Gusohora vuba bishobora guhungabanya abashakanye

Ubusanzwe igikorwa cyo gusohora ni igikorwa gituruka mu bwonko kandi kikaba ntabushake umuntu abigizemo (reflex) kigenzurwa n’ umwakura (pudendal nerve) ukoresha ibice by’ imyanya ndanga gitsina (uruhago rw’inkari, amabya, imboro na rugongo ku bagore (izi nizo nyito za Kinyarwanda mubyihanganire)

Gusohora ni igikorwa cyo kurekura amasohoro aturuka mu mabya (semen) ndetse n’ uruvange rw’andi matembabuzi arekurwa n’utundi duce tugize imyanya myibarukiro y’ umugabo (accessory glands fluids) byose bigahurira mu muyoboro w’ inkari (urethra) .

• Mu gihe cyo gusohora ntibishoboka ko umugabo ashobora kunyara kubera ko uruhago ruba rwifunze kugirango inkari zitanduza amasohoro ( twibuke ko amasohoro n’ inkari byose bica mu muheha umwe (urethra) ntibishobora rero kubera rimwe keretse hari uburwayi bubyihishe inyuma .

Bumwe mu burwayi bujyanye n’ imisohorere (ejaculation disorders)

• Gusohora icyinyumanyuma ( retrograde ejaculation)
• Gusohora vuba (premature ejaculation )
• Gutinda gusohora ( delayed or retarded ejaculation )
• Kudasohora (anejaculation or failure to ejaculate )

Ibyo ushobora kwibaza ku GUSOHORA VUBA n’ibisubizo.

Muri rusange, bavuga “GUSOHORA VUBA “ iyo umuntu ( umugabo cg umusore ) asohoye atigeze abona umwanya uhagije wo gutegurwa ku byerekeranye n’ imibonano mpuzabitsina, ndetse bikanaba bimutunguye atigeze yumva ashatse imibonano bihagije (minimal sexual stimulation & desire ), bishobora kuba iby’ ibihe byose (life-long or primary ) cyangwa se byaraje nyuma ( secondary ) bitewe n’ impamvu runaka nko kubagwa , gukomereka , indwara zo mu mutwe…

Akenshi impamvu yabyo iba itazwi ariko muri rusange usanga ari uruhurirane rw’ indwara z’ ubwonko ( imitekerereze ) n’iz’ imiterere y’ umubiri w’ umuntu (psychological and physical conditions).

Iki kibazo gishobora kugira impamvu zinyuranye nko:

• Gukoresha imiti ivura depression( imwe n’ imwe )
• Kuba igitsina cy’ umugabo cyatakaje ibyumvirizo (perte de sensation sexuelle du penis) cyane cyane ku barwayi ba diabete
• Ihungabana ry’ imitekerereze (psychological disorders) nka nyuma yo gupfakara cyangwa divorce.
• Hakaba n’igihe nta mpamvu iba izwi yabiteye ( idiopathic condition).

Ikibabaje ni uko nta miti izwi ifite ubushobozi buhagije bwo kuvura iki kibazo, ariko iyo bibangamiye umurwayi cyane bashobora kumufasha bakoresheje uburyo bwo gutitiza igitsina cye bigatuma yihuta mu gusohora ari byo bita ”penile vibratory therapy”.

Impamvu zimwe na zimwe zituma umuntu arangiza vuba:

* Kujya gukora imibonano utiyizeye ko uri buze gushimisha umukunzi wawe (underestimation ),

* Kujya gukora imibonano uhangayitse (ufite depression )

* Kujya gukora imibonano ufite ibibazo by’amafaranga biguhangayikishije.

* Kuba wakoreshejwe imibonano ku gahato (sexual repression )

* Kuba utigirira ikizere mu busanzwe (wisuzugura ko nta cyo ushoboye )

* Kuba utinya uwo mugiye gukorana imibonano( mutamenyeranye )

* Kuba mukoze imibonano nyuma y’amakimbirane atakemuwe neza .

* Kuba mutabanje kuganira neza ngo mubyinjire mo mwembi

* Kuba washatse imbonano cyane kandi umwanya muremure (ugatinda kuyikora)

* Kuba utamenyereye imibonano (umubiri uba wumva ushaka ku maximiza ayo mahirwe ubonye bigatuma umugabo asohora vuba ).

* Ubushakashatsi bwagaragaje ko abagabo benshi bashakanye n’ abagore babarusha imyaka basohora vuba kurusha abashakanye n’abo bari mu kigero kimwe.

Wakora iki niba ufite ikibazo cyo kurangiza vuba :

• Gufata imiti irwanya ubwoba , uburakari no kwiheba (anxiolytic & anti-depressant medications)
• Gukora imyitozo ngorora mubiri yoroheje mbere yo gukora imibonano
•  Kwirinda kurakaranya n’umukunzi wawe mbere y’ imibonano
•  Kwigirira ikizere ko ushoboye
•  Kutagira ubwoba
• Gukorera imibonano ahantu hatanga umutuzo utikanga.

Niba ubona bikubangamiye cyangwa  bibangamiye imibanire yanyu (couple) , gana muganga agufashe .

Mu nkuru zacu zitaha tuzabagezaho ibijyanye no gutinda gusohora.

Source:ubuzima.com, Photo: Internet

Corneille K. NTIHABOSE
UM– USEKE.COM