Gervinho yatangiye ahabwa umutuku ubwo Arsenal yanganyaga

Kuri uyu wa gatandatu nibwo English Barclays Premier Ligue saison ya 2011-2012 yatangiye.

Arsenal yari yasuye ikipe ya New Castle kuri stade ya St James’Park, ntabwo yabashije kuhakura amanota atatu kuko zanganyije 0-0, ndetse Arsenal yarangije ikina ari 10 gusa nyuma y’uko Gervinho yahawe ikarita itukura umukino ubura iminota 14 ngo urangire.

Ubwo Gervais Yao Kouassi (Gervinho) yagwaga mu rubuga rw’amahina, yibwirako ari Penalty, Joe Barton  yaje amushika umwenda amuhagurutsa, uyu nawe yahagurutse  amufata mu mashingo, bityo umusifuzi Peter Walton abona Gervinho ariwe usagariye Balton, kuko igikorwa cya mbere atakibonye, ahita amuha ikarita itukura.

Arsenal idafite Francesc Fabregas na Samir Nasri batari bashyizwe ku rutonde rwabakinira Arsenal kuri uyu wa gatandatu, yagerageje gushaka igitego ariko New Castle imbere y’abakunzi bayo bagera ku 46,894 yihagararaho, umukino urinda urangira.

Muyindi mikino yari itegerejwe Liverpool ntiyitwaye neza kuri stade yayo ya Anfield kuko yanganyje na Sunderland 1-1.

Umunsi wa mbere wa English Barclays Premier Ligue

Blackburn1-2Wolves

Fulham 0-0 Aston Villa

Liverpool 1-1 Sunderland (L. Suarez  – S. Larsson)

Newcastle 0-0 Arsenal

QPR 0-4 Bolton (  – G. Cahill, D. Gabbidon (o.g.) I. Klasnic, F. Muamba)

Wigan 1-1 Norwich

Ku cyumweru  tariki 14

Stoke C.          0-0    Chelsea

West Bromwich A.      1 – 2    Manchester U. (Long – Rooney, A.Young)

Ku wa mbere tariki 15

21:00 (Mu Rwanda)   Manchester C. ? – ?     Swansea C.

Photos Internet

Jean Paul Gashumba
UM– USEKE.COM