Gicumbi nayo ishobora kwivana mu gikombe cy’Amahoro, nka Musanze na Rwamagana

Musanze FC na Rwamagana FC zikuye mu mikino y’igikombe cy’Amahoro, kubera ibibazo by’amikoro. Gicumbi FC nayo ishobora kwiyongeraho nayo kubera amikoro.

Iminsi ya nyuma y’ingengo y’imari igora cyane amakipe ashingiye ku turere.

Gicumbi FC yatewe mpaga mu mukino wa shampiyona wo ku munsi wa 29, niyo mpaga ya mbere yari ibayeho muri iyi shampionat y’uyu mwaka.

Gicumbi FC yagombaga kwakira Kiyovu Sports ku kibuga cyayo, ariko abakinnyi bafata umwanzuro wo kudakina kubera ibirarane by’imishahara n’uduhimbaza musyi bafitiwe.

Mu gihe nta gikozwe, iyi kipe ntizitabira n’umukino wa Pepiniere FC mu gikombe cy’Amahoro umukino uteganyijwe kuri iki cyumweru.

Kugeza ubu Gicumbi FC abakinnyi bayo ntibari mu myitozo, ndetse nta n’ikizere bafite ko bashobora guhembwa bagasubira mu kazi.

Musanze FC na Rwamagana FC zo zamaze kwandikira FERWAFA bayibwira ko nta mafaranga yo gutunga abakinnyi mu gikombe cy’Amahoro zifite.

Bivuze ko La Jeunesse n’Amagaju FC zamaze gukomeza muri 1/8 zidakinnye.

Imikino ya 1/16 y’igikombe cy’Amahoro iteganyijwe ku cyumweru tariki 19 Kamena 2016

Police vs Rugende (Mumena, 15h30)
Rayon Sports vs Miroplast (Kicukiro, 15h30)
Isonga vs Etoile del’est (Rwamagana Police Grounds, 13h00)
APR Fc vs United Stars (Stade de Kigali, 15h30)
SC Kiyovu vs Intare Fc (Stade Muhanga, 13h00)
Espoir vs Gasabo United (Stade Huye, 15h30)
Gicumbi vs Pepiniere (Stade Kicukiro, 13h00, ariko uyu mukino ushobora kutaba)
Etincelles vs Hope Fc (Ferwafa, 15h30)
AS Kigali vs Vision JN (Nyakinama, 15h30)
Mukura VS vs Vision Fc (Stade Muhanga, 15h30)
Sunrise Fc vs SEC Academy (Mumena, 13h00)
Bugesera Fc vs Kirehe Fc (Rwamagana Police Grounds, 15h30)
AS Muhanga vs Esperance SK (Stade de Kigali, 13h00)
Marines Fc vs Interforce Fc (Nyakinama, 13h00)
Amagaju FC vs Rwamagana City Fc (*Amagaju FC yakomeje adakinnye)
Musanze Fc vs La Jeunesse (La Jeunesse yakomeje)

Roben NGABO
UM– USEKE.RW