Daniel Ngarukiye yapfushije umwana w’amezi atatu gusa

CHIEF EDITOR
05/30/2016

Umuhanzi w’umunyarwanda, Daniel Ngarukiye aho ari mu burayi yapfushije umwana w’imfura, nyuma y’amezi atatu yari amaze avutse.

Daniel Ngarukiye n'umuhungu we Inyamibwa wapfuye kuri uyu wa mbere — Daniel Ngarukiye n’umuhungu we Inyamibwa wapfuye kuri uyu wa mbere

Uyu mwana witwaga Inyamibwa wa Daniel Ngarukiye n’umufasha we w’umunya- Romania, Lavinia Orac yitabye imana kuri uyu wa mbere tariki 30 Gicurasi 2016, yari yaravutse tariki 18 Gashyantare 2016.

Amakuru agera k’Umuseke avuga ko uyu mwana atiyigeze arwara igihe kinini.

Ngo mu ijoro ryo kuri iki cyumweru nibwo Inyamibwa yafashwe n’uburwayi butazwi, atangira kuruka.

Ababyeyi babanje kubona bidakomeye, ariko uko amasaha y’ijoro yakomezaga kwicuma, niko uyu mwana yakomezaga kuremba.

Nyuma yo kubona ko bikomeye, Ngarukiye na Lavinia bajyanye umwana wabo kwa muganga. Mu masaha make bahageze, Inyamibwayahise ashiramo umwuka.

Ngarukiye na Lavinia Orac bamaranye amezi atandatu, kuko basezeraniye muri Romania tariki ya 22 Ukuboza 2015.

Inyamibwa, umuhungu w'imfura wa Ngarukiye yitabye Imana bitunguranye — Inyamibwa, umuhungu w’imfura wa Ngarukiye yitabye Imana bitunguranye

Joel Rutaganda
UM– USEKE.RW

6 Comments

Gisele says:
05/30/2016 at 21:36

yooo nikaruhukire mu mahoro
agahinda ntikica kagira mubi
mukomere kdi rwose Imana ibahe undi vuba

Twamu says:
05/31/2016 at 00:44

Yoooo bihangane. Kasaga nase rwose. Urupfu rugira nabi.

Minani Christian says:
05/31/2016 at 10:13

Ohhh ! Imana ibahe kwihangana! uyu Mumarayika nawe aruhukire mumahoro!

john says:
05/31/2016 at 11:00

Sha mwana wa mama ihangane peeeeeeeeeeeeee,sha uzi gupfusha umwana noneho akaba ari nawe mfura yaweeee,umva birababaza cyaneeeeee ariko isi turimo yamanukiwe n’umubi satani.