpdman wamenyakanye cyane muri NBA basketball yo muri Amerika, yafotowe kare i Roma ngo yaje i Vatican gushyigikira ko hatorwa Papa w’umwirabura/photo AP

TURATSINZE Jean Paul
UM– USEKE.COM

0 Comment

  • Just says:
    03/13/2013 at 20:50

    Nuntio vobis gaudium magnum, HABEMUS PAPAM!
    Os anuncio a vosotros una gran motivo de alegría, TENEMOS PAPA!

  • Wenger says:
    03/13/2013 at 20:56

    Uyu ni uwa kabiri utowe Arsenal nta gikombe iduha! Ibaze pe

    • SYLVAIN says:
      03/13/2013 at 22:55

      NTUKAVANGE AMASAKA N’AMASAKARAMENTU WANGU ! TURAVUGA IBYA PAPA NAWE UTI ARSENAL UBWO SE URUMVA BIHURIYE HE KOKO??

  • Fanny says:
    03/13/2013 at 21:10

    Tunezerewe Papa mushya!

  • HARELIMANA says:
    03/13/2013 at 21:12

    Immana yakoze ibikomeye natwe turayishimye.

    AMENNNNNNNNNNNNNNNNNNNNNNNNNNNNNN

  • issa says:
    03/13/2013 at 21:12

    umupapa mushya uyu munsi arava muri amerca du sud

  • RUGABISHABIRENGE says:
    03/13/2013 at 21:19

    BRAVO PAPA MUSHYA, NGWINO ABAKRISTU TUGUHANZE AMASO KANDI TWIZEYE KO UZARAGIRAN UBUSHISHOZI INTAMA ZAWE URAGIJWE MU GIHE USIGAJE MU BUZIMA BWAWE NURAMUKA UTEGUYE NK’UWO USIMBUYE.

  • Gatete says:
    03/13/2013 at 21:36

    Papa wacu watowe turamushyigikiye akomereze aho benedigito yagereje kandi imana imifashe mubyo agiye gukora amen

  • Omar says:
    03/13/2013 at 21:37

    Nuwa 10 azaza arsenal ntagikombe ibonye.

  • Mpundu says:
    03/13/2013 at 21:39

    Vraiment merci. Kuri iyi nkuru musobanuye irimo guhita en directe kuri chaine zo hanze.

  • Kalim says:
    03/13/2013 at 21:40

    Bem vindo papa Francis 1 que Deus ti ajudar no teu novo pesado responsabilidade.

  • sylvain says:
    03/13/2013 at 21:41

    Ni François Ier

    • Paluku says:
      03/14/2013 at 00:49

      Ngirango nta tandukanirizo riri hagati ya François, Francisco cg Francis sinzi impamvu ukosora?!

  • Yves says:
    03/13/2013 at 21:46

    We’a very happy all dear guys!Yes.PAPA mushya!!….byiza kdi Urukundo rw’Imana mwifuriza.blsd all catholic christians.

  • Inzobere says:
    03/13/2013 at 22:08

    Kaze neza mubyeyi mwiza “Papa Francis1″wowe muhamya w’Inkuru nziza “Ambasaderi w’isi n’Ijuru”.Ndasaba Imana ngo papa azatere ikirenge mu cya Yohani Paul2 azasure u Rda.Iyo ndirimbo nanditse hejuru niyo namuririmbiye (Yohani P.2)i Nyandungu le1.9.1990.Akazi keza no kuyoborwa na Roho w’Imana Nyirubutungane.

    • RF says:
      03/14/2013 at 08:53

      Ese burya ni iyawe? burya uri umuhanga… uzatugezeho n’izindi zihimbitse nk iyo, nubwo ntakiyumva… ubanza nayo yararangiranye n’ibihe byayo!

  • Irankunda Jerome says:
    03/13/2013 at 22:11

    Muri aba 1 nimwe mwayitangaje mbere,Dufite Papa !

  • kati says:
    03/13/2013 at 22:11

    Imana irigaragaje,umushumba arabonetse, turasaba Imana izamuhe ubwenge n’imbaraga zo kuyobora, ibitndukanye n’amahame ya kimuntu azabirwanye

    • Intumwa says:
      03/14/2013 at 15:42

      Kabisa. Mumusengere cyane ariko munasome revelation 17 kandi Roho Mutagatifu adufashe kuyumva. Turebe aho tugana da

  • evariste says:
    03/13/2013 at 22:20

    Yezu akuzwe bavandimwe ubu twese turishimye uyu mupapa ntazatatira igihango yagiranye n,uhoraho ni,uko maracy yabihanuye uyu n,uwo nyagasani atwihereye,murakoze nyagasani akomeze kubarinda mwese, kdi paska nziza!

  • pierre says:
    03/13/2013 at 22:22

    glory be to God. IMANA IHABWE IKUZO AMNE AMEN AMEN !!!!!

  • Kiki says:
    03/13/2013 at 23:05

    Merci seigneur kubyo ukoreye Kiliziya.Papa wacu Imana imuhe Roho Mtg agire imbaraga zo kuragira intama ashinzwe. amen

    • Alphonse Mahirwe says:
      03/13/2013 at 23:48

      Shimirwa Nyagasani kubera ibyo udukoreye.Uyu mubyeyi uduhaye umuhe imbaraga zawe ayobore ubushyo bwawe mu rwuri rutoshye!!!

  • Mario says:
    03/13/2013 at 23:23

    Imana Uhoraho ashimwe .yezu yavuze ko petero yagombaga kuba urutare rwubakwaho kiliziya kandi niko biri kugeza ubu.twari tugutegerje .amen

  • ingeri says:
    03/14/2013 at 06:09

    Twishimiye Papa wacu Francois 1er

  • Karaha says:
    03/14/2013 at 07:19

    Ubanza ari nawe Papa wa mbere utowe Kiliziya iri mu gisibo cya Paska, akaba atowe mu cyumweru cya kane cy’igisibo kyerekeza kuri Paska. Aje mu gihe kw’isi havugwa igabanuka ry’ubukungu no mu gihe havugwa intege nke mu bakristu no mu bihayimana muri rusange. Imana imwohereje nka Musa rero, ntimuzatangazwe nuko tugiye gusubira kuri Manu abantu ntibazongere kwicwa n’inzara. Ni igitangaza kandi kuko noneho Imana yerekeje amaso muri Amerika ubwo cya cyuka kibi cya Illuminati kigiye kubona urumuri gicubire ubutazongera kubura umutwe. Haragasingizwa Yezu!!!!

  • Joseph says:
    03/14/2013 at 07:20

    Uravanze Papa n’Arsenal ntanaho bihuriye gusa Imana iguhe umugisha usobanukirwe ibyayo.

  • kanyomozi says:
    03/14/2013 at 07:39

    IMANA YIHESHEJE IKUZO RYAYO AMEN. TUKURAGIJE NYAGASANI AZAKUGENDE IRUHANDE ISI ITAZAKWANDUZA. DUSABYE NYAGASANI GUHINDURA IMITIMA Y’ABASHAKA GUHINDURA IBYO IMANA YATEGETSE.EREGA IMIGAMBI Y’IMANA NTAKIBASHA KUYIHINDURA. AMEN.PAPA FRANCIS I KOMERA TUKURI INYUMA

  • josee says:
    03/14/2013 at 07:41

    Singizwa Nyagasani Yezu.Habwa Ikuzo!Bakirisitu mwese mureke dukomeze dusenge,maze amasengesho azamufashe gukora ugushaka kw’Imana.Nyagasani azamuhe ubushishozi bwo Kuyobora Kiliziya muri ibi bihe bitoroshye Umwanzi Sekibi ahorta ayihigira ngo isenyuke.ARIKO Bavandimwe ndabibutsa ko Kiliziya yubakiye ku Rutare ububasha bw’i kuzimu ntibuzayishobora.B.K.Mariya Mubyeyi wa Kiliziya.Udusabire.

  • Kibwa says:
    03/14/2013 at 08:03

    Aba PAPA b’abazungu gusa? nawe ndabona ngo yaba ariumutaliana wavukiye amerike latine. Abirabura tuzagerwaho ryari? ivangura.com

  • The Islamist says:
    03/14/2013 at 08:04

    I just hope this guy doesn’t kiss up to Israel like the lastPope did, that’s why Israel loved that guy. I’ll take a wait and see attitude on this guy, I’m hopefulhe’ll be fair and stick up for the rights of the disenfranchised like a good Catholic always should. Being he’s from Argentina I have hopes he may.

    • Kibwa says:
      03/14/2013 at 08:29

      Nta muyobozi ukomeye nka Papa wakwihenura kubwoko bw’Imana ngo azarame.

  • Imam says:
    03/14/2013 at 08:05

    We all know that this man was chosen by the super masters CIA mossad the Italian Mafioso family. He is just a figure head to keep 1.2 billions away from reality and to be more brainwashed. Pope benedict accuse Islam 8 years ago and God pinushed him, he left the job becus he was guilty of himself. No one abuse a prophet of God and live happy ever after. May God forgive us.

  • Umugorozi says:
    03/14/2013 at 08:06

    Another feeble and elderly Pope to lead an outdated, out of touch, and greatly troubled Roman Catholic Church.

  • Padiri says:
    03/14/2013 at 08:07

    Bravo kuri kiliziya Gatulika, nizere ko uyu mu padiri azaha Padiri wa Paroisse ya Karambi mu Ruhango uburenganzira bwo kurongora, kuko yabikoraga mu ibanga!! Ndebera namwe : kuri kigalitoday.com; http://kigalitoday.com/spip.php?article9046, ihere ijisho ku museke.com; http://umuseke.com/gitwe-arashinja-padiri-kumutera-inda-ntagire-icyo-amufasha/ ibi bintu birakaze rwose, Papa afite ihurizo rikomeye cyane, rwo kwemerera abihayimana kurongora, uhereye kuri Padiri w’i Karambi mu Ruhango!!!

  • Kimonyo says:
    03/14/2013 at 08:08

    Ndahamya ko haramutse hatowe umwirabura byagorana kubazungu kuguma muri kiliziya ntagatifu. Ariko abirabura bo turi abana beza, uwatuyobora wese twakurikira.

    • suzy says:
      03/15/2013 at 11:29

      ko bitagoye abanyamerika kuguma muri USA se?

  • African Pope????? says:
    03/14/2013 at 08:11

    Regardless of race or color you can not get into such position without supporting the Zionist Agenda. Do you see the Black President OBAMA of USA? Anglo European Templar Zionist’s Converted to Judaism as a Screen to Claim Jerusalem to Bring Dajjal, Do they have anything to do with the land? Just because they Converted to a religion gives them right? Pope Should be native to the land and a Devout Christian. Were any of our prophets Black or African? Have Africans EVER contributed ANYTHING, similar to their Anglo Parasite Counterparts? Africa has always served as free wealth for Zionist Europe. They are useless sellouts and ignorant traitors like Turks. Egypt’s Ruling Class were of Persian Heritage yet many Jews and Blacks Lived there. World has always been ruled by Persia, Egypt, Greece, Rome, Arab, and later India, China, Spain, Russia etc. We are one and the World is ours to be ruled justly. Africa, America or Europe has no business in World Affairs or trying to mix with us.

  • humure says:
    03/14/2013 at 08:21

    Imana ihabwe icyubahiro. Uko yigaragaje mu matora ikaGARAGAZA UWO YASIZE, Iramuhundagazeho roho waho amuhe kuyoborana ubwenge n’ubushishozi, Atsimbure ikibi mu mitima y’abamenewe amaraso na nyiringoma. Papa wacu tukuri inyuma tuzahora tugusengera.Amina Alleluia

  • pupe wangu says:
    03/14/2013 at 08:30

    uriya mugabo wakinaga baskeball murebe kumunwa we no kumazuru no kuntoki ze maze munsobanurire ibye rwose murabona ari muwuhe muryango ra.????????????????!!!!!!!!!!!!!!

    • niyitegeka says:
      03/14/2013 at 09:35

      illuminate this meas an other thing even pope

      • NDABIRAMBIWE says:
        03/14/2013 at 10:23

        Bitangire facts

  • oliver says:
    03/14/2013 at 08:31

    Nkuragije umubyeyi Mama Maria,kandi roho mutagatifu agufashe kuyobora intama uragijwe nyagasani abigufashemo.

  • doudou says:
    03/14/2013 at 08:41

    NDAMUKUNZE cyane kuko afite amateka meza nabandi bamwigireho kwicisha bugufi kiliziya erega yubatse kurutare kdi uretse abantu nububasha bwikuzimu ntibuzayisenya
    YEZU NIMUZIMA

  • ONDE DELPHIN says:
    03/14/2013 at 08:47

    HABEMUS PAPAM!!! WELLCOME FRANCIS I TURAGUSHIGIKIYE

    • johnson says:
      03/14/2013 at 14:55

      NYAGASANI AHABWE ICYUBAHIRO

  • Bwiza says:
    03/14/2013 at 08:54

    Biramubereye kuba papa .

  • Ndikubwimana Jean Pierre says:
    03/14/2013 at 08:57

    I praise you my Lord:MY prayer to Pope Mana Data ushobora byose ngushimiye ko wahigitse amarangamutima y’abantu ukaduha Papa ubikwiye ndagusabye ngo umuhe Roho wawe ahigike amarangamutima ye bwite maze amukoreshe yiyoborere Kiriziya ye Amen.

  • Claire says:
    03/14/2013 at 08:58

    Turakwishimiye PAPA Francis twe intama Nyagasani akuragije tugusabiye kandi kuyoborwa na Nyagasani iminsi yose. IMANA IHABWE ICYUBAHIRO YO MUGENGA WA TWESE AMEN AMEN AMEN

  • Kanyarwanda says:
    03/14/2013 at 09:21

    Urakoze YEZU werekanye ko udatererana KILIZIYA yawe koko uracyari umutwe wayo.uduhaye umushumba twari dutegereje.

  • JUMAPONGO says:
    03/14/2013 at 10:05

    UYU MU PAPA KANDI NGO NI UMUJESUIT
    ASHOBORA KUBA ARI BIEN ORDONNE KUKO CONGREGATION Y’ABA JESUIT IZWIHO KUGIRA GAHUNDA ITAJEGAJEGA ……

    • fidele says:
      03/14/2013 at 10:41

      ahubwo ngo abo baba ari nabo batangije eliminat
      gusa mpamya ko ari impimbano twizeye ko kiliziya yubatswe n’IMANA kdi ko igihe nikigera ngo iyihirike izatwimurira ahandi.abumva ko kiliziya yaba igiye kuvaho barababeshya ntimubatege n’amatwi.MURAKOZE

  • Drogba says:
    03/14/2013 at 10:09

    Uyu niwe papa uzaheruka kiliziya gaturika kwisi. Mu byitege.

    • turikumwe emmanuel says:
      03/14/2013 at 11:10

      hey guy what do yu mean ngewe ndibaza niba azaba serious if not, catholic church will face a chaos!

    • moris says:
      03/14/2013 at 11:15

      Drogba we uribeshye cyane !Kiliziya ni 1 itunganye Gatolika kandi ikomoka ku ntumwa .

    • Oswald says:
      03/15/2013 at 13:44

      Drogba, ibyo wabikuyehe? Uzabanze usobanuze uburyo Kiliziya yabayeho, na nyirayo.

    • Oswald says:
      03/15/2013 at 13:48

      Ajya hehe

    • Oswald says:
      03/15/2013 at 13:53

      Issa, Ajya hehe? Uravuga nk’aho bitaraba, kandi nkurikije isaha wandikiyeho, yari yamaze gutorwa.

  • fina says:
    03/14/2013 at 10:13

    IMANA NISINGINZWE, NIHABWE IKUZO KUKO YADUHAYE PAPA,REKA PAPA WACU MUSABIRE KU IMANA KUZAYOBORWA NA ROHO WE, KANDI UMUBYEYI BIKIRAMARIYA AZAKORE AMUFATIYE IRYIBURYO KUKO AGIYE GUHANGANA NIBIBAZO BIKOMEYE.

  • bite says:
    03/14/2013 at 10:42

    Kuki mumwita Francis? Ni Fransisiko wa mbere kuko mu Gatorika niko tuvuga naho ibyo kumwita Francis cg Francois nta shingiro bifite

  • turikumwe emmanuel says:
    03/14/2013 at 11:02

    habemus papam njye mbona uyu akomeje kugendera ku mahame ya kiliiziya byatuma kiliziya irishaho gukomera no gushimga imizi, anyway reka dutegereze ntawamenya!!!!!!!!!!

  • JUMAPONGO says:
    03/14/2013 at 11:03

    NTANGAZWA CYANE N’ABANTU NK’UWIYISE DROGBA
    UVUGA NGO NIWE PAPA WA NYUMA KU ISI….
    UBWO SE URASHAKA KUVUGA KO ISI IGIYE KURANGIRA CYANGWA KILIZIYA ISHINGIYE KU NTUMWA IGIYE KURANGIRA? IYO NDIRIMBO NGO NI PAPA WA NYUMA NDUMVA ARI KARAHANYUZE NAYIGERERANYA NA BABANDI BAHORA BAVUGA NGO ISI IZARANGIRA IGIHE IKI N’IKI.
    INAMA NAKUGIRA REBA INZIRA WIYEMEJE UREKE GUTESHA ABANTU UMWANYA MURI ZA SPECULATIONS ZIDAFITE ICYO ZUNGURA ABANTU !!

  • JABIL says:
    03/14/2013 at 11:06

    KOMEZA INZIRA WATANGIYE, WICIKA INTEGE, WAHISEMO NEZA, NYAGASANI MURI KUMWE

  • Habimana Pierre Damien says:
    03/14/2013 at 11:13

    Shimirwa Nyagasani, dushimire Imana yaduhaye umupapa twari dukeneye. Nasomye amatwara ye n’ibitekerezo bye nsanga ayoborwa na Roho mutagatifu.Papa wacu Franscis komeza ushimangire ibyo bitekerezo byawe tukuri inyuma. Amen

  • ndahayo e jimmy says:
    03/14/2013 at 11:50

    hahahaaa! mbega ubuhanuzi bupfubye! umwirabura arihe kdi ukiri muto? ni mureke dukore ibyiza kuko ntawuzi isaha ni gihe. naho ibyabadushuka tubirengagize pe! MURAKOZE.

  • jbmv says:
    03/14/2013 at 12:04

    IMANA ISHIMWE CYANE KUKO ARIYO IGENA BYOSE KANDI IKABA RUGIRA BBYOSE.

  • theogene africa says:
    03/14/2013 at 12:37

    kiliziya gatulika yubatse ku rutare!! rutameneka abazana ibya anti christ babisubizeyo kuko ni abatemera bashaka no kuyobya abakristu banitwaje ko basangiye ukwemera !!

  • siwezi says:
    03/14/2013 at 12:40

    Imana ishimwe cyane.Kiriziya ibonye uwo yari itegereje kandi utajegajega.Roho mutagatifu akomeze amuyobore kandi amufashe guhangana n’abashaka gukora ibinyuranyije n’amahame ya Kiliziya,abashyire ku murongo.

  • byiringiro fidele says:
    03/14/2013 at 13:15

    twishimiye umushumbamusha wa kiliziya gatulika,francis I,tumwifuriza kugeraikirenge muca ba petero nabandibosebamubanjirije

  • Inzobere says:
    03/14/2013 at 14:13

    “Add majorem Dei gloriam”Amen!!ariko uno mu Papa ndabona ari Sympathique!Azasure rda ndamutumiye

    • gaga says:
      03/14/2013 at 17:18

      oya nta papa dushaka ko asura u rwanda, ntawushaka indi ntambara, uzi ko wa mupapa wambere waje murwanda yahise azana nintambara. ni za Illuminati ziba zigendera ngo ni abapapa, ntakiza ke mbona. ahubwo mwitege ishyano rigiye kugwira isi.

      • Oswald says:
        03/14/2013 at 21:54

        Gaga, ujye uvuga ibyo uzi, kandi ufitiye gihamya, ujye ugira n’ubupfura ntugatukane. Ngo ni iki?

      • gumas Rene says:
        03/15/2013 at 11:05

        ndemeranya nawe sha “gaga” kuko akatarabaye kagiye kuba , gusenga ntibizorohera bamwe urumvarero nawe niba aribyobita ibyiza ntawamenya

  • Donat says:
    03/14/2013 at 14:31

    Wow Papa wacu turamushyigikiye Imana ihabwe icyubahiro kdi imwongerere imbaraga

  • Augustin says:
    03/14/2013 at 15:28

    Imana nisingizwe mu Ijuru no munsi abantu ikunda bahorane amahoro, …..
    Twishimiye umushumba waduhaye Mana, Tuzamwubaha kandi tuzamwumvira, ..
    Naho abavuga ko ariwe wa nyuma bazategereza bahebe, Kiliziya izakomeza urugendo kugeza igihe Yezu azagarukira, kandi nta we uzi umunsi n’igihe bizabera. Njye ntangazwa n’uko abagendera mu binyoma, iyo babonye ibyo babahanuriye bitabaye bakomeza gukurikira abo bahanuzi b’ibinyoma twumva mu madini hirya no hino. Ese koko umuntu akwiye kuba mu idini rigendera ku kinyoma? Nimwigarukire tuzabakira mu muryango mugali w’abana b’Imana.

    • Gil says:
      03/14/2013 at 20:49

      Nyagasani akomeze amufashe kuyobora Kiliziya,turamwishimiye cyaneee.

  • bebe says:
    03/14/2013 at 16:10

    Dennis Rodman se we, aravangavanga ibintu, ubu se arumva ibara ariryo riyobora koko cyangwa hayobora roho mutagatifu. amaturufu y’impu, indimi, uturere amoko n’ibidi nta sura na mba.

  • bebe says:
    03/14/2013 at 16:32

    I agree with moris.catholic nimwe ikomoka kuntumwa kdi ntizigera irangira.welcome pope turagushyigikiye

  • Remmy says:
    03/14/2013 at 16:58

    Imana nisingizwe munsi no mu ijuru kuko abantu ikunda nahorana amahoro.
    Twishimiye Papa mushya kuko amatware ye bigaragara ko ariyo kiriziya ntagatifu ikeneye. Yezu ati<>.

    THANKS God!

  • RWIZIHIRWA Jean Bosco says:
    03/14/2013 at 16:58

    Imana nisingizwe kubwumushumba mushya tubonye
    tuzirikana ko Imana ariyo yamuduhaye bityo rero tumwubahe kandi dusenge ubutitsa tuzirikana ko ari nabyo Yezu adushishikariza gukora

    Kiriziya yacu ndetse nisi muri rusange byugarijwe n’ ibibazo bikomeye dufatanye numushumba wacu dusenge dusaba kugira ngo amabi abakomeye bo kwisi badutegeka atazaba bityo Nyagasani Yezu Kristu asingizwe ubu n’ iteka ryose

  • mbahe says:
    03/14/2013 at 19:08

    Yitwa FRANSISKO wa 1, ntabwo ari FRANCIS; mukosore inkuru yanyu

  • anne ishimwe says:
    03/14/2013 at 19:37

    Shimwa Nyagasani kuko uri umushumba utazimiza ubushyo ushinzwe.Ibidashobokera abana b’abantu imbere yawe byose birashoboka.Amen

  • MBARUSHIMANA says:
    03/15/2013 at 06:03

    ubundi ko numva mwakamejeje papa bivuziki? Adahari c ntitwabaho?kuba arihose bikumariyiki? Yatumase umugambi Imana idufiteho uhinduka? Ntimukizere ibigirwamana.atangumugisha se n’Imana ntumuntu numwe utanga umugisha umuntu asabira undi umugisha kumana.mujye rero mwizera nkimuvangemo kutareba kure.

    • Kanyarwanda says:
      03/15/2013 at 11:09

      Watangiye neza ubaza ni byo koko kubaza bitera kumenya ariko iyo utegereza ukabanza ugahabwa ibisubizo aho kunenga ibyo utazi nyine. PAPA ni umusimbura wa PETERO uribuka YEZU abwira PETERO ati ” Ragira intama zanjye ” izo ntama ni twebwe nawe urimo yarongeye ati ” uri urutare kandi urwo rutare nirwo nzubakaho kiliziya yanjye” none se twabuza n’iki kwishima kanditwabonye umushumba kandi utuma tudatwarwa n’imiyaga n’imivu iturutse ahabonetse hose?ahubwo nawe kameze wivuye inyuma.

    • suzy says:
      03/15/2013 at 11:16

      uretse na Paâpa njye na Papa ampa umugisha ndetse na mama. Iyo mana yawe yikubira umugisha sinyemera, uzage utanga umugisha nshuti yanjye kandi wabishobora sibyo?

      • Loyale says:
        03/19/2013 at 12:07

        Uracyari kure shenge ntibakurenganye! Umubyeyi wese aha abana be umugisha!detse na buri wese agomba gutanga umugisha ku bana b’Imana!Ariko Paapa wacu Francis yahawe noneho imbaraga n’ububasha bwa Yezu Kristu ubwe, bwo kuduha twese umugisha wa Kristu, WA KRISTU S’IL VOUS PLAIT! Ni umugisha w’imana ntabwo ari uw’abantu nkawe cg ka njye, nka So Cg nka Data! Non! Vive Jesus Christ, Vive le Paape Francis 1er!

  • Singombwa says:
    03/15/2013 at 06:26

    Urakoze mana!kudushyiriraho umu papa udashyigikiye ibyo!

  • MUSABE says:
    03/15/2013 at 12:50

    It is Ok.

  • niyonsenga valens says:
    03/15/2013 at 14:27

    papa wacu turamwishimiye tumusabiye ku Imana nawe adusabire ku Imana.IMANA IZAMUHE kuyoborana ubushishozi.jye mutuye isengesho Dawe uri mu ijuru.

  • Dukuzimana Bosco says:
    03/16/2013 at 15:59

    Imana izamufashe kuyoborana ubushishozi, abo ashinzwe!
    tumusabire cyane!

  • Jean Claude Ntawukirasongwa says:
    03/17/2013 at 11:54

    Nta muntu uba umushumba Imana itamutunze inkoni yubushumba, ubwo rero yayitunzwe na Rugira gusa ibyo yasezeranye na Rugira azabyubahirize kandi bizamuhire, nkuko ari Papa kandi azabe na papa(father) wurubyiruko arusabira kuko muri iki gihe urubyiruko rurugarijwe muri iki gihe.Nyagasani azabimufashemo!

  • Oswald says:
    03/17/2013 at 15:54

    Bakristu Bavandimwe, Kristu Yezu akuzwe! Ubu mfite ibyishimo byinshi natewe n’umushumba twahawe, nkanezezwa cyane namwe kubitekerezo mwatanze byuzuyemo ishimwe twahaye Imana yacu, ariyo mushumba mukuru wacu. N’abandi bavandimwe bagaragaye hano kurubuga, bifatanya natwe muminsi ishize dutegereje umushumba, bishimiye cg bababajwe n’ibihe twarimo. Imana itubabarire, muburyo bwose butayishimishije twaba twarakoresheje butayishimishije. Umusanzu wacu nasabaga, tuzabe ubushyo bufite imyumvire ikwiriye. Murakoze!

  • umutesi says:
    03/23/2013 at 09:01

    nawe imana iza mufashe

Comments are closed.

© Since 2011, Umuseke. All rights reserved

en_USEnglish
en_USEnglish