El Classico ku nshuro y’i 162.

Iyi ni imibare ikubwira ku bijyanye n’umukino uhuza Real Madrid na FC Barcelone uyu mukino kuri uyu wa 16/04/2011(22h00).

(162) Uyu mukino wa Clasico w’uyu munsi ni ku nshuro y’i 162 mu mateka ya shampiyona muri Esipanye. Ikipe yagerageje kwitwara neza muri rusange ni Real Madrid, yatsinze inshuro 68, inganya 30 Barcelona ikaba yaratsinzemo 63.Mu rugo kwa Real bakinnye inshuro 80, Real yatsinze 50,inganya 14 ndetse itsindwa izindi 16na Barça.

(175 000) Ni umubare w’abafana ba FC Barcelone mu gihe Real ifite abagera ku bafana 96 000.

(2004) Ni umwaka ikipe itari imwe muri izi iheruka gutwara shampiyona.Hari mu 2004 Barca yarangije ku mwanya wa 2 na ho Real yarangije ari iya 4.

(31) Uyu ni umubare uhura n’inshuro umukinnyi wakinnyi muri uyu mukino wa Clasico; uyu ni Gento,wawugaragayemo inshuro 31. Mu bakinnyi bagikina uri ku songa ni umusaza Carles Puyol wakinnyemo inshuro 22 akaba arusha umuzamu Iker Casillas na Xavi inshuro imwe.

(5) Mu mateka ni inshuro nyinshi aya makipe ahuye mu gihe gito; inshuro eshanu mu minsi 18 ni muri uyu mwaka w’imikino 2010-2011.1umukino wa shampiyona wo kwishyura, 2 ni imikino ibiri ya kimwe cya kabiri muri Champions Ligue ndetse n’umukino wa nyuma mu gikombe cy’umwami.

(124) Ni iminota umukinnyi Karim Benzema yakinnye munshuro 3, akaba ntagitego aratsinda Barsa.

(18) Alfredo Di Stefano ni we wabashije gutsida mo ibitego byinshi mu mateka 18 atsinda Barsa harimo 14 muri la Liga. Raul amuri inyuma na 15 harimo 11 bya shampiyona, na ho Lionel Messi afitemo 7 ni uwagatatu.

(33) Ni umubare w’abakinnyi bagiye bava mu ikipe imwe bajya mu yindi.Uwanyuma ni Javier Saviola, wakiniye Barça mu 2001kugera muri 2007,akajya muri Real Madrid muri 2007 kugera muri 2009.

(48) Lionel Messi yujuje ibitego 48 bituma aba rutahizamu utsinze ibitego byinshi mu mwaka umwe mu mateka ya Barsa ubwo yatsindaga igitego Shaktar Donetsk.

(16) Kuva afashe Barsa, Pep Guardiola yakinnye imikino 15,atsinda Real ibitego 16 kuri 2 gusa!

(0) Uyu mwaka Barsa yatsinzwe inshuro 0 hanze y’ikibuga cya yo.Ariko amakipe ya Athletic Bilbao mu 1929-1930 na Real Madrid mu 1931-1932 zarangije shampiyona zidatsindiwe iwazo.

(1929) Ni bwo umukino wa mbere wahuje aya makipe hari ku ya 17 Gashyantare1929,kuri Camp Nou, maze Real Madrid ihatsindira Barsa 2-1.

(11) Ni ibitego byinshi mu mateka y’uyu mukino Real Madrid iwayo yanyagiye Barsa 11-1.Mu gice cya mbere cyarangiye ari ibitego 8-0.

(72) Real Madrid imaze gutwara ibikombe 72 kuva yabaho mu 1902,ikaba irusha Barsa 3 ifite 69 kuva yakwitwa ityo.

(6) Barsa yatsinda kuri iyi nshuro yaba iciye ako gutsinda inshuro 6 yikurikiranyije kuva uyu mukin watangira kwitwa uku.

Ese wowe urabibona ute?Ikibazo cy’umunsi ni nde utsinda none?

HATANGIMANA Ange Eric

Umuseke.com