Depite ASHINZWUWERA Alexandre yirukanwe mu nteko

Iyari Intumwa ya Rubanda ASHINZWUWERA Alexandre  Dumas yirukanwe na bagenzi be mu Nteko Ishinga amategeko umutwe w´Abadepite uyu munsi taliki 19-07-2011. Depite Polisi Denis, Visi-Perezida w’Umutwe w’Abadepite , Inteko Ishinga Amategeko y’u Rwanda, akaba yatangarije rubanda ko iyirukanwa ry´iyi Ntumwa ryatewe n´imyitwarire mibi mu buzima bwayo bwa buri munsi.

Ashinzwuwera akaba yari ari mu Nteko ku iturufu y´ishyaka PSP rimwe mu mashyaka yazamukiye ku ishyaka rya FPR Inkotanyi mu matora y´Abadepite yabaye umwaka ushize.

Taliki 15 Gashyantare 2011, Parike yatangaje ko  ASHINZWUWERA  yakuweho ubudahangarwa n´Inteko Ishinga Amategeko y´U Rwanda nk´Intumwa ya Rubanda icyo gihe Polisi yu Rwanda ihita imuta muri yombi. Ashinzwuwera akaba akurikiranweho icyaha cyo guhohotera murumuna we w´imyaka 12 wabaga iwe amuhondagura bigera aho amurema inguma.

Mu Nteko Ishinga Amategeko Umutwe w´Abadepite kuri ubu hari intebe ebyiri zitegereje Kankera M Josee na Ngabo Sebahundo Amiel bakurikiyeho k´Urutonde rwa FPR Inkotanyi nyuma y´urupfu rwa Nibishaka Aimable ndetse n´iyirukanwa ry´uyu Ushinzwuwera Alexandre Dumas.

Imyitwarire mibi y´Umudepite mu Nteko si igihangano cya Alexandre urya kuko hari n´abandi bamubanjirije nabo bagiye bagaragara ho ibyaha binyuranye yewe n´ibya Genoside.

umuseke.com