France: Umwana w’imyaka 11 aremera gufata ku ngufu uw’imyaka 6

Aka gahungu k’imyaka 11 kuri uyu wa kane i Versailles kitabye police ko na gashiki kako gafite imyaka 12 gashinjwa ubufatanyacyaha na musaza wako mu gufata ku ngufu umwana w’imyaka 6.

Nyina w’aba bana nawe yitabye police kubera kudatangaza iki cyaha no guhisha ibimenyetso. Aba bana na nyina bakaba bacumbikiwe mu nzu yategayijwe aho bacungiwe umutekano.

Mu gihe cyo gufata ku ngufu aka kana k’imyaka 6, mushiki w’agahungu yari yafashe aka gakobwa ngo kagume hamwe nkuko tubikesha 20sur20.fr

Iki gikorwa kibi cyabaye hagati ya tariki 19 Nzeri n’iya mbere Ukwakira, uyu mwana wafashwe ku ngufu ngo yari yaje gukina na mugenzi we w’umukobwa. Uwafashwe ku ngufu akaba ariwe wabitangaje ko uriya mukobwa yamufashe ngo musaza we abishobore.

Nyina w’umuhungu n’umukobwa wafashije musaza we gukora aya mahano, abibonye ngo yaba yaragerageje guhisha ibimenyetso, ndetse ategeka aka kana kafashwe ku ngufu kuryumaho ntihagire icyo gatangaza.

Ibizami byakorewe kwa muganga byagaragaje ko koko aka kana k’agakobwa kafashwe ku ngufu. Agahungu kemera ibi kakoze, nyina na mushiki we bo bagahakana uruhare rwabo.

Iperereza rikaba nubu ngo riri gukorwa n’urwego rushinzwe kurengera umuryango muri police ya Versailles mu Ubufaransa.

Gael Nkubito
UM– USEKE.COM