FERWAFA yatangaje ibihano yafatiye abatoza ba APR FC

Komisiyo ishinzwe imyitwarire mu Ishyirahamwe ry’umupira w’amaguru mu Rwanda yatangaje ko yasuzumye imvururu zabaye kuri stade y’i Rusizi tariki 18 Werurwe 2015 ku mukino wahuje APR FC na Espoir FC maze igasanga abatoza ba APR FC barakoreye ibyaha urwego rwa FERWAFA inatangaza ibihano ibafatiye.

Iyi Komisiyo ivuga ko yatumije impande bireba zirimo Issa Kagabo (umusifuzi wo hagati w’uwo mukino), Nzeyimana Jean Baptista (Komiseri w’uwo mukino), Mugisha Ibrahim (Umutoza w’abazamu muri APR FC), Ndahinduka Michel (Umukinyi wa APR FC), Kwizera Olivier (Umuzamu wa APR FC), Gatete George (Umuvugizi wa APR FC), na Mashami Vincent (Umutoza wungirije wa APR FC).

Iyi komisiyo yanzuye ko yasanze Ibrahim Mugisha yarakoze icyaha ku rwego rwa FERWAFA (abasifuzi) bityo ahanishijwe guhagarikwa imikino umunani n’amande y’amafaranga ibihumbi 100.

Iyi Komisiyo ivuga kandi ko Vincent Mashami umutoza wungirije wa APR FC yaragize umugambi yaragize umugambi wo gukorera icyaha abasifuzi we akaba yahagaritsweimikino ine anacibwa amande y’amafaranga ibihumbi 50.

Naho umukinnyi Michel Ndahinduka we yagizwe umwere ku byaha byo guhohotera abasifuzo no guteza imvururu kuri stade Kamarampaka.

Amafoto yagaragaye ndetse n’abari kuri uyu mukino bavuze ko abavugwa bagize imyitwarire mibi nyuma yo gutsindwa na Espoir FC igitego kimwe ku busa, bagashaka gusagarira umusifuzi Issa Kagabo bagatangirwa n’inzego z’umutekano.

UM– USEKE.RW