Gusaba imbabazi Prof Antoine Bushayija Bugabo

Ku italiki ya 10 Mutarama 2017 Umuseke.rw wanditse inkuru yavugaga ko Prof Antoine Bushayija Bugabo yatanze igitekerezo avuga ko abimitse Yuhi VI Bushayija abagereranya na “cya kirondwe cyumiye ku ruhu inka yarariwe kera”.

Mu kwezi kwa gatatu uyu mwaka, Prof Bushayija Bugabo yegereye ubuyobozi bw’Umuseke agaragaza ko atigeze aganira n’umunyamakuru w’Umuseke kuri iyi ngingo, ko ibyamwitiriwe muri iriya nyandiko ari ugutandukira.

Umuseke wananiwe kugaragariza nyir’ubwite ibimenyetso bifatika (amajwi) y’ikiganiro umunyamakuru wawo yagiranye na Prof Bushayija Bugabo Antoine.

Kubw’izo mpamvu, Umuseke.rw ,mu izina ry’umunyamakuru wanditse iyi nkuru, urasaba imbabazi Prof Bushayija Bugabo kuri iyi nyandiko yamwitiriwe.

Uboneye no gusaba imbabazi abasomye iyi nkuru bose, ubizeza ko wafashe ingamba ngo ikosa nk’iri ry’umwuga ritazongera, ndetse unafatira ibihano uwarikoze.

Ubuyobozi
UM– USEKE.RW