Ibirarane byatumye Gomes asezera muri Rayon
Kuri uyu wa 13 Mutarama Didier Gomes da Rosa watozaga ikipe ya Rayon Sports amaze gutangaza ko yeguye kuri iyo mirimo. Yabwiye Umuseke ko ubwumvikane bucye bushingiye ku birarane ikipe imugomba we n’abakinnyi aribyo bitumye asezera.
Didier Gomes yabwiye umunyamakuru w’Umuseke ko ari ukuri yeguye nyuma y’iminsi agerageza kwihanganira ubuyobozi bw’ikipe.
Mu magambo macye yagize ati: “Ni byo. Neguye ku mpamvu zanjye bwite. Birambabaje kuva muri Rayon Sports.”
Nyuma yo kuvugana bwa mbere, haciyemo amasaha macye yongeye kubasha kuvugisha Umuseke yemeza ko nta kindi gitumye asezera uretse kuba we n’abakinnyi ikipe ibafitiye ibirarane bityo bimugoye cyane gukomeza gutoza.
Ati “Ntabwo nakubwira ngo badufitiye imyenda ingana gute, ibyo ni ibirebana n’akazi, ariko ntabwo byoroshye gukomeza, yaba njye yaba n’abakinnyi biratugoye. Nahisemo kwegura.”
Uyu Mufaransa mu mwaka n’igice amaze atoza Rayon sports yayihaye igikombe cya shampionat, ndetse anayihesha umwanya wa kabiri muri shampionat iheruka.
Mu gitondo cyo kuri uyu wa mbere nyamara, Gomes yavuganaga n’umunyamakuru w’Umuseke amubwira kuri gahunda z’abakinnyi bashya, ndetse wumva ntaho ibyo kwegura biri mu mvugo ye.
Ku gicamunsi ni bwo atangaje ko asezeye.
Kugeza ubu nta muyobozi muri iyi kipe uremeza ko bashyikirijwe ubwegura bw’uyu Gomes.
Amakuru agera k’Umuseke aremeza ko uyu mufaransa yishyuwe ibirarane yari afitiwe none, ariko akegura kuko ngo atakomeza kwihanganira ikererezwa ry’ibyo ikipe imugomba we n’abakinnyi be.
Yari afite amasezerano y’imyaka itatu muri Rayon Sports.
Gomes yageze muri Rayon Sports mu kwezi kwa cumi 2012 avuye mu Bufaransa aho yatozaga amakipe yo mu kiciro cya kabiri nka US Cagnes sur Mer, AS Roquebrune Cap Martin n’izindi.
Yinjiye muri Rayon Sports asimbuye Ali Bizimungu wari umutoza mukuru w’agateganyo nyuma yo gusezera kwa Jean Marie Ntagwabira.
JD Inzaghi Nsengiyumva
ububiko.umusekehost.com
English
0 Comment
babaramanukatuuu. unva kobigejye numwanyawagatanuntawobazabona.
Bamaze uribwa he ? ko utari umufana wacu
uri slipper nturi sniper
hahahah cyokora cyo nemeye ko mumaze gukizwa aba Rayon. yaba byari kera mutarakizwa ubu muba muvuze ngo nia APR yabikoze. Muzajya mwigaragaza
Ahubwo yaratinze,uriya ni umurimo uhemberwa ntago ari ubukoranabushake
Fpr muranze murakomeje koko! Mubonye Rayon Sport yari igeze ahashimishije none muzanye ibyo gucamo ibice abimereye neza! Ariko ntacyo tuzabatsinda murihiga.
Uri inzanga gusa,FPR ihuriye he no kutamwishyura?..
Ariko nkawe koko ubwo urahuza ute FPR na Rayon, cyakora byerekana akazi gakomeye Rucagu afite kabisa, nkawe ukwiye kujyanwa mw’Itorero ukagororwa
KAZUNGU FPR UYIZANYE UTE? NKAWE UWAKUBYAYE NTIYARUHIYE UBUSA? UWAKUNYEREKA.
siyo engine y ibintu byose I Rwanda se?
JAY ndakugaye cyane kuko umututse ku mubyeyi kandi ngo “Umubyeyi acumura yicaye ku ntebe”.
Sigaho niba utarabyara, warabyawe.
abaye aribyo niyo nkuru yaba igiye kumbabaza yambere 2014 nonese wabura Fag ukabura Gomes ugakunda spor gusa ndabaye
Ngo niyo nkuru igiye kukugira gute!?!? Ubwo urahaze!!! Lol
ibi bifite icyo byerekana ikipi ikundwa n’urwanda rwose, ibura ite amafranga? ni crise nta mafranga umunyarwanda agira, uretse ayo kuramuka ariko muzanyumvire BNR ejo bundi, ubukungu bwateye imbere ku kigero cya…….mon oeil
Umukozi wese anezezwa kandi agashobozwa neza akazi ke iyo agahemberwa neza.Yakoraga pe,ariko niba ahembwa yasakuje ntibyamushimisha kandi wenda ari inyangamugayo akunda n’amahoro y’umutima we n’ineza ku bantu.Rayon dukunda rero niyikosore ijye ibanza ihembe abakozi ikurikije contrat bagiranye,nibona iyo contrat yaba iyigoye ireke kuyigirana nabo.
Abantu nka ba Mahoro bandika ibitagira umutwe n’ikibuno, BNR na FPR biza bite muri Rayon (Gasenyi)? ubukungu bwifashe nabi muri Rayon hari aho buhuriye na Budget y’Igihugu ? umutoza bananiwe guhemba hari aho ahurira na FPR ? nyamara mujya mubeshya ko Gasenyi igira abafana njyewe siko mbibona niba banahari n’abicyuka gusa ! nta bushyo bw’i…….
Birababaje pe’ ubuse Rayon ibaye iyande koko
ubu koko ibi nibiki bibera murigikundiro ubuse tuzabigire gute koko abayobozi yayo bajye batubwira ikibazo bafite mbere yigihe nikiba ari icyamafaranga turebe uburyo twashyiraho amakesi muri buri kagari yo gufasha ikipe yacu tukazajya tuyifungura buri kwezi .
Birababaje Gomes agiye twari tukimukeneye ariko ntabwo ariwe kampara turashaka undi byihuse.
mwihangane ikpe irahari
ibi bibere isomo nandi ma kipe yo mu Rwanda,Kumenya uko bagomba guhemba abatoza ndetse n’abakinnyi batarinze guca mu itangazamakuru.MURAKOZE
Comments are closed.